文章
相簿

澳 門 酒 店 ● 食

葡京酒店 新故里日本料理 豪華之午間盛宴

不眠王子 於 2010年04月24日發表   人氣:1250


       又 到 王 子 周 末 推 介 啦!今 日 唔 講 新 葡 京 ,改 去 葡 京 酒 店 嘅 新 故 里 日 本 料 理 ,見 佢 上 年 獲 米 芝 蓮 評 為 精 選 食 肆 ,所 以 今 次 同 王 妃 及 2 位 澳 門 朋 友 仔 嚟 試 吓 呢 度 嘅 午 市 套 餐 及 Tasting Menu 內 嘅 菜 式。

       新 故 里 裝 修 一 流 ,而 且 和 食 種 類 多 得 緊 要 ,除 咗 一 般 時 令 刺 身 、壽 司 、天 婦 羅 吧 、鐵 板 燒 ,就 連 懷 石 料 理 及 炭 爐 燒 烤 都 一 樣 有 ,後 者 更 由 日 籍 師 博 以 備 長 炭 主 理。

    一 入 門 口 ,先 見 右 邊 嘅 藏 酒 區 ,除 咗 多 款 餐 酒 ,就 連 日 本 清 酒 都 超 過 50 個 品 牌 ,真 係 揀 都 揀 到 眼 花。

   左 邊 最 吸 引 我 嘅 係 吧 枱 . . . . 後 面 嘅 靚 靚 魚 缸。 

   未 到 新 故 里 心 臟 地 帶 ,先 見 偏 廳 ,枱 唔 多 ,幾 舒 服。

   幾 間 VIP 房 之 中 ,呢 間 最 吸 引 ,可 以 坐 10 個 人 ,至 正 嘅 係 獨 立 有 鐵 板 師 傅 主 理 鐵 板 燒 ,唔 知 包 房 要 幾 錢 呢? 


   食 具 和 風 味 濃 ,唔 需 要 金 碧 輝 煌 ,有 時 簡 單 就 是 美!

 

   自 家 制 蠶 豆 豆 腐 配 鮑 魚 海 膽 魚 籽 醬 春 野 菜 ($280) 係 Tasting Menu 內 嘅 其 中 一 道 菜 式 ,好 貴!但 青 森 鮑 魚 + 馬 糞 海 膽 + 魚 籽 醬 已 經 話 俾 你 知 貴 得 有 道 理 ,伴 碟 嘅 一 小 節 櫻 花 唔 係 A 貨 ,係 真 櫻 花 . . . 

  

   每 款 嘅 份 量 唔 算 多 ,但 各 自 嘅 味 道 都 獨 當 一 面 ,非 常 出 眾 ,尤 其 是 鮮 味 彈 牙 嘅 鮑 魚 及 軟 滑 甘 香 嘅 海 膽。

  

   蠶 豆 豆 腐 第 一 位 試 ,質 感 有 啲 似 帶 有 豆 味 嘅 豆 腐 布 甸 ,軟 綿 綿 ,味 道 清 新。 

  

   魚 生 拼 盤 玩 Omakase ,由 主 廚 挑 選 當 日 運 到 嘅 新 鮮 食 材 組 合 而 成 ,包 括 天 然 藍 鮨 金 鎗 魚 腩 、日 本 青 森 鮑 魚 、右 口 魚 薄 切 、右 口 魚 裙 邊 及 平 政 魚 ,全 部 都 係 時 令 嘅 矜 貴 食 材 ,一 盤 盛 惠 $1650 ,除 開 4 個 人 計 唔 算 貴 嘅!

   右 口 魚 薄 切 ($330) 用 平 日 比 較 少 食 到 、每 年 2 - 4 月 至 會 有 嘅 沙 鰈。乜 都 唔 蘸 先 試 一 片 ,雖 然 切 到 薄 一 薄 ,但 魚 鮮 味 非 常 出 ,蘸 少 少 醋 汁 更 惹 味。

      右 口 魚 裙 邊 係 全 條 右 口 魚 最 肥 美 嘅 部 份 ,個 look 似 豬 羔 ,口 感 超 爽 滑 ,油 脂 豐 滿 度 爆 燈。

      平 政 ($200) 亦 係 時 令 海 魚 ,味 道 相 當 鮮 甜 ,質 感 有 啲 似 油 甘 魚,但 肉 質 更 爽 脆 、膠 質 亦 比 較 重。

  

      日 本 鮑 魚 ($680) 據 經 理 講 剛 係 嚟 自 青 森 縣 ,我 戒 掉 鮑 魚 多 年 ,但 見 到 有 手 掌 咁 大 隻 ,充 滿 光 澤 嘅 靚 鮑 魚 ,不 得 不 破 戒 吧?嚐 了 一 片 ,唔 知 鮑 魚 點 整 法 ,白 灼?清 蒸?我 唔 識 架!但 爽 口 彈 牙 到 極 ,一 啲 都 唔 韌 ,仲 感 覺 到 有 少 少 清 酒 味 ,極 品 得 忍 唔 住 再 食 多 片 . . .

  

      天 然 藍 鮨 金 鎗 魚 腩 ($440) 唔 駛 我 講 ,睇 相 都 睇 到 質 素 有 幾 高 ,每 片 $110 . . . 如 果 真 係 野 生 藍 鮨 金 鎗 魚 腩 ,唔 貴!

       水 之 王 大 吟 釀 ($350) 外 形 肥 肥 矮 矮 超 可 愛 ,酒 精 濃 度 只 得 10% ,比 濃 度 接 近 20% 嘅 一 般 清 酒 低 ,極 啱 女 仔 飲。但 價 錢 比 香 港 嘅 日 本 料 理 貴 $60-$90 . . . .

 盛 酒 器 精 緻 到 極 ,但 其 實 有 佢 嘅 實 際 用 途。

 

      將 清 酒 倒 入 容 器 內 ,再 放 入 冰 柱 ,因 為 冷 空 氣 下 降 ,飲 酒 時 將 杯 向 上 按 ,冰 凍 嘅 清 酒 慢 慢 流 入 杯 內。

  

   櫻 鱒 伴 昆 布 鹽 配 子 薑 ($280) 賣 相 靚 到 有 啲 似 法 國 菜

  

   最 初 睇 仲 以 為 係 魚 之 類 嘅 魚 生 ,原 來 係 子 薑。

  

   櫻 鱒 係 鱒 魚 中 嘅 極 品 ,聽 講 只 會 喺 櫻 花 盛 開 嘅 季 節 至 食 到 ,非 常 罕 有。雖 然 同 三 文 魚 同 科 ,但 口 感 及 味 道 完 全 係 兩 回 事 ,魚 肉 比 三 文 魚 嫩 滑 得 多 ,魚 鮮 味 更 濃。

  去 新 故 里 如 果 食 到 櫻 鱒 ,那 三 文 魚 腩 可 以 慳 番 唔 點

  

   真 菰 伴 櫻 海 老 天 婦 羅 ($220) 係 Tasting Menu 內 嘅 菜 式 ,味 道 非 常 特 別 ,似 係 藥 膳 菜 ,可 能 用 真 菰 入 饌 嘅 關 係。

  

   櫻 蝦 只 係 生 長 喺 日 本 靜 岡 縣 嘅 駿 河 灣 ,每 條 只 得 1cm 長 ,你 話 有 幾 矜 貴 呢!用 蝦 肉 釀 入 真 菰 去 製 成 天 婦 羅 ,仲 要 食 得 出 蝦 味 ,唔 知 用 咗 幾 多 隻 櫻 蝦 呢?真 菰 炸 到 熱 辣 辣 ,甘 香 爽 脆 ,有 啲 似 食 筍 尖。 

  

   真 菰 伴 櫻 海 老 天 婦 羅 蘸 少 少 蘿 蔔 蓉 更 好 味。

  

   鹿 兒 島 黑 豚 網 燒 ($200) 賣 相 跟 其 他 菜 式 略 為 遜 色

  

   鹿 兒 島 黑 豚 小 小 一 片 已 充 滿 肥 膩 感 ,肉 嫩 夠 鬆 化 ,但 $200 一 客 就 似 乎 貴 咗 啲!

  

   試 完 Tasting Menu ,我 哋 點 咗 其 中 一 款 經 濟 嘅 鐵 板 燒 套 餐 (竹) 大 家 share。$380 都 叫 經 濟?望 吓 上 面 張 相 吧!

  (竹) 特 級 牛 肉 配 大 海 蝦 ($380) 套 餐 包 括 三 文 魚 沙 律 、2 款 魚 生 、燒 大 海 蝦 、西 冷 薄 燒 、燒 牛 柳 粒 、牛 肉 炒 飯 、麵 豉 湯 及 甜 品。陣 容 極 豐 富 ,唔 講 仲 以 為 係 二 人 套 餐 呀!

  

   三 文 魚 沙 律 一 般 啦 . . . 可 能 食 咗 櫻 鱒 在 先 嘅 關 係 吧!

  

   魚 生 未 必 次 次 相 同 ,今 次 嘅 赤 貝 爽 滑 鮮 味 又 彈 牙。

  

   食 鐵 板 燒 套 餐 ,其 實 . . . 都 係 等 鐵 板 師 傅 呢 一 刻 吧?

  

   燒 大 海 蝦 用 新 鮮 大 虎 蝦 ,形 容 詞 當 然 係 用 超 彈 牙 啦

  

   就 咁 睇 鐵 板 師 傅 表 演 未 夠 震 撼?OK . . . . 去 片!

  

  鐵 板 師 傅 燒 緊 嘅 係 加 拿 大 安 格 斯 牛 柳 粒!

  

   牛 柳 粒 唔 會 燒 到 熟 透 ,肉 質 依 然 極 鮮 嫩 、又 多 肉 汁。

  

   墊 底 塊 麵 包 印 上 新 故 里 嘅 logo ,用 嚟 吸 油 ,咪 食 呀!

  

   安 格 斯 西 冷 牛 肉 作 薄 燒 ,牛 肉 薄 到 透 出 碟 上 嘅 圖 案

   

   西 冷 薄 燒 最 緊 要 係 動 作 夠 快 ,牛 肉 咁 薄 眨 眼 就 熟。 

  

   鐵 板 師 傅 放 上 薑 絲、蔥 粒 等 配 料 後,即 刻 要 做 下 一 步

   

   就 係 將 牛 肉 捲 2 吓 便 要 即 時 上 碟。

  

   熱 氣 騰 騰 嘅 西 冷 薄 燒 肉 質 肥 美 ,一 定 要 趁 熱 食 呀!

  

   牛 肉 一 咬 即 時 湧 出 大 量 肉 汁 ,肉 質 鬆 化 到 不 得 了。

  

   牛 肉 炒 飯 係 用 日 本 純 情 米 去 炒 ,粒 粒 飯 都 咁 飽 滿。

  

        飯 粒 即 叫 即 炒 ,而 唔 係 一 早 炒 定 ,炒 得 夠 乾 身 ,食 得 出 鐵 板 師 傅 嗰 份 心 機 及 專 注 度。  

  

   臨 走 ,靚 仔 經 理 送 上 水 之 王 大 吟 釀 . . . 個 樽 俾 我 留 念。

   如 此 盛 宴 ,埋 單 $3700 ,平 均 每 人 $1000 都 唔 駛。跟 香 港 五 星 級 酒 店 內 嘅 高 級 日 本 料 理 相 比 ,其 實 一 啲 都 唔 貴。

  

   電 話 : (853) 8803 3677    平 均 消 費 : $400 - $900 / 位

  地 址 : 澳 門 葡 京 路 2-4 號 葡 京 酒 店 東 翼 2 樓

                         

 


上一篇: 樂宮餅店 脆寶曲奇餅 腰果至出名

下一篇: 新葡京酒店 Round-The-Clock Coffee Shop 醒神早餐 中西會


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,404,690
所有文章: 2,060
本日訪客人數: 2,415
累計訪客人數: 10,180,461