文章
相簿

→ 元 朗

石崗咖喱屋 平食印度 老字號

不眠王子 於 2010年04月13日發表   人氣:803


      

       香 港 有 好 多 食 咖 喱 嘅 地 方 ,因 為 要 遷 就 香 港 人 嘅 口 味 ,香 料 落 少 咗 或 輕 手 咗 ,失 去 咗 傳 統 嘅 風 味 ,味 道 正 宗 嘅 咖 喱 屋 買 少 見 少 ,石 崗 咖 喱 屋 喺 元 朗 有 接 近 40 年 歷 史 ,係 少 數 仲 保 持 到 傳 統 印 度 風 味 嘅 餐 廳。

      叫 得 老 字 號 ,環 境 少 不 免 有 啲 啲 破 舊 ,但 坐 得 都 算 OK 舒 服 ,部 份 女 侍 應 識 講 識 聽 少 少 廣 東 話 ,落 單 唔 駛 擔 心 會 有 問 題 ,其 他 侍 應 就 要 用 英 文 去 溝 通。而 Menu 內 嘅 價 錢 都 算 經 濟 ,2 個 人 晚 市 幫 襯 ,200 蚊 都 可 以 落 到 樓。 

      

       脆 皮 薄 餅 係 餐 前 小 食 ,送 嘅!2 大 塊 相 當 脆 口。 

      

       唔 駛 蘸 醬 汁 都 好 食 ,要 蘸 嘅 不 妨 試 吓 綠 色 嘅 香 草 汁。

                    

       Banana Lassi ($20) 即 係 香 蕉 酸 乳 ,一 向 飲 開 Mango Lassi ,香蕉 味 比 較 少 見 ,所 以 即 時 叫 杯 試 吓。香 蕉 酸 乳 味 道 清 香 、酸 酸 甜 甜 ,味 道 無 芒 果 味 咁 濃 ,但 一 樣 咁 好 飲。

      

       薄 荷 烤 餅 ($15) 夠 特 別 ,$15 有 幾 大 件 ,抵 食!其 實 餐 牌 內 單 係 烤 餅 都 有 十 幾 款 口 味 ,揀 咗 好 耐 至 揀 到 邊 款 咋!

      

       烤 餅 熱 烘 烘 ,餅 邊 勁 香 脆 ,但 薄 荷 味 要 大 啖 咬 至 覺。

      

       薄 荷 烤 餅 嘅 餅 身 都 幾 厚 吓!但 唔 算 太 油 膩 ,就 咁 食 味 道 已 經 唔 錯 ,但 蘸 吓 咖 喱 汁 又 有 另 一 番 風 味。

      

       咖 喱 羊 膝 ($48) 係 呢 度 嘅 招 牌 菜 ,$48 咁 平 實 在 無 唔 試 嘅 理 由,羊 肉 帶 少 少 羶 ,肉 質 非 常 軟 腍 ,蘸 香 濃 而 不 辣 嘅 咖 喱 汁 更 惹 味。

      

       印 度 香 料 蝦 ($68) 對 於 一 對 無 蝦 不 數 嘅 戀 人 ,簡 直 係 攞 膽!個 汁 好 稠 好 香 濃 ,王 妃 即 時 將 件 薄 荷 烤 餅 蘸 完 至 食 ,食 完 又 蘸 ,蘸 蘸 吓 索 性 浸 埋 落 去 . . . 咁 我 呢 喂?

      睇 埋 落 去 囉!

      

       海 蝦 唔 算 大 隻 ,但 都 幾 彈 牙 嘅!數 量 亦 唔 少 ,而 且 俾 層 香 噴 噴 嘅 醬 汁 包 圍 住 ,咁 好 味 確 係 無 理 由 就 咁 食 嘅!

       

       咦?乜 東 東 嚟 架!有 個 蓋 咁 神 秘 嘅?唔 通 係 貴 嘢?

      

       白 飯 ($12) 其 實 一 啲 都 唔 好 食 ,又 乾 又 硬 ,咁 你 仲 叫?

      

       印 度 香 料 蝦 個 汁 太 正 嘛!用 嚟 送 飯 一 流 ,個 汁 汁 好 味 到 彌 補 咗 白 飯 嘅 乾 硬 化。

      

       Masala Tea 印 式 奶 茶 及 青 檸 梳 打 2 杯 都 咁 正,值 得 試

                      

                       Masala Tea 印 式 奶 茶 ($16) 係 我 每 次 食 印 度 菜 必 點 嘅 飲 品 ,味 道 跟 港 式 奶 茶 好 唔 同 ,香 味 嘅 層 次 更 多。

                      

       青 檸 梳 打 ($16) 同 平 時 喺 泰 菜 食 店 飲 到 嘅 味 道 好 似 有 啲 啲 唔 同 ,無 理 由 關 青 檸 嘅 事,唔 通 係 梳 打??

      

       埋 單 $230 ,仲 有 張 VIP 咭 醒 你 ,以 後 幫 襯 就 有 9 折 啦!

      

       電 話 :  2476 7885            平 均 消 費 : $90 - $120 / 位

      地 址 : 元 朗 阜 財 街 14 號 地 下

      

 


上一篇: 佳記甜品 B仔涼粉 之外

下一篇: 彪記牛丸麵家 還是食牛丸好了


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,073,843
所有文章: 2,060
本日訪客人數: 449
累計訪客人數: 9,890,052