文章
相簿

→ 觀 塘

CoCo壹番屋 日本咖喱人氣店 登陸

不眠王子 於 2010年07月03日發表   人氣:758


      

       又 到 王 子 周 末 推 介 啦!喺 日 本 擁 有 1150 間 分 店 ,海 外 分 店 亦 接 近 40 間 ,CoCo 壹 番 屋 號 稱 全 球 最 大 嘅 咖 喱 飯 連 鎖 店 終 於 登 陸 香 港 ,王 子 以 前 去 東 京 旅 行 幫 襯 過 好 幾 次 ,王 妃 早 兩 年 喺 日 本 做 40 日 交 流 生 亦 食 咗 唔 少 餐。見 CoCo 喺 香 港 開 1 號 店 ,梗 係 要 去 回 味 吓 啦!

       

       CoCo 喺 日 本 已 有 32 年 歷 史 ,今 時 今 日 能 夠 發 展 到 過 千 間 分 店 ,佢 哋 嘅 咖 喱 有 幾 正 ,都 唔 會 有 人 "叉 零 廚" 啩?據 日 本 官 方 網 報 導 ,未 來 4 年 仲 會 喺 香 港 開 多 10 間 分 店 添!

                      

       叫 得 咖 喱 飯 專 門 店 ,款 式 當 然 唔 少 ,普 通 咖 喱 飯 、奄 列 咖 喱 飯 及 焗 咖 喱 飯 3 個 系 列 合 共 39 款 口 味 ,每 日 嚟 食 1 款 都 可 以 食 足 個 幾 月 ,有 啲 款 式 仲 相 當 特 別 ,就 連 日 本 店 都 無 得 食 架! 

      

       香 港 店 位 於 鱷 魚 恤 中 心 ,出 咗 觀 塘 港 鐵 站 ,行 入 apm 商 場 轉 左 就 會 見 到 有 條 通 道 可 以 直 達 ,店 內 格 局 走 日 式 西 餐 廳 路 線 ,地 方 唔 細 但 只 有 49 個 座 位 ,坐 得 尚 算 舒 服。 

       

       上 個 星 期 4 晚 走 去 幫 襯 ,一 班 後 生 侍 應 似 啱 啱 畢 業 無 耐 ,加 上 店 子 新 開 唔 夠 一 個 禮 拜 ,難 免 有 啲 手 忙 腳 亂 ,但 勝 在 笑 容 搭 夠 ,亦 有 日 本 食 店 傳 統 嘅 待 客 態 度 ,抵 讚! 

      

       餐 牌 內 除 咗 有 39 款 咖 喱 飯 俾 你 選 擇 ,就 連 飯 量 、辣 度 及 配 料 (奄 列 飯 及 焗 飯 系 列 除 外) 都 一 樣 有 得 揀 ,相 當 貼 心 喎!店 內 咖 喱 飯 嘅 基 本 份 量 係 300g ,如 果 你 食 少 啲 ,只 order 200g 店 方 仲 會 收 少 $5 添!咁 加 底 呢?400g 加 $10、500g 加 $20 、600g 加 $30。呢 度 嘅 飯 係 用 日 式 珍 珠 米 ,粒 粒 都 咁 飽 滿 ,點 解 我 話 日 式 ,唔 係 日 本?啲 米 係 日 本 種 子 、內 地 種 植 嘛!

      佢 哋 嘅 咖 喱 汁 亦 提 供 7 級 唔 同 嘅 辣 度 ,分 別 有 唔 辣 、少 辣 (店 中 standard) 、1 分 辣 去 到 5 分 辣 ,要 幾 辣 有 幾 辣。

      

       配 料 嘅 選 擇 亦 多 達 33 種 ,價 錢 由 $10 至 $35 不 等。

      

       CoCo 食 任 何 一 款 飯 都 可 以 加 錢 轉 套 餐 ,$25 有 齊 例 湯 、沙 律 、雪 糕 杯 及 飲 品 ,你 會 發 現 散 嗌 嘢 飲 都 差 唔 多 要 呢 個 價 ,係 咪 抵 到 爛 呢?唔 想 要 雪 糕?加 $18 仲 可 以 轉 原 價 $30 嘅 刨 冰 添!例 如 我 個 餐 加 咗 $15 揀 甜 品 及 飲 品 ,再 加 $18 轉 刨 冰 ,即 total 加 咗 $33 ,有 刨 冰 食 、又 有 嘢 飲。 

                    

       漬 物 醃 蘿 蔔 係 放 喺 枱 上 任 添 嘅!好 爽 口 、好 好 味 架!

      

       迷 你 沙 律 細 細 杯 但 都 有 多 款 配 料 ,芝 麻 汁 仲 好 香 添!

       

       餐 湯 呢 日 係 和 風 什 菜 湯 ,清 甜 無 味 精 ,Good!但 靜 靜 話 你 知 ,CoCo 嘅 粟 米 湯 喺 日 本 都 好 出 名 ,但 要 散 點 囉!

      

       牛 肉 奄 列 咖 喱 飯 ($65) 喺 日 本 嘅 CoCo 係 相 當 受 歡 迎。

       

       奄 列 蛋 唔 似 得 香 港 嘅 一 般 日 式 食 店 咁 偷 工 減 料 ,唔 係 整 到 又 乾 又 薄 又 無 蛋 香 ,就 係 整 到 啲 蛋 鬆 泡 泡 、散 收 收。你 睇 CoCo 用 咗 幾 多 雞 蛋 去 整 奄 列 ,蛋 香 撲 鼻 又 多 蛋 汁 ,食 落 仲 滑 嘟 嘟 咁 ,混 埋 香 而 不 辣 嘅 咖 喱 汁 真 係 無 得 "等" 呀!牛 肉 粒 就 OK 啦!唔 算 太 韌 嘅!

      

 

       焗 鮮 蝦 咖 喱 飯 ($70) 係 王 子 嘅 必 食 推 介!   

      

       睇 吓 幾 正!啲 芝 士 多 到 呢 . . . 睇 相 都 feel 到 香 噴 噴 呀!

      

       鮮 蝦 喺 香 濃 嘅 芝 士 大 棉 胎 度 竄 出 嚟 ,加 上 熱 氣 騰 騰 嘅 咖 喱 汁 浸 濕 晒 個 身 ,想 唔 成 身 香 噴 噴 都 幾 難。而 珍 珠 米 焗 咗 之 後 原 來 比 平 時 嘅 煲 飯 更 煙 韌 ,更 有 咬 口。

      

       芝 士 真 係 多 到 、香 到 、juicy 到 . . . 問 世 間 "肥" 為 何 物?直 教 生 死 相 許 . . .

      

       檸 檬 刨 冰 ($30) 係 原 價 ,跟 餐 叫 甜 品 加 $18 梗 抵 食 啦!

       

 

       檸 檬 刨 冰 如 果 跟 麻 布 茶 房 嘅 類 似 出 品 相 比 ,價 錢 更 平 、份 量 更 多 ,刨 冰 更 綿 . . . 夠 未?最 正 係 食 到 好 底 都 仲 有 檸 檬 汁 ,唔 會 食 食 吓 得 番 淡 淡 嘅 碎 冰 粒。

                   

                    雙 球 雪 糕 分 別 係 士 多 啤 梨 及 呍 喱 拿 味 ,一 食 就 知 唔 係 用 N 記 、W 記 嗰 類 大 路 cheap cheap 貨 色。

                   

                    士 多 啤 梨 雪 糕 有 啲 啲 果 肉 增 加 口 感 ,而 雪 糕 下 面 仲 加 咗 少 少 什 果 粒 ,算 係 交 足 功 課 啦!

                   

                    蘋 果 汁 亦 似 係 日 本 直 送 ,唔 係 用 啲 新 乜 、果 乜 嘅 出 品。味 道 清 香 ,唔 會 太 甜。

                    

       凍 咖 啡 就 麻 麻 哋!唔 夠 香 濃 ,比 同 類 嘅 UCC Cafe 或 Pokka Cafe 遜 色 ,更 莫 講 同 CoCo 嘅 日 本 分 店 相 比 了。

      埋 單 212 蚊 ,同 類 餐 廳 嚟 講 算 相 當 實 惠 ,必 定 再 幫 襯

      P.S. 當 晚 同 一 時 段 ,原 來 Openrice 殿 堂 食 家【搵 食 能 手】亦 喺 場 中 跟 女 友 撐 枱 腳 ,緣 慳 一 面 添!

      

       電 話 : 3572 0773                平 均 消 費 : $80 - $110 / 位 

      地 址 : 觀 塘 開 源 道 79 號 鱷 魚 恤 中 心 1 樓 8 號 舖

      

 


上一篇: 迪士尼老友大召集 全攻略 朝早篇

下一篇: Yahoo人氣榜第一位 vs 微博名人榜


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,223,789
所有文章: 2,060
本日訪客人數: 1,311
累計訪客人數: 10,013,530