文章
相簿

→ 九 龍

Paul Lafayet 法國甜品風 潮拜老佛爺

不眠王子 於 2010年03月03日發表   人氣:1386


      

       如 果 去 年 冬 季 嘅 甜 品 界 係 Tony Wong 嘅 世 界 ,咁 今 年 嘅 春 季 就 肯 定 係 Paul Lafayet 嘅 天 下 ,有 米 芝 連 三 星 餐 廳 嘅 法 國 餅 廚 助 陣 ,甜 魔 族 當 然 老 遠 都 趕 嚟「潮」拜 老 佛 爺 ,王 子 係 咪 甜 魔?你 睇 個 Blog 講 甜 品 店 都 過 咗 110 間 ,點 會 唔 係?點 解 呢 篇 咁 遲 至 出?越 正 嘅 甜 品 越 要 慢 慢 享 受 嘛!

      你 睇 完 篇 Blog 都 知 我 幫 襯 咗 好 多 次 啦!密 到 連 啲 店 員 都 認 得 我 ,食 到 入 咗 VIP list ,落 名 嗰 陣 見 到 個 list 唔 夠 10 個 人 ,其 中 有 幾 個 仲 係 "開 飯 啦" 最 出 名 嘅 女 甜 魔 添! 

      

       Paul Lafayet 店 仔 細 細 ,一 個 大 餅 櫃 加 一 個 小 餅 櫃 ,再 放 幾 張 高 櫈 仔 ,明 顯 以 take away 為 主 。法 式 甜 品 有 十 幾 款 ,只 分 $35 同 $40 兩 個 價 錢。而 人 氣 嘅 Macaron 亦 多 達 11 款 ,每 件 賣 $15 ,價 錢 唔 算 平 ,但 最 貴 亦 唔 係 佢。

      甜 品 每 日 分 3 個 時 段 由 土 瓜 灣 嘅 餅 房 新 鮮 供 應 ,想 多 啲 款 揀 又 唔 駛 排 餐 死 ,閒 日 下 午 茶 時 段 去 就 最 good!幾 位 後 生 女 店 員 無 咁 忙 嗰 陣 其 實 都 幾 好 傾 架!

      

       呢 度 不 時 都 會 有 節 日 限 定 品 推 出 ,好 似 呢 個 Macaron 禮 盒 係 新 年 限 定 ,平 日 無 架!

       

       朱 古 力 慕 絲 蛋 糕 禮 盒 一 睇 就 知 係 情 人 節 限 定 啦!

      

       Creme Brulee 法 式 焦 糖 燉 蛋 ($40) 係 呢 度 嘅 招 牌 名 物

       

       焦 糖 燉 蛋 即 叫 即 燒 . . . 焦 糖 面 層 ,最 好 就 即 刻 食 啦!

      

       睇 吓 件 焦 糖 燉 蛋 燒 得 幾 靚 ,香 噴 噴 到 想 一 啖 吞 落 肚

      

       燒 起 就 要 趁 快 食 ,薄 薄 甜 甜 嘅 焦 糖 皮 香 脆 到 極。

       

       燉 蛋 滑 溜 有 蛋 香 之 餘 ,又 有 濃 濃 嘅 雲 呢 拿 香 味。正!

      

       Chocolate Blueberry Dome 朱 古 力 藍 莓 慕 絲 蛋 糕 ($40) 係 近 期 最 人 氣 嘅 甜 品。最 好 就 即 刻 食 啦!如 果 你 攞 去 較 遠 嘅 地 方 ,蛋 糕 外 層 嘅 朱 古 力 漿 都 溶 得 幾 快 吓 架!

                     

                      朱 古 力 藍 莓 慕 絲 蛋 糕 頂 層 係 粒 金 色 macaron ,蛋 糕 內 有 朱 古 力 慕 絲 及 藍 莓 慕 絲 層 層 疊 ,甜 而 不 膩。

                     

       Chocolate Mousse 朱 古 力 慕 絲 ($35) 最 估 唔 到 唔 係 佢 嘅 香 軟 味 道 ,而 係 用 咗 個 瓷 碗 去 裝 ,收 $35 算 對 得 住 你 有 餘。  

       

       Blackberry Tart 黑 莓 撻 ($35) 賣 相 簡 單 得 嚟 又 相 當 吸 引

      

       黑 莓 撻 嘅 餅 底 頗 鬆 脆 ,黑 莓 份 量 勁 多 ,味 道 清 甜

      

       Craquelin au chocolat 朱 古 力 軟 心 蛋 糕 ($40) 唔 抵 食 ,上 個 月 仲 係 賣 $35 ,乜 咁 快 就 起 價 嘅?

       

       朱 古 力 軟 心 蛋 糕 軟 身 得 嚟 唔 係 綿 嗰 隻 ,而 係 比 較 挺 身 ,蛋 糕 有 香 濃 嘅 朱 古 力 味 ,食 落 仲 feel 到 粒 粒 朱 古 力 脆 米 喺 裡 面。但 講 到 質 感 同 味 道 ,都 係 Tony Wong 正 啲!

                    

       Craquelin au chocolat 朱 古 力 軟 心 蛋 糕 ($40) 同 上 面 嗰 件 有 乜 分 別?少 咗 面 層 嘅 朱 古 力 漿 囉!$40 太 貴 啦!

      

       朱 古 力 味 一 樣 咁 香 濃 ,食 落 仲 無 上 面 嗰 件 咁 膩 添!

      

       Mille-Feuilles 法 式 拿 破 崙 ($35) 賣 相 唔 吸 引 ,酥 友 係 幾 鬆 化 ,但 水 準 就 遠 不 及 Mimosa 甚 至 Tony Wong 嘅 出 品。

      

       Apple Tart 蘋 果 撻 ($35) 上 個 月 仲 係 賣 $30 架!好 多 人 都 miss 咗 呢 件 正 嘢!蘋 果 肉 香 甜 軟 腍 腍 ,撻 底 非 常 鬆 脆。

      

       Strawberry Vanilla Tart 士 多 啤 梨 撻 ($35) 賣 相 超 吸 引 ,差 唔 多 每 2 次 嚟 就 會 食 一 次。

      

       單 係 見 到 咁 大 粒 咁 鮮 艶 嘅 士 多 啤 梨 已 經 流 口 水 啦!

      

       連 個 外 賣 盒 都 靚 到 好 似 珠 寶 店 嘅 飾 櫃 咁 ,買 半 打 餅 送 俾 人 肯 定 夠 晒 體 面 啦!

      

       Macaron ($15) 多 達 11 種 口 味 ,最 新 出 係 綠 茶 同 芝 麻 味

                      

       其 餘 9 種 口 味 分 別 係 芒 果 、藍 莓 、士 多 啤 梨 、薑 味 、玫 瑰 、熱 情 果 、開 心 果 、榛 子 及 朱 古 力。

     

      Macaron 有 幾 鬆 脆?點 小 心 買 到 返 屋 企 都 有 3 粒 裂 咗。

      

      Macaron 主 要 配 料 有 蛋 白 、糖 及 杏 仁 ,餡 料 就 多 數 以 鮮 果 肉 以 人 手 製 成 ,顏 色 鮮 艶 但 味 道 天 然。

      個 人 至 鍾 意 邊 隻 口 味?就 以 排 行 去 分 先 後 吧!

     

      綠 茶 macaron 甜 度 適 中 ,綠 茶 味 清 香 自 然。

      

      玫 瑰 macaron 味 道 比 想 像 中 天 然 ,甜 度 亦 唔 會 過 濃

     

      芒 果 macaron 擁 有 天 然 嘅 芒 果 香 甜 ,超 鍾 意 食 呀!  

      

      薑 味 macaron 係 估 唔 到 咁 正 ,咬 啖 有 "叮" 一 吓 嘅 感 覺

     

      芝 麻 macaron 芝 麻 味 香 噴 噴 ,但 質 感 比 較 粗 糙。

     

      藍 莓 Macaron 紫 色 到 咁 嘅?但 食 落 去 又 真 係 藍 莓 味 喎!

      

      開 心 果 macaron

      

      熱 情 果 macaron

     

      朱 古 力 及 士 多 啤 梨 macaron 最 麻 麻!味 道 太 甜 啦! 

       

       電 話 : 3586 9621                 平 均 消 費 : $50 - $90 / 位

      地 址 : 尖 沙 咀 河 內 道 18 號 K11 購 物 藝 術 館 G23 舖

      

 


上一篇: 順豐排骨麵 細屋搬大屋 水準跌底谷

下一篇: 麗景酒店 Cafe Express 三月自助晚餐 優惠篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,075,197
所有文章: 2,060
本日訪客人數: 645
累計訪客人數: 9,891,280