文章
相簿

→ 銅 鑼 灣

魚八水產 抵食魚鮮 日本直送

不眠王子 於 2010年09月27日發表   人氣:1021


      

       極 少 去 銅 鑼 灣 廣 場 食 飯 ,搭 扶 手 電 梯 上 商 場 兜 兜 轉 轉 到  口 ,又 要 排 水 蛇 春 咁 長 嘅 人 龍 等 電 梯 上 食 店 ,出 到  又 無 乜 空 間 俾 食 客 等 候 ,擠 迫 情 況 拍 得 住 Sogo 對 面 某 食 廈 ,新 開 嘅 魚 八 水 產 卻 有 吸 引 力 令 人 排 除 萬 難 嚟 幫 襯。

      日 籍 老 闆 、日 籍 師 博 、新 鮮 海 產 、多 款 特 色 菜 式 已 有 一 定 叫 座 力 ,但 始 終 係 新 開 ,Service 仍 有 改 善 嘅 空 間 ,尤 其 是 帶 眼 鏡 嘅 疑 似 西 裝 經 理 ,招 呼 似 茶 記 多 過 似 日 本 料 理 ,對 食 材 亦 唔 太 熟 悉 ,感 覺 有 啲 雞 手 鴨 腳。反 而 有 位 身 穿 深 藍 和 式 制 服 嘅 高 級 男 店 員 招 呼 更 殷 勤 ,對 魚 鮮 亦 瞭 如 指 掌 ,仲 會 細 心 推 介 當 日 新 到 貨 色 俾 食 客 ,所 以 呢 晚 ,只 係 搵 呢 位 仁 兄 向 我 介 紹 有 乜 好 食。  

      

       木 製 枱 椅 舒 適 寬 敞 到 坐 4 人 都 仲 得 ,卡 位 更 正。

       

       店 內 盡 頭 ,有 一 塊 大 黑 板 ,詳 列 當 日 新 鮮 運 到 嘅 魚 鮮 及 海 產 等。望 住 黑 板 落 單 分 分 鐘 有 驚 喜 架! 

      

       冰 鎮 海 鮮 櫃 內 一 邊 放 咗 秋 刀 魚 、金 目 鯛 等 新 到 魚 鮮。

      

       另 一 邊 就 放 咗 龍 蝦 、帆 立 貝 、牡 丹 蝦 等 甲 殼 類 海 產。 

      

       見 到 餐 牌 嘅 牡 丹 蝦 刺 身 每 隻 要 $88 ,咁 貴 嘅?點 一 隻 睇 吓 乜 料 之 際 ,高 級 店 員 問 我 試 唔 試 吓 新 鮮 運 到 嘅 日 本 牡 丹 蝦 刺 身 ,同 餐 牌 嘅 貨 色 有 乜 分 別?

      原 來 餐 牌 上 嘅 牡 丹 蝦 刺 身 係 嚟 自 加 拿 大 ,Size 巨 型 到 成 隻 花 竹 蝦 咁 大 ,唔 怪 得 要 $88 啦!咁 日 本 牡 丹 蝦 刺 身 呢?正 常 size ,而 價 錢 只 係 $58。咁 佢 哋 推 介 後 者 咪 倒 自 己 米?唔 可 以 咁 講 嘅!做 生 意 老 實 啲 至 會 做 到 熟 客 嘅! 

      

       加 拿 大 牡 丹 蝦 刺 身 ($88) 及 日 本 牡 丹 蝦 刺 身 ($58)

      

       加 拿 大 牡 丹 蝦 係 大 隻 啖 啖 肉 ,肉 質 彈 牙 ,但 無 蝦 味。

     日 本 牡 丹 蝦 細 隻 成 倍 ,但 蝦 味 鮮 濃 得 多 . . . 所 以 話 有 時 大 隻 、價 錢 貴 ,唔 等 於 好 食。正 如 有 啲 人 食 生 蠔 ,一 味 話 要 大 隻 ,而 唔 去 睇 吓 隻 蠔 嘅 來 源 地 根 本 就 無 咁 大 嘅 size。

      

       牡 丹 蝦 當 然 玩 兩 食 啦!蝦 肉 做 刺 身 ,蝦 頭 就 攞 去 炸。

      

       牡 丹 蝦 頭 炸 起 先 知 原 來 仲 有 咁 多 蝦 膏 蝦 肉 ,夠 香 口

      

       鮮 魚 刺 身 盛 盒 ($178) 由 師 博 話 事 ,將 3 款 當 日 新 鮮 運 到 嘅 鮮 魚 去 做 刺 身 ,所 以 每 次 去 食 都 未 必 一 樣。望 見 黑 板 上 新 到 嘅 有 金 目 鯛 、尾 張 鯛 及 深 海 池 魚 ,望 吓 每 份 刺 身 獨 立 落 單 個 價 ,再 望 吓 呢 個 盛 盒 只 係 $178 ,仲 駛 考 慮 咩?

      

       金 目 鯛 刺 身 肉 質 帶 粉 紅 ,誘 人 到 極 ,乜 都 唔 蘸 ,先 試 一 片 ,肉 嫩 味 鮮 ,油 脂 豐 腴 但 唔 算 太 重 ,唔 會 掩 蓋 金 目 鯛 本 身 嘅 魚 鮮 味。

      

       尾 張 鯛 刺 身 第 一 次 食 ,恕 王 子 孤 陋 寡 聞 ,唔 知 尾 張 鯛 係 咪 因 為 嚟 自 愛 知 縣 而 得 名 ,肉 質 比 金 目 鯛 爽 脆 ,魚 味 更 濃 ,但 油 脂 唔 算 多 ,感 覺 如 果 用 嚟 打 邊 爐 應 該 仲 正。

       

       深 海 池 魚 刺 身 跟 平 時 食 開 嘅 池 魚 刺 身 似 乎 無 乜 分 別 ,但 唔 理 咁 多 ,呢 幾 片 夠 新 鮮 就 得 啦!

      

       帆 立 貝 刺 身 ($58) 收 呢 個 價 錢 有 咁 嘅 賣 相 ,少 見 吧?

      

       一 碟 6 片 厚 切 ,以 青 瓜 片 相 間 增 加 清 新 口 感 ,超 讚!

      

       帆 立 貝 本 身 已 經 相 當 鮮 味 多 汁 ,唔 蘸 醬 汁 就 咁 食 啦!

      

       魚 八 風 什 錦 海 鮮 壽 司 ($148) 五 味 雜 陳 ,食 得 過 癮。

      

       什 錦 海 鮮 壽 司 由 蟹 肉 絲 、吞 拿 魚 蓉 、三 文 魚 籽 、海 膽 及 三 文 魚 粒 組 合 而 成 ,壽 司 呢?做 成 8 件 小 卷 墊 咗 喺 底。 

      

       一 碟 網 盡 蟹 肉 絲 嘅 甜 、吞 拿 魚 蓉 嘅 綿 、三 文 魚 籽 嘅 脆 、海 膽 嘅 甘 及 三 文 魚 粒 嘅 鮮 ,咁 嘅 價 錢 ,梗 係 抵 食。

      

       什 錦 海 鮮 日 式 籠 仔 蒸 ($128) 由 師 博 揸 fit 將 幾 款 時 令 海 鮮 攞 去 蒸 ,所 以 未 必 次 次 食 到 嘅 會 係 一 樣 ,今 次 籠 仔 內 有 三 文 魚 、鯛 魚 魚 鮫 、帆 立 貝 、阿 拉 斯 加 蟹 腳 及 軟 殼 蝦 ,伴 以 花 菇 及 南 瓜 一 齊 蒸。最 好 上 到 枱 就 即 刻 食 啦!

      

       要 為 海 鮮 提 味 ,最 好 都 係 用 酸 汁 ,蘸 少 少 就 夠 啦!

      

       三 文 魚 夠 鮮 ,蒸 嘅 時 間 掌 握 得 好 ,肉 嫩 滑 、夠 鮮 味。

      

       軟 殼 蝦 蒸 到 個 殼 都 腍 埋 ,可 以 成 隻 放 入 口 食(頭 除 外)

      

       帆 立 貝 清 蒸 不 如 生 吃 ,少 咗 爽 滑 口 感 ,亦 失 去 鮮 味。

      

       鯛 魚 魚 鮫 比 想 像 中 多 肉 ,但 肉 質 較 結 實 ,唔 算 滑。 

      

       蟹 肉 清 蒸 ,食 出 新 鮮 長 腳 蟹 之 原 味 ,肉 嫩 夠 juicy!

      

       蟹 肉 蟹 膏 大 蔥 錫 紙 包 燒 ($68) 一 打 開 錫 紙 包 ,超 濃 嘅 蟹 味 撲 埋 個 鼻 度 ,Order 呢 一 味 ,最 好 叫 定 清 酒 伴 之。

      

       蟹 肉 及 蟹 膏 份 量 超 多 、超 鮮 味 ,唔 知 拆 咗 幾 多 隻 蟹?

      

       味 道 實 在 太 濃 ,唔 適 宜 就 咁 食 ,如 果 唔 想 飲 清 酒 ,可 以 叫 碗 白 飯 定 送。吓?28 蚊?用 邊 隻 日 本 米 呀?咁 貴 . . .

      

       伊 勢 海 老 燒 ($180) 見 魚 鮮 櫃 內 嘅 龍 蝦 新 鮮 靚 仔 ,又 見 黑 板 寫 住 $180 ,以 日 式 料 理 嚟 講 算 抵 食 ,一 時 口 痕 . . .

      

       龍 蝦 有 半 斤 以 上 ,膏 多 肉 厚 ,質 素 比 某 啲 日 式 燒 肉 料 理 好 得 多 ,而 師 博 手 勢 亦 唔 錯 ,燒 到 香 噴 噴。

      

       龍 蝦 肉 鮮 味 又 juicy ,肉 質 彈 牙 唔 會 韌 ,燒 到 啱 啱 好。

      

       博 多 甘 王 士 多 啤 梨 雪 糕 ($28) 仲 以 為 整 球 士 多 啤 梨 雪 糕 ,原 來 只 係 將 士 多 啤 梨 打 成 雪 葩 ,放 喺 牛 奶 雪 糕 上 ,再 伴 以 威 化 餅 及 粟 米 片。但 雪 葩 味 道 very good ,亦 好 抵 食。

      埋 單 $1000 多 啲 啲!但 一 啲 都 唔 肉 赤 ,點 計 都 係 抵 嘛!

      

       電 話 : 3520 2730              平 均 消 費 : $300 - $500 / 位

      地 址 : 銅 鑼 灣 軒 尼 詩 道 489 號 

                 銅 鑼 灣 廣 場 1 期 6 樓 6A 號 舖

      

 


上一篇: Harvey Nichols 4th Floor Restaurant 不是我杯茶

下一篇: 海洋公園 十月全城哈囉喂 Event


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,332,824
所有文章: 2,060
本日訪客人數: 2,274
累計訪客人數: 10,113,989