文章
相簿

→ 銅 鑼 灣

鳥羽名古屋料理 點只雞翼咁簡單

不眠王子 於 2010年03月09日發表   人氣:738


      

       一 月 初 至 去 過 鳥 羽 名 古 屋 料 理 後 ,坦 白 講 ,真 係 食 出 癮 ,尤 其 是 對 名 古 屋 風 嘅 炸 雞 翼 手 羽 先 唐 揚 念 念 不 忘 ,於 是 上 個 月 尾 趁 靚 女 Blog 友 Amy 喺 加 拿 大 返 嚟 ,帶 佢 去 烏 羽 擦 番 餐 勁 嘅!

                        

       靚 女 經 理 Mancy 幫 Amy 揀 咗 款 味 道 偏 甜 嘅 清 酒 ($78)

       

       針 魚 刺 身 ($140) 係 當 日 新 鮮 空 運 抵 港 ,餐 牌 無 架!

      

       針 魚 刺 身 原 條 薄 切 ,唔 駛 蘸 任 何 醬 汁 ,就 咁 食 佢 嘅 鮮 味 已 經 正 到 不 得 了 ,用 清 酒 佐 之 感 覺 一 流。

       

      日 本 雞 蛋 天 婦 羅 ($28) 賣 相 無 以 前 咁 靚 ,但 依 然 好 味

      

       名 古 屋 秘 製 手 羽 先 唐 揚 ($48) 點 咗 5 隻 中 辣 ,因 為 朋 友 仔 無 辣 不 歡 ,我 唯 有 捨 命 陪 美 女 . . . .

      

       中 辣 炸 雞 翼 對 我 呢 個 小 辣 可 以 怡 情 嘅 人 嚟 講 簡 直 辣 到 飛 起 ,辣 到 咀 唇 就 快 要 爆 開 . . . 靚 女 竟 然 一 句 :「都 唔 夠 辣 嘅?」我 差 啲 撻 咗 落 地 . . . . 

      

       八 丁 味 噌 焗 米 茄 子 ($48) 上 次 已 經 想 試 ,賣 相 靚 嘛!

      

       八 丁 味 噌 焗 米 茄 子 厚 身 大 大 隻 ,經 八 丁 味 噌 醃 後 再 焗 ,香 噴 噴 到 不 得 了。

      

       茄 子 外 層 甜 甜 哋 ,裡 面 焗 得 相 當 軟 腍 ,滋 味 度 滿 分

      

       燒 羊 架 ($35) 得 一 隻 ,但 size 有 番 咁 上 下 大 隻 厚 身。

      

       羊 架 表 面 睇 好 似 有 啲 燶 ,但 其 實 內 裡 燒 得 啱 啱 好 ,肉 質 粉 嫩 鬆 軟 又 多 汁 ,香 料 混 合 輕 輕 嘅 羊 羶 味 更 惹 味。

                     

       鵝 肝 釀 雞 翼 ($45) 好 多 地 方 有 得 食 ,但 燒 得 靚 嘅 唔 多 ,食 得 出 鵝 肝 味 嘅 更 少 ,呢 度 師 傅 有 料 到 ,燒 得 夠 心 機。

      

       雞 翼 肥 嘟 嘟 ,釀 咗 唔 少 鵝 肝 令 隻 雞 翼 食 落 更 加 惹 味

      

       燒 雞 肉 軟 骨 棒 子 ($18) 用 免 治 雞 肉 包 住 雞 軟 骨 粒 成 棒 狀 至 攞 去 燒 ,雞 肉 燒 到 香 噴 噴 之 餘 ,又 食 到 粒 粒 軟 骨 ,口 感 一 流。

       

       電 話 : 2891 7188           平 均 消 費 : $200 - $300 / 位

      地 址 : 銅 鑼 灣 駱 克 道 489 號 駱 克 駅 21 樓

                             

 


上一篇: 皇室甜品 衰心軟 錯會 心太軟

下一篇: 拿督星馬冰室 星加坡陳太 回歸


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,561,336
所有文章: 2,060
本日訪客人數: 1,427
累計訪客人數: 10,312,403