文章
相簿

→ 元 朗

彪記牛丸麵家 還是食牛丸好了

不眠王子 於 2010年04月12日發表   人氣:978


      

       Blog 友 仔 話 睇 飲 食 雜 誌 講 彪 記 牛 丸 麵 家 係 元 朗 嘅 隱 世 爆 場 店 ,問 我 食 過 未?我 話 隱 世 就 唔 會 爆 場 ,爆 場 又 點 算 隱 世 呀?彪 記 喺 元 朗 幾 十 年 ,牛 丸 咁 出 名 ,門 口 又 大 把 地 方 可 以 泊 車 ,附 近 又 有 B 仔 涼 粉 ,點 算 隱 世 呀?

      但 爆 場 原 因 仲 有 好 多 嘅!例 如 地 方 細 啦!附 近 無 乜 同 行 爭 食 啦!幾 十 年 累 積 唔 少 熟 客 啦!啲 嘢 幾 好 食 啦 . . .

      但 我 要 提 醒 你 ,呢 度 大 枱 較 多 ,無 乜 細 枱 ,要 預 咗 同 班 三 唔 識 七 嘅 客 一 齊 食 嘢 . . . 仲 係 好 親 密 嗰 隻 ,好 彩 俾 我 搵 到 張 只 可 以 坐 3 個 人 嘅 細 枱 ,唔 係 都 唔 知 點 影 相。

      

       乜 乜 物 物 粉 麵 米 單 拼 雙 拼 一 律 $22 碗 ,元 朗 區 嚟 講 唔 算 平。除 咗 馳 名 嘅 牛 丸 真 係 好 得 外 ,其 餘 都 麻 麻 哋!個 人 認 為 牛 肚 、牛 筋 或 牛 腩 嘅 質 素 都 比 唔 上 大 埔 嘅 群 記。

      

       牛 丸 ($22) 一 碗 有 10 粒 ,全 場 大 部 份 客 都 係 單 叫 一 碗 ,唔 會 跟 粉 麵 同 食 ,一 來 牛 丸 確 實 好 好 味 ,二 來 跟 粉 麵 會 少 2 粒 嘛!粉 麵 質 素 又 唔 係 正 ,當 然 齋 叫 牛 丸 好 過 啦!

      

       彪 記 嘅 牛 丸 賣 點 唔 係 彈 牙 ,而 係 肉 味 夠 新 鮮 ,咬 落 去 肉 汁 充 滿 牛 味。唯 一 要 彈 係 個 湯 底 ,鹹 到 死 又 無 牛 味。

      

       肥 腩 河 ($22) 啲 牛 腩 真 係 肥 到 嚇 死 人 ,肥 膏 層 層 疊 ,唔 係 度 度 有 得 食 架!人 一 世 物 一 世 ,試 一 次 咁 多 囉!

      

       牛 肚 牛 筋 米 ($22) not bad ,但 不 至 於 正 到 要 專 程 嚟 食

      

       牛 筋 無 錯 係 軟 腍 腍 ,但 唔 夠 爽 口 ,欠 咗 幾 分 嚼 勁。

      

       牛 肚 亦 夠 鬆 軟 ,但 又 係 無 乜 肉 香 ,係 湯 底 影 響 咗 吧?

      

       自 家 製 辣 椒 油 係 正 ,辣 度 勁 而 不 搶 喉 ,但 有 無 諗 過 點 解 咁 多 人 要 落?如 果 湯 頭 落 足 料 又 夠 火 候 ,食 粉 食 麵 又 駛 乜 加 醬 料 調 味 呢?牛 丸 雖 好 都 要 靚 湯 底 扶 持 嘅!

      講 到 辣 椒 油 ,我 覺 得 粉 嶺 嘅 群 記 仲 正 得 多 啦!

      

       彪 記 啲 飲 品 一 律 $11 杯 ,咁 梗 係 飲 凍 檸 樂 最 抵 啦!

      下 次 都 係 剩 食 牛 丸 算 了 . . .

      

       電 話 :  2476 1871            平 均 消 費 : $22 - $33 / 位

      地 址 : 元 朗 建 業 街 51 - 53 號 地 下

      

 


上一篇: 石崗咖喱屋 平食印度 老字號

下一篇: 匠Mazter 紅酒飯壽司 到北海道軟雪糕 超滿足


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,393,549
所有文章: 2,060
本日訪客人數: 1,906
累計訪客人數: 10,169,416