文章
相簿

↗ 九 龍

帝京酒店 La Scala 自助晚餐 熱葷篇

不眠王子 於 2010年08月05日發表   人氣:1036


      

       帝 京 酒 店La Scala 花 月 庭 自 助 晚 餐 嘅 熱 葷 款 式 一 樣 多 到 無 可 能 試 得 晒 ,而 且 有 唔 少 回 本 菜 式 ,我 覺 得 去 La Scala 最 好 分 開 3 次 嚟 囉!一 次 係 主 攻 刺 身 、海 鮮 等 頭 盤 ,一 次 就 全 力 食 幾 十 款 甜 品 , 一 次 就 主 力 食 熱 葷 啦!

      唔 駛 400 蚊 嘅 Buffet 有 得 任 食 黃 金 海 膽 焗 龍 蝦 ,相 信 香 港 都 無 乜 幾 多 間 呱?又 係 嗰 句 ,熱 葷 款 式 多 到 嚇 死 人 ,如 果 每 款 都 走 去 影 張 相 ,肯 定 呢 篇 Blog 又 要 放 超 過 60 張 相 囉!你 睇 呢 篇 都 出 咗 38 張 相 啦!嗱!試 就 無 可 能 全 部 試 晒 ,但 都 食 咗 唔 少 嘅!

      結 論 係 : 純 為 食 熱 葷 都 值 得 嚟 捧 場 呀!

       

       西 班 牙 海 鮮 飯 記 得 我 曾 喺 Yamm buffet 篇 blog 讚 不 絕 口 嗎?總 廚 而 家 過 咗 嚟 呢 度 ,招 牌 飯 自 然 重 出 江 湖 啦!

      

       西 班 牙 海 鮮 飯 水 準 依 然 咁 高 ,飯 粒 飽 滿 好 咬 口 ,質 感 煙 韌 有 黏 勁 ,而 且 海 鮮 份 量 十 足 ,食 一 碗 即 飽 呀!

      

        孖 士 薯 又 係 必 試 ,出 面 buffet 食 到 嘅 薯 蓉 9 成 係 用 薯 粉 開 嘅!呢 度 用 新 鮮 薯 仔 去 打 ,入 口 又 滑 又 綿 ,薯 味 又 重。

      

       黃 金 海 膽 焗 龍 蝦 睇 住 open kitchen 嘅 廚 師 密 密 焗 、密 密 搽 海 膽 醬 ,客 人 又 密 密 攞 ,真 係 替 佢 哋 辛 苦 呀!

      

       鬼 咩!去 餐 廳 食 咁 上 下 size 嘅 半 邊 龍 蝦 起 碼 要 $100 啦!食 幾 隻 仲 唔 回 本 咩!呢 度 仲 要 加 埋 海 膽 醬 ,龍 蝦 剛 焗 起 嘅 熱 力 令 海 膽 醬 更 加 香 噴 噴 ,龍 蝦 肉 勁 彈 牙。

      不 過 自 己 唔 係 太 鍾 意 焗 ,覺 得 龍 蝦 肉 會 韌 咗 啲! 

      

       上 湯 龍 蝦 鉗 至 係 我 嘅 飛 佛 ,龍 蝦 鉗 嘅 肉 質 比 蝦 身 嘅 肉 更 鮮 味 ,點 解?我 早 幾 日 喺 Blog 已 經 講 過 囉!

      

       焗 龍 蝦 只 係 食 咗 2 件 ,龍 蝦 鉗 呢?我 至 少 掃 咗 半 打。

      

       花 膠 魚 肚 豬 骨 鍋 落 重 料 去 煲 ,一 飲 就 知 夠 晒 火 候 ,花 膠 大 大 件 睇 見 就 流 口 水 ,不 過 你 食 唔 到 唔 好 話 我 ,因 為 唔 少 師 9 都 積 極 咁 起 "撈" . . . 起 勢 咁 撈。

      

       蟹 粥 唔 食 就 包 你 走 寶 ,自 己 食 過 唔 少 間 有 蟹 粥 供 應 嘅 酒 店 buffet ,講 到 粥 底 嘅 香 綿、蟹 肉 嘅 鮮 甜 ,呢 度 贏 晒!

      

       窩 粥 唔 知 落 咗 幾 多 隻 蟹 ,食 極 都 有 嘅?蟹 肉 勁 鮮 甜 呀!平 時 喺 buffet 絕 少 食 粥 嘅 我 ,呢 晚 食 咗 4 碗。

                    

       雞 蛋 豬 腳 薑 都 有?總 廚 老 友 話 係 呢 度 嘅 特 色 ,唔 可 以 無 架!因 為 旺 角 多 太 太 團 ,佢 哋 指 定 要 食 架。

      

       雞 蛋 豬 腳 薑 無 食 到 ,但 香 味 濃 到 離 遠 都 feeel 到。

       

       燕 窩 蟹 皇 海 鮮 泡 飯 揀 好 配 料 後 ,廚 師 會 以 魚 湯 烹 調 ,最 後 加 少 少 燕 窩 上 去 ,好 有 上 等 人 feel 呀!

      

      

       

       唔 想 要 泡 飯?揀 米 線 亦 得。

      

      

       魚 湯 海 鮮 泡 飯 奶 白 色 魚 湯 非 常 清 甜 ,熱 烘 烘 ,好 味! 

      

       紅 燒 元 蹄 喺 buffet 中 都 算 少 見 ,啱 晒 想 食 中 菜 嘅 朋 友

       

       油 鹽 水 花 蛤 隻 隻 都 咁 肥 美 ,鮮 味 到 極!

      

       辣 酒 煮 花 螺 幾 大 堆 頭 ,好 惹 味 ,但 辣 度 就 唔 算 好 勁。

                     

       海 鮮 湯 即 叫 即 煮 ,需 要 少 少 時 間 等 候 ,但 值 得 去 等。

      

       因 為 海 鮮 very 新 鮮 ,個 人 推 介 法 式 海 鮮 濃 湯 做 湯 底。 

      

       白 灼 基 圍 蝦 新 鮮 到 用 個 專 屬 嘅 魚 缸 養 住 ,好 pro 呀!

      

       白 灼 基 圍 蝦 即 灼 即 食 ,肉 質 唔 鮮 味 彈 牙 . . . 至 奇。

      

       清 蒸 麒 麟 斑 肉 質 超 滑 溜 ,蒸 煮 時 間 掌 握 得 非 常 準。

     

      開 放 式 廚 房 就 喺 美 食 後 面 ,廚 師 refill 自 然 更 快 手 啦! 

      

       海 南 雞 一 樣 有 ,今 次 無 試 到 ,下 次 啦!

      

       白 酒 煮 青 口 雖 然 無 食 到 ,但 肉 眼 睇 到 都 知 好 OK 囉!

      

       印 度 美 食 一 樣 有 ,仲 有 印 籍 廚 師 即 場 泡 製 添!

      

       香 草 乳 酪 烤 羊 扒 香 氣 撲 鼻 ,最 啱 怕 羶 味 嘅 朋 友。

      

       和 風 炒 和 牛 粒 即 叫 即 製 ,睇 住 廚 師 喺 你 面 前 於 鐵 板 上 炒 炒 炒 ,極 盡 視 聽 之 餘 仲 索 到 香 噴 噴。 

       

       燒 西 冷 質 素 得 唔 得?呢 張 相 睇 手 勢 就 應 該 合 枱。

      

       呢 張 就 睇 肉 色 及 燒 嘅 水 準 ,我 就 收 晒 貨 囉!

      

       蜜 糖 芥 末 豬 手 睇 相 已 經 流 晒 口 水 啦!

      

       焗 薯 真 係 食 唔 落 . . . 雖 然 賣 相 好 吸 引。

      

       電 話 : 2622 6154                    供 應 時 間 : 6p.m - 11p.m

      平 均 消 費 : $418 / 位 ( 日 至 四 )

                          $448 / 位 ( 五、六、公 眾 假 期 及 前 夕 )   

      上 花 月 庭 Facebook 讚 好,自 助 晚 餐 有 7 折 優 惠 至 8 月 尾

                                         Link Here

      地 址 :  九 龍 太 子 道 193 號 帝 京 酒 店 2 樓

      

      

 


上一篇: 帝京酒店 La Scala 自助晚餐 頭盤篇

下一篇: 帝京酒店 La Scala 自助晚餐 甜品篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,570,466
所有文章: 2,060
本日訪客人數: 2,225
累計訪客人數: 10,319,702