文章
相簿

澳 門 酒 店 ● 食

新葡京酒店 8餐廳 The Eight 米芝蓮星級 型格中菜廳

不眠王子 於 2010年05月01日發表   人氣:1155


  

   又 到 王 子 周 末 推 介 啦!上 個 星 期 澳 門 特 輯 一 口 氣 講 咗 多 間 新 葡 京 酒 店 嘅 食 店 ,有 心 水 清 嘅 Blog 友 問 ,點 解 無 講 夜 晚 嗰 餐 嘅?

  我 同 王 妃 及 另 一 位 澳 門 朋 友 揀 咗 8 餐 廳 The Eight 食 晚 飯 ,The Eight 係 新 葡 京 嘅 高 級 中 菜 廳 ,已 經 連 續 2 年 榮 獲 米 芝 蓮 1 星 ,雖 然 話 係 中 菜 廳 ,但 格 局 就 唔 似 香 港 一 般 環 境 光 猛 嘅 中 菜 廳 設 計 ,有 幾 型 格?睇 片 啦 . . . 

  

片 內 嘅 部 份 菜 式 ,我 哋 今 次 亦 有 試 到。

   

   入 大 廳 之 前 ,自 動 門 打 開 後 ,一 群 金 魚 主 動 迎 接 你

  

   大 廳 中 央 嘅 巨 型 水 晶 球 ,跟 地 台 嘅 鏡 面 形 成 個 8 字 ,牆 上 更 有 栩 栩 如 生 嘅 金 魚 圖 案 ,係 以 人 手 花 咗 極 長 嘅 時 間 製 作 而 成。整 個 環 境 似 一 間 高 級 會 所 多 過 似 中 菜 廳。

  

   餐 廳 內 嘅 吊 飾 都 以 金 魚 及 古 錢 為 主 ,相 當 有 氣 派。

   

   梳 化 用 天 然 馬 尾 毛 製 造 ,高 貴 之 餘 坐 得 亦 夠 晒 舒 適 

 

   VIP 房 空 間 感 十 足 ,搵 日 拉 隊 嚟 飲 早 茶 都 好 喎!呢 度 嘅 點 心 超 過 50 款 ,價 錢 亦 比 想 像 中 經 濟。

   

   The Eight 除 咗 收 藏 咗 唔 少 靚 紅 酒 ,亦 有 多 支 陳 年 茅 台 ,市 值 25 萬 嘅 50 年 茅 台 呢 度 都 放 咗 幾 十 支。

  

   80 年 年 份 嘅 茅 台 亦 一 樣 有 得 供 應 ,但 價 錢 肯 定 超 貴

  

   福 鼎 特 選 茉 莉 銀 針 ($58) 係 最 頂 級 嘅 茉 莉 茶 茶 葉 ,味 道 清 香 中 帶 回 甘 ,所 以 當 日 飲 咗 唔 少 杯。

  

   XO 山 珍 野 菌 醬 當 日 少 用 ,因 每 道 菜 都 好 味 到 唔 駛 蘸

  

   龍 眼 肉 煙 鴨 胸 雖 然 只 係 前 菜 ,但 仍 做 得 非 常 精 緻。

   

   法 國 鵝 肝 金 錢 雞 ($28/件) 係 "8" 嘅 招 牌 頭 盤 ,金 錢 雞 用 昂 貴 嘅 法 國 鵝 肝 代 替 雞 肝 ,味 道 更 甘 香 ,好 食!

  

   椒 鹽 龍 脷 仔 ($68) 細 細 條 ,炸 得 香 口 ,送 酒 一 流。咁 細 條 嘅 龍 脷 仔 聽 聞 喺 澳 門 水 域 至 會 有 ,相 當 矜 貴 架!

   

   竹 笙 魚 圓 ($88) 係 "8" 嘅 招 牌 菜 之 一 ,最 初 睇 賣 相 仲 以 為 係 魚 肚 羹 之 類 嘅 湯 ,點 知 完 全 估 錯 晒。

  

   湯 中 一 絲 絲 切 得 幼 幼 嘅 ,原 來 係 豆 腐 ,厲 害!再 加 進 大 量 竹 笙 及 蟹 肉 熬 製 成 ,極 之 清 甜 滋 潤。

   

   魚 圓 用 銀 鱈 魚 嘅 肉 鮮 製 而 成 ,質 感 滑 溜 軟 綿 綿 ,猶 如 豆 腐 一 樣 ,魚 鮮 味 十 足 ,3 粒 真 係 唔 夠 喉 呀!

  

   薑 米 酒 蒸 蟹 箝 ($88/隻) 熱 烘 烘 嘅 蒸 蛋 白 充 滿 酒 香。

  

   蟹 箝 選 用 越 南 肉 蟹 ,大 大 隻 肉 質 卻 非 常 鮮 嫩。

   

   廣 東 式 炒 龍 蝦 ($980) 以 斤 半 重 嘅 龍 蝦 作 一 蝦 2 食。

  

   龍 蝦 肉 以 蛋 黃、紅 椒 絲 、肉 鬆 等 炒 香。

  

   龍 蝦 肉 鮮 味 彈 牙 ,加 上 大 量 蛋 黃 令 肉 質 更 滑 溜。

  

   龍 蝦 爪 用 豆 豉 爆 香 ,肉 味 香 濃 更 惹 味。

  

   羅 漢 布 袋 聽 個 名 就 知 係 素 食 ,係 餐 廳 新 推 出 嘅 菜 式。

  

   估 唔 到 係 用 日 本 豆 腐 做 布 袋 ,裝 滿 冬 菇 絲 、紅 蘿 蔔 絲 、筍 絲 之 後 攞 去 蒸 ,難 得 布 袋 仲 咁 穩  陣 ,入 口 仲 超 滑 溜 ,證 明 廚 師 有 料 到。 

  

   脆 皮 柚 子 手 撕 雞 ($128/半隻) 係 "8" 嘅 另 一 道 招 牌 菜 ,不 可 不 試 ,望 落 似 簡 單 ,其 實 要 花 唔 少 工 夫。

   

   廚 師 用 新 鮮 嘅 三 黃 雞 泡 製 ,取 其 肉 質 特 別 鮮 嫩 ,兼 且 皮 滑 、骨 軟 ,但 呢 道 菜 早 已 起 晒 骨 ,所 以 啖 啖 都 係 嫩 滑 鮮 味 靚 雞 肉 及 香 甜 柚 子 肉。 

  

   自 己 一 向 唔 食 雞 皮 ,但 見 呢 份 薄 薄 一 片 ,炸 得 咁 靚 ,兼 且 抽 走 晒 皮 下 脂 肪 ,成 份 化 皮 乳 豬 咁 ,點 忍? 

  

   雞 皮 香 脆 爽 口 ,肉 質 有 雞 味 ,喺 香 港 鮮 有 機 會 儃 到

  

   桂 瑤 魚 翅 炒 米 粉 ($138) 用 真 翅 、素 翅 及 米 粉 炒 成。

  

   米 粉 係 用 台 灣 新 竹 米 粉 ,配 合 真 翅 、素 翅 爽 口 到 極。  

   

   雪 耳 川 貝 燉 雪 梨 ($24)  清 甜 滋 潤 ,煲 得 夠 晒 火 候。

  

 “8" 脆 鬆 餅 配 君 度 橙 酒 ($26) 令 我 想 起 Tony Wong 嘅 名 物 ,只 係 呢 個 嘅 面 層 係 朱 古 力 脆 皮 ,而 唔 係 朱 古 力 漿 ,但 味 道 就 一 樣 咁 正 ,外 鬆 脆 內 鬆 軟 兼 帶 有 輕 輕 嘅 酒 香。

  

   黑 白 芝 麻 布 甸 ($22) 砌 成 太 極 圖 案 ,賣 相 吸 引 ,布 甸 夠 軟 滑 ,味 道 清 清 甜 甜。

  

   咖 啡 啫 喱 ($18) 更 深 得 我 心 ,咖 啡 味 相 當 香 濃。

   

   鳳 梨 椰 汁 馬 豆 糕椰 蓉 酥 係 送 嘅!但 已 經 飽 到 食 唔 落 ,所 以 no comment!

   

   電 話 : (853) 8803 7788    平 均 消 費 : $300 - $1000 / 位

  地 址 : 澳 門 葡 京 路 新 葡 京 酒 店 2 樓

 

 


上一篇: 大叻越式料理 實在不大叻

下一篇: 新亞學生餐廳 三蚊雞 紅豆冰


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,404,761
所有文章: 2,060
本日訪客人數: 35
累計訪客人數: 10,180,532