文章
相簿

→ 九 龍

皇室甜品 衰心軟 錯會 心太軟

不眠王子 於 2010年03月10日發表   人氣:640


      

       08 年 5 月 喺 Blog 講 過 皇 室 甜 品 ,總 結 係 "未 必 再 去",但 上 年 年 尾 有 blog 友 叫 我 俾 多 次 機 會 呢 度 ,見 佢 裝 修 過,連 門 口 位 都 改 埋 . . . 又 好 ,試 多 次 啦!

      今 次 再 去 ,感 覺 座 位 多 咗 ,逼 逼 哋 無 以 前 咁 好 坐 ,人 多 嗰 陣 都 幾 嘈 吓 ,餐 牌 上 再 無 啲 騎 呢 嘅 3 級 甜 品 ,唔 明 講 乜?可 以 睇 HERE 重 溫 ,啲 甜 品 相 仲 影 得 幾 靚 添!所 以 決 定 試 晒 3 款 呢 度 嘅 招 牌 推 介。結 論 係 呢 度 嘅 甜 品 適 合 後 生 仔 女 多 啲!如 果 你 對 甜 品 質 素 有 要 求 ,又 好 似 我 咁 有 周 圍 去 食 甜 品 嘅 話 ,你 或 會 好 似 我 咁 對 佢 有 啲 失 望。

      

       百 花 蜜 燉 柿 貝 蘋 果 ($18) 所 用 嘅 只 係 普 通 蘋 果 ,燉 得 未 夠 火 候 ,蘋 果 咬 落 仲 爽 口 嘅?應 該 燉 到 軟 腍 嘛!同 一 出 品 ,小 甜 谷 正 好 多 啦!係 貴 多 幾 蚊 ,但 用 富 士 蘋 果 嘛!

      

       燉 柿 貝 蘋 果 飲 唔 出 滋 潤 ,只 得 個 甜 字 ,飲 完 好 渴 喉。

      

       原 盅 椰 皇 燉 雪 蛤 膏 ($38) 賣 相 麻 麻 哋!個 椰 殼 疑 似 循 環 再 用 ,點 解 唔 加 番 個 蓋 上 去 呢?一 來 令 人 感 覺 原 個 椰 皇 上 枱 ,二 來 可 以 保 持 內 裡 嘅 溫 度。

      

       燉 雪 蛤 膏 椰 香 欠 奉 ,又 係 得 個 甜 字 ,甜 到 過 咗 龍。

      

       心 太 軟 ($35) 比 其 他 地 方 貴 ,因 為 可 自 選 2 個 雪 糕 球。

      

       雪 糕 球 用 本 地 貨 ,no comment!但 食 濃 味 嘅 心 太 軟 應 該 夾 番 清 清 哋 嘅 雪 糕 去 中 和 ,例 如 呍 呢 拿 或 綠 茶 雪 糕。見 有 人 用 朱 古 力 雪 糕 ,味 道 重 叠 又 點 食 到 心 太 軟 真 味 呢? 

       

       心 太 軟 流 心 程 度 亦 麻 麻!朱 古 力 漿 比 較 稀 ,味 道 勁 似 阿 華 田 ,蛋 糕 亦 有 少 少 鬆 散 ,價 錢 同 質 素 唔 成 正 比。食 心 太 軟 ,我 寧 願 去 對 面 嘅 甜 蜜 居 、附 近 嘅 小 店 Copacabana 或 九 龍 城 廣 場 嘅 甜 之 迷 好 過。

      

       電 話 : 2382 6808        平 均 消 費 : $18 - $38 / 位

      地 址 : 九 龍 城 城 南 道 15 號 地 下

      

 


上一篇: 大利清湯腩 應改名 暴利清湯腩 So Bad

下一篇: 鳥羽名古屋料理 點只雞翼咁簡單


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,695,692
所有文章: 2,060
本日訪客人數: 598
累計訪客人數: 9,551,991