文章
相簿

→ 太 子

Pizza Hut 太子店 沒有pizza的 意粉之夜

不眠王子 於 2010年06月03日發表   人氣:967


      

       王 妃 超 鍾 意 食 pizza ,我 自 己 就 麻 麻 ,但 愛 屋 及 烏 ,所 以 曾 幾 何 時 我 都 有 張 Pizza Hut 會 員 卡 ,偶 然 幫 襯 ,但 好 少 出 Blog ,對 上 一 次 食 都 好 似 係 兩 年 前 嘅 事 . . . 最 近 Pizza Hut 透 過 一 間 好 出 名 嘅 娛 樂 製 作 公 司 邀 請 王 子 試 佢 哋 新 推 出 嘅 意 粉 系 列 ,意 粉 . . . Pizza Hut 嘅 意 粉 . . . 嗯 . . . 

      婉 拒 咗 邀 請 好 幾 次 ,對 方 最 後 出 動 到 老 闆 娘 親 自 搵 自 己 ,唔 好 意 思 再 推 ,跟 王 妃 應 約 ,估 唔 到 老 闆 娘 原 來 係 個 食 量 跟 身 形 完 全 唔 啱 比 例 嘅 靚 女 ,呢 晚 3 個 人 掃 清 所 有 美 食 ,最 食 得 嘅 竟 然 係 最 瘦 嗰 個 ,羨 慕 死 我 同 王 妃 . . .  

      雖 然 人 家 請 試 菜 ,但 大 家 都 知 我 有 碗 話 碗 嘅 性 格 啦!不 過 話 到 明 乜 都 掃 清 ,又 點 會 唔 好 食 呀!呢 一 次 對 Pizza Hut 嘅 意 粉 真 係 另 眼 相 看 ,再 次 重 拾 信 心 囉!

      

       芝 士 白 汁 伴 菠 菜 意 式 雲 吞 ($70) 碟 未 到 ,味 先 到 ,芝 士 味 勁 香 濃 ,意 式 雲 吞 被 厚 厚 嘅 香 濃 芝 士 白 汁 包 圍 之 餘 ,仲 喺 每 粒 雲 吞 上 灑 上 Parmesan 芝 士 ,感 覺 都 幾 膩 ,好 彩 多 個 人 分 擔 吓 ,唔 係 食 完 都 唔 知 點 K.O 之 後 嘅 意 粉。

       

      雲 吞 漲 卜 卜 ,輕 輕 切 開 ,滿 滿 嘅 菠 菜 香 噴 噴 ,好 味!但 我 食 咗 一 隻 即 停 手 ,因 為 我 怕 . . . 再 食 就 停 唔 到 . . .

      

       煙 三 文 魚 牛 油 果 千 層 闊 麵 ($66) 係 王 妃 全 晚 嘅 至 愛 ,千 層 闊 麵 係 凍 食 ,感 覺 似 食 煙 三 文 魚 沙 律 ,但 層 次 感 豐 滿 得 多 ,煙 三 文 魚 醃 得 入 味 ,芝 麻 醬 汁 甜 甜 哋 好 醒 胃。 

      

       黑 松 露 汁 野 菇 意 粉 ($59) 又 係 香 噴 噴 ,呢 個 價 錢 當 然 唔 會 要 求 俾 乜 嘢 貴 價 嘅 黑 松 露 貨 色 你 ,但 味 道 係 對 辦 嘅!

      

       Pizza Hut 嘅 意 粉 . . . 終 於 可 以 用 al dente 呢 個 字 ,恭 喜!

      

       野 菇 大 大 粒 彈 牙 有 咬 口 ,咬 落 去 都 幾 多 汁 ,唔 乾 身。

      

       香 蒜 片 大 蝦 炒 意 粉 ($62) 加 咗 雙 色 椒 ,透 出 微 辣。

      

       蝦 肉 玲 瓏 剔 透 ,爽 口 之 餘 仲 散 發 出 輕 輕 嘅 蒜 香。

                    

       捲 一 roll 意 粉 放 上 碟 ,See?煙 韌 夠 挺 身 ,唔 會 軟 腍 腍 

       

       西 西 里 湯 海 鮮 意 粉 ($55) 湯 汁 甜 甜 哋 幾 好 味 ,海 鮮 份 量 亦 唔 少 ,難 得 意 粉 無 浸 到 過 腍 ,爽 滑 得 嚟 滲 出 茄 香。 

      

       茄 子 肉 腸 長 通 粉 ($50) 雖 然 最 多 飲 食 雜 誌 推 介 ,但 個 人 認 為 無 乜 特 別 ,味 道 亦 比 其 他 意 粉 遜 色。

      

       千 層 肉 醬 闊 麵 ($52) 唔 係 新 款 式 ,但 經 過 廚 師 升 呢!唔 似 得 以 前 嘅 千 層 肉 醬 咁 ,又 扁 身 又 唔 juicy ,薯 蓉 質 感 粗 糙 起 晒 粒 . . . 新 版 本 喺 賣 相 上 明 顯 吸 引 好 多。

      

       薯 蓉 熱 烘 烘 、軟 綿 綿 ,質 感 比 以 前 幼 滑 得 多。

      

       厚 厚 嘅 肉 醬 層 索 滿 香 濃 嘅 芝 士 汁 ,闊 麵 又 吸 盡 咗 肉 醬 精 華 ,有 幾 正 仲 要 講 落 去?全 晚 我 食 得 最 多 係 呢 碟。

      

       卡 邦 尼 忌 廉 濃 汁 煙 肉 意 粉 ($52) 一 個 字 : 超 creamy!

      

       煙 肉 、磨 菇 都 係 惹 味 之 物 ,加 埋 濃 稠 嘅 忌 廉 汁 ,食 兩 啖 意 粉 已 經 飽 到 我 同 王 妃 都 唔 郁 得。

                   

                    草 莓 沙 冰 ($32) 打 得 夠 蓉 夠 冰 凍 ,好 味!  

                    

                    檸 檬 鮮 橙 沙 冰 ($32) 甜 中 帶 微 酸 ,味 道 都 幾 特 別 ,好 飲 到 靚 女 total 飲 咗 2 杯。 

                   

                    椰 子 雪 糕 抹 茶 紅 豆 冰 ($30) 夠 創 意 ,味 道 亦 相 當 獨 特 ,如 果 抹 茶 比 例 再 多 啲 會 更 好 飲。

                    

                     冰 雪 紅 豆 咖 啡 ($28) 個 look 有 啲 似 茶 記 嘅 冰 鎮 咖 啡 ,當 然 size 就 大 得 多。

                    

                    紅 豆 咖 啡 上 加 咗 唔 少 cream ,可 惜 無 乜 咖 啡 味 ,可 以 試 其 他 飲 品 ,Understand?

                    

       鮮 菠 蘿 冰 ($28) 打 得 夠 蓉 ,酸 甜 度 適 中 ,可 幫 助 消 化

      

       電 話 : 2626 9003                平 均 消 費 :  $80 - $120 / 位

      地 址 : 太 子 彌 敦 道 750 號 始 創 中 心 地 庫 B01 號 舖

      

 


上一篇: Black Stump Australian Grill 正宗澳洲風味

下一篇: 麗景酒店 Cafe Express 阿拉斯加海鮮自助餐優惠


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,329,890
所有文章: 2,060
本日訪客人數: 2,251
累計訪客人數: 10,111,068