文章
相簿

澳 門 酒 店 ● 食

新葡京酒店 Round-The-Clock Coffee Shop 醒神早餐 中西會

不眠王子 於 2010年04月22日發表   人氣:1076


  

   酒 店 住 宿 一 般 都 會 包 早 餐 ,有 啲 係 breakfast buffet ,自 由 度 大 ,叉 燒 包 配 煙 肉 煎 雙 蛋 點 食 都 得 ,但 食 材 質 素 一 般。有 啲 就 玩 主 題 ,最 大 路 都 係 美 式 早 餐 或 英 式 早 餐。呢 兩 年 試 過 Holiday Inn 、MGM 、威 尼 斯 人 . . . 無 一 間 嘅 早 餐 令 我 留 下 印 象 ,水 準 唔 係 差 ,只 係 無 驚 喜 可 言 (正 常 嘅!)。

  經 過 呢 一 次 ,我 發 現 新 葡 京 酒 店 搞 飲 食 確 有 一 手 ,唔 係 求 求 其 其 就 算 ,小 睡 幾 粒 鐘 後 ,享 用 住 宿 包 早 餐 嘅 地 點 係 24 小 時 營 業 嘅 Round-The-Clock 日 夜 咖 啡 室

  

   日 夜 咖 啡 室 就 喺 人 氣 buffet 餐 廳 自 助 山 嘅 另 一 邊 ,地 方 相 當 大 ,仲 有 一 層 閣 樓 可 以 望 晒 整 個 場 地 ,餐 廳 提 供 環 球 美 食 ,即 係 葡 國 菜 、中 式 點 心 、廣 東 小 炒 ,以 至 蛋 糕 、輕 食 乜 都 有 ,就 算 早 餐 亦 有 唔 少 組 合 可 以 揀。

  

   侍 應 生 制 服 令 我 諗 起 機 動 戰 士 、超 時 空 要 塞 等 卡 通 片 ,制 服 仲 分 咗 紅 黃 藍 3 色 ,似 乎 最 高 級 嘅 係 紅 戰 士 . . .

  

   蛋 糕 櫃 內 每 件 餅 嘅 賣 相 都 吸 引 到 極 ,但 一 啲 都 唔 貴

  

   又 有 朱 古 力 蛋 糕?唔 好 引 我 啦!Please . . . . .

  

   美 式 早 餐 ($150) 係 早 餐 menu 中 最 貴 嘅 套 餐 ,我 係 香 港 人 ,當 然 有 唔 好 蝕 底 嘅 美 德 ,超 豐 富 嘅 早 餐 包 括 鮮 榨 果 汁 、鮮 果 拼 盤 、自 選 穀 麥 、自 邊 肉 類 配 雙 蛋、多 士 附 牛 油 及 幾 款 果 醬 及 咖 啡 或 茶。2 個 人 去 share 都 仲 得。 

     

   鮮 榨 果 汁 揀 咗 西 柚 汁 ,夠 冰 凍。

  

   鮮 果 拼 盤 亦 有 幾 款 新 鮮 生 果 ,咦?唔 係 求 其 擺 喎! 

  

   一 籃 子 香 口 多 士 熱 烘 烘 ,外 鬆 脆 、內 鬆 軟 ,超 讚!

  

   一 款 牛 油 及 幾 款 唔 同 口 味 嘅 果 醬 ,果 醬 豪 用 英 國 百 年 老 字 號 Wilkin & Sons。果 醬 內 嘅 水 果 嚟 自 自 家 嘅 農 場。

  

   自 選 穀 麥 揀 咗 玉 米 片 ,配 料 都 幾 豐 富 噃! 

  

   玉 米 片 加 糖 、加 奶 ,成 為 最 豐 富 嘅 營 養 早 餐 . . . .

  廣 告 話!

  

   自 邊 肉 類 揀 咗 幾 好 咬 口 嘅 香 腸 ,雙 蛋 則 轉 咗 炒 蛋 ,香 炸 薯 餅 香 脆 熱 辣 辣。 

  

   炒 蛋 水 準 一 流 ,質 感 更 勝 本 地 嘅 澳 牛 、華 星 ,綿 滑 到 不 得 了 . . . . 不 過 ,稍 欠 一 點 蛋 香。

  

    熱 咖 啡 質 素 好 唔 過 噚 日 介 紹 嘅 水 晶 廊 ,梗 係 啦!Crystal Lounge 用 嘅 係 Don Alfonso 嘅 頂 級 咖 啡 豆 喎!

   

   中 式 早 餐 ($78) 超 抵 食 . . . 係 呀!單 係 食 到 我 拍 晒 手 掌 嘅 雞 球 煲 仔 粥 已 經 值 回 票 價 ,除 咗 粥 品 ,仲 有 點 心 籃 、豉 油 皇 銀 芽 菜 炒 麵 及 名 茶 或 豆 漿。

  

   熱 氣 騰 騰 點 心 籃 雖 然 只 有 叉 燒 包 、燒 賣 及 一 粒 仔 蝦 餃 ,但 水 準 絕 不 欺 場 ,燒 賣 嘅 豬 肉 餡 甚 鮮 味 ,蝦 餃 內 嘅 河 蝦 仁 爽 口 彈 牙 ,叉 燒 包 外 層 鬆 軟 ,裡 面 肉 餡 亦 惹 味。

  

   油 條 巨 形 到 嚇 咗 我 一 跳 ,賣 相 亦 唔 似 本 地 嘅 標 油 二 合 一 ,望 落 無 油 膩 感 ,但 熱 辣 到 飛 起 ,明 顯 係 即 叫 即 炸 即 上 枱 ,唔 怪 得 中 間 包 住 咁 厚 嘅 餐 巾 ,攞 上 手 一 啖 咬 落 去 . . . 只 想 講 近 10 年 未 食 過 咁 正 嘅 油 條 ,講 完。

  

   雞 球 煲 仔 粥 以 為 用 一 般 金 屬 煲 仔 上 枱 ,點 估 到 用 瓦 煲 咁 講 究?用 瓦 煲 去 煲 粥 當 然 正 過 用 金 屬 煲 啦!

  

   米 量 唔 算 多 ,但 粥 底 夠 綿 有 米 香 ,雞 肉 亦 鮮 味 嫩 滑 ,肯 定 唔 係 用 雪 藏 貨 ,整 體 水 準 拍 得 住 老 字 號 粥 店。

   豆 漿 有 豆 香 ,但 唔 太 濃 ,質 感 亦 唔 算 太 滑 ,OK 合 格

  食 飽 飽 ,唔 駛 埋 單 ,起 身 走 人 ,爽 到 極!

   

   電 話 : (853) 8803 7766    平 均 消 費 : $80 - $150 / 位

  地 址 : 澳 門 葡 京 路 新 葡 京 酒 店 2 樓 上 層

  

 


上一篇: 葡京酒店 新故里日本料理 豪華之午間盛宴

下一篇: 新葡京酒店 Crystal Lounge & Deli 堂食 City Super


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,404,644
所有文章: 2,060
本日訪客人數: 2,369
累計訪客人數: 10,180,415