文章
相簿

→ 太 子

台灣美食 質素 OK 服務 MK

不眠王子 於 2010年05月10日發表   人氣:658


      

       旺 角 同 太 子 之 間 有 條 西 洋 菜 南 街 ,兩 邊 佈 滿 各 式 各 樣 嘅 食 店 ,大 家 嘅 宗 旨 都 係 一 個 字 :「平」,基 本 上 唔 理 你 食 、日 式 、泰 式 、越 式 或 港 式 ,平 均 每 個 人 幾 十 蚊 就 落 到 樓 ,當 然 食 物 質 素 就 好 難 有 乜 要 求 ,食 得 飽 、唔 難 食 已 經 算 唔 錯 啦!台 灣 美 食 係 其 中 一 間 OK 食 得 過 嘅 台 式 小 店 ,主 打 肉 燥 飯 及 一 系 列 嘅 台 式 小 食。

      喺 旺 角 食 嘢 都 唔 可 以 要 求 有 乜 service ,有 人 肯 招 呼 吓 已 經 算 唔 錯 ,如 果 要 俾 分 ,呢 度 嘅 侍 應 係 唔 合 格 嘅!

      

       朱 古 力 吐 司 ($12) 麵 包 烘 得 夠 熱 ,咬 落 亦 夠 鬆 軟 ,證 明 都 算 新 鮮 ,朱 古 力 醬 亦 塗 得 夠 均 勻 ,抵 食。

      

       椒 鹽 魷 魚 鬚鹽 酥 雞 ($19) 係 小 食 雙 併 嘅 其 中 2 款。

      

       鹽 酥 雞 係 炸 得 油 膩 咗 啲 ,但 味 道 對 板 ,幾 香 口 架!

      

       椒 鹽 魷 魚 鬚 更 正 ,唔 似 得 啲 街 邊 檔 咁 炸 到 一 口 粉 兼 鹹 到 死 ,以 圖 蓋 過 啲 過 期 嘅 腥 味。

      

       魷 魚 鬚 大 大 條 彈 牙 到 極 ,而 且 香 口 得 嚟 又 唔 太 鹹。

      

       琵 琶 蝦 肉 燥 飯 ($38) 賣 相 唔 錯 呀!呢 個 價 錢 仲 包 埋 杯 珍 珠 奶 茶 添!好 過 去 嗰 啲 快 餐 集 團 食 吧!

      

       See?菜 少 少 但 夠 新 鮮 就 可 以 了。

      

       肉 燥 味 道 相 當 濃 ,係 稍 嫌 個 汁 濕 咗 啲!唔 夠 稠。

      

       琵 琶 蝦 炸 得 香 口 ,蝦 肉 就 預 咗 係 雪 藏 貨 ,口 感 一 般。

                     

       藍 莓 奶 茶 ($20) 及 珍 珠 奶 茶 ($?) 前 者 買 吐 司 加 $6 就 有 ,甜 甜 哋 都 有 茶 香 ,都 幾 好 味 嘅!後 者 唔 知 係 唔 係 因 為 唔 駛 錢 ,所 以 味 淡 淡 ,麻 麻 哋 囉!

      埋 單 $80 有 找 ,純 為 填 飽 個 肚 係 OK 嘅!

      

       電 話 :  2391 9083         平 均 消 費 : $30 - $40 / 位

      地 址 :  太 子 西 洋 菜 南 街 196 號 地 下

      

 


上一篇: 麵軒 上環店 其實唔錯 食得過

下一篇: 麗景酒店 Cafe Express 自助晚餐 五月優惠


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,496,228
所有文章: 2,060
本日訪客人數: 186
累計訪客人數: 10,256,064