文章
相簿

↗ 九 龍

海景嘉福酒店 Cafe on M 自助晚餐 頭盤篇

不眠王子 於 2010年09月22日發表   人氣:1318


       


       最 近 有 唔 少 酒 店 都 嚟 個 大 革 新 ,廚 師 、侍 應 大 換 血 之 餘 ,連 格 局 都 轉 埋 ,但 講 到 大 變 身 ,則 不 及 海 景 嘉 福 酒 店Cafe on M 嚟 得 咁 徹 底 ,將 成 個 場 地 清 拆 重 建 ,由 舊 式 嘅 自 助 餐 改 成 開 放 式 廚 房 格 局 ,令 人 耳 目 一 新 ,由 頭 盤 、熱 葷 到 甜 品 ,唔 同 崗 位 都 有 多 位 廚 師 現 場 即 席 為 食 客 服 務 ,單 係 生 蠔 區 就 出 動 兩 位 開 蠔 經 驗 豐 富 嘅 廚 師 助 陣。

      以 400 蚊 左 右 嘅 buffet 嚟 講 ,喺 尖 東 呢 個 酒 店 區 應 可 殺 出 一 段 血 路 ,而 且 水 準 更 超 越 旁 邊 日 航 酒 店 Cafe Serena 越 嚟 越 跌 watt 嘅 buffet (兩 間 buffet 嘅 價 錢 都 一 樣)。

      正 到 我 8 月 底 食 完 一 次 ,隔 咗 2 個 星 期 又 去 encore!

      

       Cafe on M 以 紫 綠 色 做 主 題 ,紫 綠 色 調 味 樽 ,紫 綠 色 餐 椅 及 梳 化 、紫 綠 色 地 氈 . . . 格 局 sharp 醒 到 極。而 且 咁 大 嘅 場 都 係 set 咗 180 個 座 位 左 右 ,餐 枱 面 積 都 算 幾 大 ,就 算 坐 2 人 枱 都 唔 會 有 擠 迫 嘅 感 覺 ,最 正 係 可 以 食 足 4 個 鐘 嘛!

                     

       自 助 晚 餐 嘅 頭 盤 款 式 係 貴 精 不 貴 多 ,有 blog 友 仔 噚 日 留 言 話 無 乜 回 本 菜 ,咁 王 子 就 同 大 家 計 計 數。當 你 食 半 打 生 蠔 ,去 蠔 吧 食 大 概 要 200 蚊 ,食 Häagen-Dazs 雪 糕 4 球 ,去 HD 專 門 店 around 100 蚊 ,再 加 幾 件 cheese cake ,已 經 回 咗 本 啦!仲 未 計 熱 葷 喎!而 且 甜 品 仲 相 當 有 水 準 添!

                     

       有 啲 酒 店 嘅 dinner buffet 食 乜 都 要 排 長 龍 ,安 排 混 亂 到 極 ,唔 該 學 吓 呢 度 ,整 個 有 枱 號 膠 籤 筒 ,想 食 啲 要 等 嘅 嘢 唔 駛 再 排 長 龍 ,鐵 板 燒 、串 燒 、即 煮 意 粉 甚 至 生 蠔 都 得 ,埋 到 去 交 支 枱 號 籤 俾 廚 師 ,講 低 所 需 份 量 ,就 可 以 舒 舒 服 服 返 埋 位 ,美 食 整 好 後 侍 應 就 會 第 一 時 間 攞 去 你 位 ,咁 貼 心 嘅 service 分 分 鐘 連 五 星 級 酒 店 都 未 必 做 到。

      

       Buffet 點 解 有 咁 大 個 水 吧 嘅?原 來 呢 度 都 落 重 本 架!

      

       呢 個 昂 貴 嘅 Enomatic 智 能 藏 酒 機 ,提 供 紅 酒 及 白 酒 等 餐 酒 各 6 款 ,就 算 開 封 成 個 月 嘅 酒 都 能 夠 保 存 得 咁 香 醇。

      喺 度 食 buffet ,飲 支 紅 酒 仲 有 特 價 ,上 Openrice 睇 吧!

      

       頭 盤 貴 精 不 貴 多 ,即 開 生 蠔 、阿 拉 斯 加 蟹 腳 、凍 青 口 、翡 翠 螺 、龍 蝦 仔 、日 式 刺 身 、沙 律 等 嘅 質 素 都 唔 錯。

      

       生 蠔 吧 每 日 提 供 3 款 即 開 生 蠔 ,近 日 時 令 嘅 生 蠔 全 部 嚟 自 南 澳 洲 ,包 括 Hummocks 、Smoky Bay 及 EBA Island 生 蠔。現 場 所 見 ,2 位 廚 師 開 蠔 非 常 熟 手 ,速 度 快 到 極。

      

       Hummocks 、Smoky Bay 及 EBA Island 3 款 屬 海 水 味 都 幾 重 嘅 生 蠔 ,個 人 較 鍾 意 Smoky Bay ,爽 口 得 嚟 海 水 味 較 輕 ,味 道 亦 較 清 甜。而 Hummocks 係 三 款 之 中 蠔 味 最 重 嘅!

      

       呢 幾 款 澳 洲 生 蠔 喺 出 面 食 平 均 要 $38 至 $45 左 右 架!如 果 你 食 到 一 打 ,已 經 回 晒 本 啦!

      

       海 鮮 區 好 難 影 到 靚 仔 相 ,成 晚 都 有 勁 多 人 捧 場 嘛!

      

       龍 蝦 仔 not my cup of tea ,而 且 近 排 咁 多 新 聞 . . .

      

       翡 翠 螺 唔 係 見 慣 嘅 加 拿 大 貨 色 ,試 吓 先 . . .

      

       翡 翠 螺 都 幾 鮮 味 肥 美 噃!超 市 賣 18 蚊 一 隻 都 無 咁 正。

      

       

       阿 拉 斯 加 蟹 腳 無 食 到 呀!我 都 俾 某 buffet 寵 壞 咗 咯!

      

       迷 你 蠔 杯 正 在 cocktail 味 道 調 得 好 ,一 啖 一 杯 爽 到 極!

      

       醃 三 文 魚 係 有 少 少 驚 喜 ,係 我 今 年 所 食 過 最 正 嘅!

      

       三 文 魚 油 脂 豐 富 ,肉 質 比 出 面 buffet 嘅 煙 三 文 魚 結 實

      

       煙 三 文 魚 亦 有 供 應 ,質 感 一 樣 ,但 味 道 有 明 顯 分 別。

      

       壽 司 吧 供 應 6 款 魚 生 ,最 受 歡 迎 嘅 竟 唔 係 三 文 魚 噃!

      

       無 錯!帶 子 非 常 鮮 甜 ,見 到 唔 少 女 仔 食 咗 好 多 round。

       

       吞 拿 魚 壽 司 望 落 麻 麻 哋 ,唔 緊 要 ,我 都 唔 食 壽 司 嘅!

      

      

       意 式 凍 肉 片 4 款 中 最 正 係 開 心 果 凍 切 肉 片 ,必 試!

      


       巴 馬 火 腿 切 到 薄 薄 一 片 ,味 道 亦 唔 錯。

      

       沙 律 自 己 撈 又 得 . . . 懶 得 去 撈?

       

       廚 師 亦 預 備 咗 7 款 各 具 特 色 嘅 沙 律。

      

       麵 包 亦 難 得 見 到 有 唔 少 人 捧 場 . . . 唔 通 好 好 食? 

      

                   

       Buffet 跟 餐 茶 一 杯 ,估 唔 到 水 準 咁 高 喎 (以 buffet 嚟 講)!不 妨 叫 一 杯 Latte 或 任 何 咖 啡 (冷 熱 都 得) ,真 係 唔 錯。

      

       電 話 : 2731 2860                供 應 時 間 : 6p.m - 10p.m

      平 均 消 費 : $388 / 位 (星 期 一 至 四)

                          $448 / 位 (星 期 五 至 日 及 公 眾 假 期) 

        溫 馨 提 示 : 恒 生 信 用 卡 有 8 折 優 惠

      地 址 : 尖 沙 咀 麼 地 道 70 號 海 景 嘉 福 酒 店 M 層

                         

 


上一篇: 海洋公園 十月全城哈囉喂 Event

下一篇: 海景嘉福酒店 Cafe on M 自助晚餐 熱葷篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,687,772
所有文章: 2,060
本日訪客人數: 2,081
累計訪客人數: 9,545,078