文章
相簿

↗ 九 龍

帝京酒店 La Scala 自助晚餐 甜品篇

不眠王子 於 2010年08月04日發表   人氣:832


      

       帝 京 酒 店La Scala 自 助 晚 餐 整 體 嚟 講 仲 未 令 我 要 出 動 王 子 印 章 ,但 如 果 單 以 甜 品 去 計 ,就 肯 定 攞 到 印 章 有 餘 啦!成 個 Buffet 最 吸 引 我 嘅 就 係 甜 品。款 式 多 到 嚇 死 人 呀!如 果 每 款 都 去 影 張 相 ,肯 定 呢 篇 Blog 要 放 超 過 60 張 相 囉!你 睇 呢 篇 都 出 咗 40 張 啦!而 且 唔 少 嘅 賣 相 靚 仔 之 餘 ,味 道 亦 相 當 有 水 準。嗱!試 就 無 可 能 全 部 試 晒 ,但 都 食 咗 唔 少 嘅!

      結 論 係 : 純 為 食 甜 品 都 值 得 嚟 捧 場 呀!

       

       北 海 道 3.6 牛 奶 燕 窩 雞 蛋 布 甸 都 分 咗 2 part 去 擺 ,呢 一 組 係 熱 嘅!凍 嘅 就 放 咗 喺 另 一 邊 ,凍 熱 都 有 食 ,好 味 呀!

      

       北 海 道 3.6 牛 奶 燕 窩 雞 蛋 布 甸 again?太 多 人 攞 ,所 以 一 次 過 放 咗 2 盆 喺 度。

      

       杏 汁 燉 燕 窩 只 見 杏 汁 ,不 見 燕 窩 . . . 因 一 早 已 俾 人 . . .

       

       豆 腐 花 係 La Scala 總 廚 親 手 即 撞 ,唔 係 買 外 邊 貨 ,有 啲 估 唔 到 喺 酒 店 都 嘆 到 咁 滑 溜 又 有 豆 香 嘅 熱 辣 辣 豆 腐 花。

      

       窩 夫 、藍 莓 金 寶 、麵 包 布 甸 無 試 到 ,No comment!

      

       葡 撻 見 幾 受 歡 迎 ,試 咗 1 隻 ,蛋 味 香 濃 ,好 食 過 KFC。

      

       綿 花 糖 都 有?仲 係 用 傳 統 嘅 大 部 綿 花 糖 機 即 叫 即 製。

                     

 

       睇 見 小 朋 友 攞 住 咁 大 球 綿 花 糖 笑 得 咁 sweet ,我 都 好 想 食 番 球 呀!但 要 留 肚 試 新 嘢 . . . 我 忍!

      

       按 一 吓 掣 ,等 幾 十 秒 ,就 有 熱 烘 烘 嘅 班 戟 新 鮮 出 爐。 

      

       嫌 班 戟 味 道 單 調 ,可 以 自 選 任 何 一 款 鮮 果 漿 汁 作 調 味。點 解 用 試 管 咁 得 意?唔 會 倒 瀉 到 周 圍 都 係 嘛!

      

       朱 古 力 噴 泉 係 酒 店 buffet 嘅 常 規 武 器 ,雖 然 有 齊 黑 白 朱 古 力 俾 你 玩 ,但 配 料 就 略 嫌 太 少 兼 無 乜 特 別。

                     

        綿 花 冰 多 咗 喺 酒 店 嘅 buffet 中 出 現 ,出 面 食 要 三 十 幾 蚊 份 嘛!呢 度 任 食 ,仲 可 以 睇 住 廚 師 好 衛 生 咁 即 製 添!

                     

       綿 花 冰 每 晚 有 幾 款 味 道 輪 流 出 ,呢 晚 試 咗 芒 果 味。

      

       就 咁 食 綿 花 冰 好 似 單 調 咗 啲?想 加 多 啲 配 料 伴 碟?

      

       紅 豆、椰 果、龍 眼、荔 枝、朱 古 力 粒 等 10 種 配 料 任 你 落

      

       Häagen-Dazs 雪 糕 多 達 8 種 口 味 ,百 利 甜 酒 、士 多 啤 梨 、呍 呢 嗱 、意 大 利 芝 士 餅 、抹 茶 、仲 夏 野 莓 、夏 威 夷 果 仁 及 香 橙 黑 朱 古 力 雪 糕 任 食 ,Happy 死 你 啦!仲 有 唔 同 嘅 配 料 任 落 ,出 面 食 4 球 要 幾 多 錢 心 中 有 數 啦!

       

       紅 酒 燴 梨 咁 熟 口 面 嘅?以 前 我 曾 喺 太 古 某 酒 店 嘅 Buffet 強 力 推 介 過 ,佢 哋 嘅 總 廚 而 家 過 咗 嚟 呢 度 揸 fit 嘛!味 道 無 跌 watt ,一 樣 正 到 我 食 咗 幾 round!

       

       桑 莓 層 層 疊 好 fruity 、好 creamy 、好 yummy!

      

       士 多 啤 梨 沙 巴 翁 賣 相 好 吸 引 ,甜 度 適 中 好 好 味。

       

       鳳 梨 沙 巴 翁 酸 咗 少 少 ,我 都 係 鍾 意 士 多 啤 梨 多 啲!

      

       燕 窩 伯 爵 茶 檸 檬 慕 絲 蛋 糕 個 名 咁 複 雜 ,原 來 慕 絲 蛋 糕 有 2 層 ,一 層 伯 爵 茶 味 、一 層 檸 檬 味 ,再 喺 上 面 加 大 量 燕 窩。望 落 夠 晒 高 貴 ,味 道 又 夾 ,好 好 食 呀!

       

       Tiramisu OK 合 格 啦!如 果 再 軟 綿 啲 會 更 正。

      

       薑 汁 法 式 燉 蛋 香 滑 得 嚟 味 道 都 幾 特 別 ,多 咗 薑 汁 嘛!

       

       芒 果 千 層 酥 面 層 雖 然 厚 ,但 相 當 鬆 脆。

      

       美 國 芝 士 蛋 糕 反 而 無 試 到 ,我 怕 太 膩 食 唔 落 其 他 嘢

       

       72% 無 粉 朱 古 力 蛋 糕 不 可 不 試 ,蛋 糕 朱 古 力 香 濃 ,質 感 鬆 軟 中 又 帶 少 少 煙 韌 ,而 家 有 杯 熱 咖 啡 飲 就 爽 啦!

      

       白 朱 古 力 櫻 桃 慕 絲 蛋 糕 賣 相 一 般 ,所 以 無 試 到。 

      

       芒 果 吉 士 蛋 糕 入 口 軟 綿 綿 ,味 道 唔 會 太 甜 ,值 得 試! 

      

       班 蘭 蛋 糕 味 道 相 當 對 辦 ,質 感 鬆 軟 香 噴 噴。

       

       一 口 大 福 咁 大 件 . . . 食 完 咪 好 飽?雖 然 吸 引 都 唔 敢 食

      

       朱 古 力 泡 芙 一 定 要 試 吓!細 細 粒 容 易 食 ,仲 超 好 食。

      

       桑 梅 乳 酪 慕 絲 似 乎 無 乜 特 別 ,Skip 咗 去 試 其 他 甜 品。

      

       木 糠 布 甸 層 層 疊 ,細 細 杯 反 而 覺 得 啱 啱 好。

       

       朱 古 力 布 甸 配 橙 酒 忌 廉 有 酒 香 又 creamy ,朱 味 香 濃!

       

       燕 窩 黑 芝 麻 慕 絲 香 軟 幼 滑 ,食 完 1 杯 即 刻 再 去 攞 過。

       

       北 海 道 3.6 牛 奶 燕 窩 雞 蛋 布 甸 呢 一 part 係 凍 嘅!

      

       桂 花 糕 其 實 都 好 想 食 ,但 個 肚 really 放 唔 落 啦!

      

       生 果 有 5 款 ,最 時 令 係 西 瓜 ,但 最 吸 引 梗 係 荔 枝 啦!

      

       電 話 : 2622 6154                    供 應 時 間 : 6p.m - 11p.m

      平 均 消 費 : $418 / 位 ( 日 至 四 )

                          $448 / 位 ( 五、六、公 眾 假 期 及 前 夕 )   

      上 花 月 庭 Facebook 讚 好,自 助 晚 餐 有 7 折 優 惠 至 8 月 尾

                                         Link Here

      地 址 :  九 龍 太 子 道 193 號 帝 京 酒 店 2 樓

      

 


上一篇: 帝京酒店 La Scala 自助晚餐 熱葷篇

下一篇: 麗景酒店 Cafe Express 8月 自助餐 優惠篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,077,030
所有文章: 2,060
本日訪客人數: 1,478
累計訪客人數: 9,893,092