文章
相簿

澳 門 酒 店 ● 食

新葡京酒店 Crystal Lounge & Deli 堂食 City Super

不眠王子 於 2010年04月21日發表   人氣:965


  

   喺 新 葡 京 酒 店 住 當 晚 ,平 時 不 眠 嘅 我 終 於 都 喺 半 夜 三 點 幾 起 咗 身 ,做 乜 好 呢?落 去 賭 場 行 個 圈 . . . 無 賭 到 ,上 一 層 行 吓 24 小 時 嘅 餐 廳!左 邊 粥 麵 莊 似 乎 唔 太 啱 自 己 嘅 狀 態 ,右 邊 有 間 似 Delifrance 嘅 輕 食 店 水 晶 廊 空 無 一 人 (呢 個 時 間 正 常 嘅!),行 埋 去 睇 ,嘩!嚇 咗 一 跳 . . .

  

   天 花 板 繁 星 點 點 ,好 grand 呀!仲 有 個 長 長 嘅 食 物 櫃。

  

   望 住 長 長 嘅 食 材 保 鮮 櫃 ,仲 以 為 自 己 去 咗 City Super

  

   單 係 芝 士 都 接 近 20 款 選 擇 ,多 到 要 放 喺 櫃 嘅 轉 彎 位。

  

   各 式 火 腿 、凍 肉 亦 多 達 20 款 ,要 分 上 下 層 擺 放。

  

   蔬 菜 、醬 汁 亦 超 過 10 款 ,仲 未 計 另 一 邊 嘅 誘 人 餅 櫃。

  

   就 連 麵 包 都 有 18 種 咁 多,除 咗 一 般 法 國 長 包 、牛 角 包 ,特 別 到 連 啤 酒 包 、香 檳 包 、火 山 包 、波 蘭 包 都 有 提 供。

  

   水 晶 廊 都 有 dress code?因 為 可 以 望 到 樓 下 嘅 賭 場 ,嚟 到 一 定 要 除 帽 ,我 戴 住 頂 Like Black ,保 安 即 時 示 意 . . .

  

   自 選 三 文 治 ($60) 可 以 任 意 挑 選 1 款 蔬 菜 、1 款 芝 士 、2 種 肉 類 以 及 1 種 醬 汁 ,再 配 一 款 麵 包。跟 三 文 治 嘅 仲 有 一 份 沙 律 及 薯 格。咁 高 質 素 嘅 食 材 、咁 豐 富 嘅 配 搭 ,仲 要 身 處 酒 店 坐 得 咁 舒 服 嘅 環 境 都 只 係 $60 . . . 實 在 係 抵 到 喊! 

  

   沙 律 上 嘅 幾 片 蕃 茄 、青 瓜 、生 菜 非 常 新 鮮 爽 口。

  

   半 夜 三 更 仲 食 到 熱 烘 烘 嘅 薯 格 ,仲 有 挑 剔 咩?

  

   麵 包 選 咗 啤 酒 包 ,外 硬 內 軟 ,唔 太 覺 有 啤 酒 味 ,倒 有 點 點 小 麥 香 ,其 實 自 己 只 愛 食 軟 身 嘅 包 ,但 王 妃 一 聲 令 下 ,那 唯 有 . . . 哎 哎 呀!吃 硬 的 包 包 (← 請 用 國 語 唱 出!)

  

   蔬 菜 選 希 臘 火 箭 菜 、芝 士 選 瑞 士 大 孔 芝 士 ,2 種 肉 類 分 別 選 意 大 利 風 乾 牛 肉 及 燒 牛 肉 ,而 醬 汁 揀 咗 2 個 人 至 愛 嘅 蜜 糖 芥 末 汁 ,呢 個 組 合 花 咗 唔 少 時 間 去 配 對 ,味 道 係 超 夾 ,清 新 得 嚟 又 夠 飽 肚。

  

   人 總 係 犯 賤 嘅!2 個 為 食 鬼 半 夜 三 更 明 明 只 係 口 痕 ,買 一 客 三 文 治 兩 份 分 咪 算 囉!心 思 思 係 都 要 走 埋 去 個 餅 櫃 度 ,師 傅 話 齋 : 出 事 架 嘛 . . . .

  士 多 啤 梨 撻 嬌 艷 欲 滴 ,睇 到 阿 哥 我 口 水 猛 滴! 

  

   士 多 啤 梨 撻 ($27) 有 7 大 粒 靚 到 絕 嘅 士 多 啤 梨 ,又 甜 又 多 汁 ,中 間 嗰 粒 仲 點 上 金 箔 ,仲 喺 外 圍 再 琳 上 士 多 啤 梨 漿 ,令 到 整 個 果 撻 紅 噹 噹。而 撻 低 鬆 脆 又 有 牛 油 香。

   

   朱 古 力 蛋 糕 ($27) 點 睇 都 覺 得 個 牌 寫 錯 ,乜 唔 係 朱 古 力 脆 皮 雪 條 咩?呢 個 又 唔 係 冰 櫃 ,係 就 唔 會 影 到 咁 清 啦!

  

   早 幾 日 放 呢 張 相 上 微 博 ,無 人 估 到 係 朱 古 力 蛋 糕。

  

   朱 古 力 脆 皮 上 耍 上 花 生 粒 及 濃 濃 嘅 朱 古 力 醬 ,內 裡 係 軟 綿 綿 如 雪 糕 般 嘅 朱 古 力 慕 絲 蛋 糕 ,以 一 支 雪 條 棍 穿 上 ,裝 成 朱 古 力 脆 皮 雪 條 一 樣 ,但 size 卻 係 雪 條 嘅 幾 倍。

   

   五 星 級 酒 店 內 食 到 咁 大 支 脆 皮 蛋 糕 卻 只 係 賣 $27 . . .

  你 抵 擋 得 住 咩?

  

   樓 下 係 熱 血 沸 騰 嘅 拼 博 氣 氛 ,樓 上 有 我 哋 2 個 優 哉 游 哉 咁 儃 住 支 蛋 糕 ,你 話 做 人 咁 博 為 乜?

  

   電 話 : (853) 8803 7711      平 均 消 費 : $60 - $90 / 位

  地 址 : 澳 門 葡 京 路 新 葡 京 酒 店 1 樓 上 層

 


上一篇: 新葡京酒店 Round-The-Clock Coffee Shop 醒神早餐 中西會

下一篇: 新葡京酒店 Don Alfonso 1890 米芝蓮星級 南意風情


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,127,929
所有文章: 2,060
本日訪客人數: 132
累計訪客人數: 9,935,917