文章
相簿

→ 中 環

Chinese Spoon 味精無添加 隱世湯水店

不眠王子 於 2010年03月01日發表   人氣:853


  

   早 幾 日 睇 到 報 紙 講 Chinese Spoon ,至 醒 起 係 喎!我 幫 襯 咗 佢 咁 多 年 都 未 寫 過 blog 喎!好 多 時 喺 中 環 做 完 嘢 ,攰 到 唔 想 見 人 嗰 陣 ,我 都 會 嚟 呢 度 飲 吓 味 精 無 添 加 嘅 湯 水。

  如 果 你 係 鹹 蟲 、味 精 怪 、麻 油 老 妖 族 ,Sorry!你 再 無 必 要 睇 落 去 ,呢 度 絕 對 唔 啱 你!

  呢 度 嘅 湯 夠 老 火?唔 係!而 係 湯 款 勝 在 多 選 擇 ,日 日 轉 款 ,而 且 一 定 有 益 過 去 餐 廳 、快 餐 店 飲 啲 渴 喉 味 精 湯。

  想 知 每 日 有 乜 湯 飲 ,可 以 上 www.chinesespoon.com   

  呢 度 嘅 小 菜 好 出 色?唔 係!而 係 貪 佢 啲 菜 式 少 油 、少 鹽 、少 煎 炸 嘅 款 式 ,清 清 哋!清 吓 腸 胃 嘛!

  喺 IFC 一 帶 ,好 難 搵 到 幾 十 蚊 就 有 交 易 嘅 食 店 開 餐

  

   Chinese Spoon 喺 機 鐵 香 港 站 M 層 ,夜 晚 靜 到 飛 起 ,所 以 我 好 多 時 都 會 喺 晚 市 嚟 撐 吓 場。慢 慢 歎 吓 靚 湯 ,食 番 碟 蒸 餸 ,中 環 區 有 咁 抵 食 、坐 得 咁 舒 服 嘅 地 方 去 邊 度 搵?

  

   呢 度 晚 市 主 打 一 餸 一 飯 加 一 壺 老 火 湯 嘅 套 餐,$63 相 當 經 濟 ,想 飲 多 啲 湯 仲 可 以 加 多 $6 轉 大 壺 添!

 因 為 港 鐵 站 室 溫 偏 凍 ,所 以 老 闆 娘 用 心 良 苦 ,用 保 溫 壺 裝 住 啲 湯 以 保 持 湯 溫 ,要 飲 嗰 陣 至 自 己 倒 落 杯 度。如 果 一 大 湯 碗 捧 出 嚟!好 快 就 會 凍 咗 唔 好 飲。

  希 望 大 家 明 白 佢 哋 呢 份 心 意 ,無 謂 無 矢 放 的 吧!

 

 

   花 雕 醉 雞 翼 ($18) 有 4 隻 ,雞 翼 雖 然 係 雪 藏 貨 色 ,但 size 有 番 咁 上 下 ,肉 質 嫩 滑 ,入 口 亦 有 酒 香 ,算 唔 錯。

  

   溫 泉 蛋 係 呢 晚 跟 餐 嘅 小 食 ,唔 係 經 常 有 ,睇 彩 數 吧!

  

   嚮 螺 雪 梨 玉 竹 南 北 杏 龍 眼 肉 瘦 肉 湯 個 名 咁 長 ,無 非 想 話 你 知 個 湯 有 幾 足 料。坦 白 講 ,個 湯 雖 然 老 火 不 足 ,但 滋 潤 有 餘 ,倒 落 杯 度 時 仲 係 熱 烘 烘 嘅!

  

   冬 菇 馬 蹄 蒸 肉 餅 係 跟 餐 ,一 個 人 嘅 份 量 嚟 講 唔 算 少

  

   肉 餅 用 嘅 調 味 料 比 較 輕 手 ,味 道 較 市 面 嘅 一 般 食 店 稍 為 清 淡 ,但 肯 定 好 食 過 醫 院 嘅 乾 巴 巴 貨 色 ,感 覺 健 康。 

  

   唯 一 唔 太 滿 意 嘅 係 碗 飯 ,飯 粒 算 軟 熟 ,但 細 碗 咗 啲!

   

   蒜 香 蘑 菇 炒 蝦 球 ($38) 收 快 餐 店 咁 嘅 價 錢 ,要 預 咗 唔 會 用 乜 嘢 靚 配 料 去 烹 調,無 謂 挑 剔。菜 又 確 實 老 咗 啲 嘅!

  

   蝦 球 數 量 算 唔 少 ,食 落 鮮 味 不 足 ,但 爽 口 有 餘。

   

   冰 鎮 蘋 果 雪 梨 特 飲 ($10 細,$15 大) 係 自 家 出 品 ,由 蘋 果、雪 梨、龍 眼 肉 及 南 北 杏 烹 調 而 成 ,味 道 清 甜 滋 潤。

  俾 百 鬆 啲 就 夠 兩 小 口 子 舒 舒 服 服 食 餐 飯 ,唔 錯 啦!

  

   電 話 : 2915 2261    平 均 消 費 : $50 - $80 / 位

  地 址 : 中 環 香 港 機 鐵 站 M 層 HOK 12B 號 舖

  

 


上一篇: 麗景酒店 Cafe Express 三月自助晚餐 熱葷篇

下一篇: 趙學而 專輯 榮登 CD 聖經 封面


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,223,838
所有文章: 2,060
本日訪客人數: 1,360
累計訪客人數: 10,013,579