文章
相簿

主 題 樂 園

迪士尼老友大召集 全攻略 朝早篇

不眠王子 於 2010年07月05日發表   人氣:750


      

       迪 士 尼 老 友 大 召 集 嘅 廣 告 排 山 倒 海 咁 出 ,王 妃 已 一 早 問 我 幾 時 會 去 玩 ,點 知 上 個 星 期 公 關 公 司 sent 咗 個 e-mail 過 嚟 ,邀 請 我 同 王 妃 去 香 港 迪 士 尼 樂 園 玩 ,仲 安 排 埋 lunch 及 酒 店 嘅 dinner buffet 俾 我 哋 ,咁 筍 . . . 唔 去 就 笨!

      7‧1 當 日 晨 早 10 點 去 到 樂 園 ,吃 喝 玩 樂 接 近 12 個 鐘 頭 至 搭 車 返 屋 企。係 呀!迪 士 尼 樂 園 喺 7 月 1 號 到 8 日 29 日 會 提 早 半 個 鐘 開 門 嘛!喺 度 首 先 多 謝 公 關 經 理 T 先 生 及 迪 迪 尼 嘅 C 小 姐 作 出 細 心 嘅 安 排 ,全 日 happy 到 暈 之 餘 仲 喺 精 品 店 買 完 曲 奇 又 買 tee ,兼 集 齊 咗 一 套 靚 卡 添!

                    

                     迪 士 尼 老 友 大 召 集 活 動 中 ,史 迪 仔 會 率 領 超 過 20 位 迪 士 尼 老 友 齊 齊 登 場 ,喺 樂 園 唔 同 嘅 主 題 區 陪 你 開 party ,活 動 包 括 史 迪 仔 反 轉 大 街 騷 、史 迪 仔 好 友 驚 喜 快 拍 、巴 斯 光 年 勁 舞 派  對 、史 迪 仔 老 友 拍 照 大 變 身 、幻 想 世 界 嘉 年 華 及 探 險 世 界 迎 火 會 等 多 個 唔 同 嘅 主 題。

                     

                     入 到 去 迪 士 尼 樂 園 ,不 妨 問 任 何 一 位 工 作 人 員 攞 張 迪 士 尼 好 友 限 量 收 藏 卡 ,每 人 身 上 數 量 有 限 咋!

                    

                     迪 士 尼 好 友 限 量 收 藏 卡 全 套 27 張 ,每 個 月 會 推 出 9 款 ,每 位 工 作 人 員 都 會 有 其 中 一 款 喺 身 ,想 集 齊 就 一 定 要 去 晒 園 內 每 一 個 地 方 ,除 咗 工 作 人 員 ,仲 有 精 品 店 嘅 售 貨 員 、餐 廳 侍 應 甚 至 連 車 仔 檔 賣 雪 條 、汽 水 嘅 員 工 都 會 有 啲 喺 身。俾 個 貼 士 大 家 啦!幫 襯 吓 呢 啲 車 仔 檔 ,然 後 問 多 兩 句 ,分 分 鐘 會 俾 多 幾 款 你 架!  

                    

                     迪 士 尼 好 友 限 量 收 藏 卡 嘅 卡 套 可 以 喺 小 鎮 大 街 嘅 精 品 店 內 買 到 ,每 份 25 蚊 ,如 果 喺 店 內 消 費 ,加 15 蚊 亦 可 以 換 到 一 份。

                     

                     迪 士 尼 好 友 限 量 收 藏 卡 7 月 係 有 呢 9 款

                     

       而 呢 套 則 係 非 賣 品 收 藏 卡 ,樂 園 內 無 得 賣 架!

      

       非 賣 品 收 藏 卡 除 咗 燙 金 邊 ,卡 身 紙 質 比 較 閃 外 ,連 角 色 個 名 字 摸 落 都 會 有 凹 凸 感 ,普 通 卡 只 係 平 面 印 刷。

      

       非 賣 品 仲 印 上 日 期 及 列 明 Limited Edition for Media

      

       小 鎮 大 街 嘅 橫 街 仲 設 有 交 換 站 俾 你 同 其 他 人 換 卡 添

      

       套 非 賣 品 收 藏 卡 喺 拍 賣 網 有 人 叫 價 300 蚊 . . . Crazy!我 嗰 套 . . . 遲 啲 會 喺 某 場 合 送 俾 Blog 友。 

                   

                 「史 迪 仔 好 友 驚 喜 快 拍」由 朝 早 10 點 半 開 始 ,每 日 都 有 8 位 迪 士 尼 嘅 新 人 物 喺 睡 公 主 城 堡 前 跟 大 家 拍 照 留 念 ,好 似 有 《反 斗 奇 兵》嘅 胡 迪 同 翠 思 、《木 偶 奇 遇 記》嘅 小 木 偶 、《超 能 特 工 隊》嘅 超 能 先 生 、超 能 太 太 及 冰 條 俠 、《沖 天 救 兵》嘅 卡 叔 同 羅 小 飛 、《扮 野 小 魔 星》嘅 妮 露 、《獅 子 王》嘅 老 狒 狒 拉 飛 奇 同 丁 滿 、《阿 拉 丁》嘅 茉 莉 公 主 同 燈 神 精 靈 、《怪 獸 公 司》嘅 毛 毛 等 ,超 過 20 位 朋 友 輪 流 登 場。

      呢 朝 就 撞 見《獅 子 王》嘅 老 狒 狒 拉 飛 奇 同 丁 滿。

      

     《沖 天 救 兵》嘅 卡 叔 同 羅 小 飛 都 喺 度 等 緊 同 你 合 照

      

       唔 係 做 妹 ,你 真 係 可 以 問 佢 哋 攞 簽 名 架!

      

       行 去 火 箭 餐 廳 iCafe 嗰 邊 ,可 以 同 一 堆 三 眼 仔 影 相

      

     「史 迪 仔 老 友 拍 照 大 變 身」係 個 互 動 電 腦 game ,喺 火 箭 餐 廳 iCafe 對 出 ,你 可 以 透 過 鏡 頭 化 身 史 迪 仔 ,仲 可 以 將 你 個 look upload 上 Facebook 添!

      玩 完 呢 part ,差 唔 多 11 點 半 ,係 時 候 行 去 小 鎮 大 街 睇 第 一 場 show ,乜 show?咪 就 係「史 迪 仔 反 轉 大 街 騷」!

      

     「史 迪 仔 反 轉 大 街 騷」跟 往 年 一 樣 咁 熱 鬧 . . .

      

       藍 天 白 雲 、陽 光 普 照 ,呢 日 嘅 天 氣 真 係 very good!

                    

                     

                     睇 相 嫌 太 齋?咁 . . . 去 片 啦!

  

                    

      

                    

                    

                    

                     

                    

                     

                    

      

       626 熱 舞 繼 續 跳 跳 跳 . . . 不 過 ,條 街 太 熱 啦!

   

      睇 史 迪 仔 跳 得 咁 勁 . . . 真 擔 心 個 演 員 中 暑! 

     

      喂!細 路 ,有 乜 執 呀?原 來 係 米 奇 老 鼠 頭 嘅 剪 紙。

      

     「幻 想 世 界 嘉 年 華」喺 幸 會 史 迪 仔 對 出 ,每 日 有 12 場 ,去 到 6 點 3 就 完。有 布 魯 托 同 你 打 沙 灘 排 球 、米 妮 教 你 玩 呼 拉 圈 、唐 老 鴨 或 黛 絲 炮 製 特 大 肥 皂 泡 等。

                    

                     呢 次 首 先 見 唐 老 鴨 出 場 玩 特 大 肥 皂 泡。

                    

                     

                     

                     朝 早 玩 到 呢 度 ,跟 住 就 去 食 lunch 啦!

                                                           To Be Continue ...

 


上一篇: 迪士尼老友大召集 全攻略 午後篇

下一篇: CoCo壹番屋 日本咖喱人氣店 登陸


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,498,912
所有文章: 2,060
本日訪客人數: 790
累計訪客人數: 10,258,730