文章
相簿

→ 觀 塘

Domain 223 會所餐廳 浪漫處處

不眠王子 於 2010年09月30日發表   人氣:1434


      

       Fine Dining 、無 敵 海 景 、睇 到 煙 花 、燭 光 晚 餐 、招 呼 一 流 、價 錢 實 惠 嘅 高 級 餐 廳 仲 要 平 日 無 乜 人?去 邊 度 搵?中 環?尖 沙 咀?銅 鑼 灣?

      有 無 諗 過 觀 塘 都 有 乎 合 以 上 條 件 嘅 餐 廳?吓?觀 塘?

      Domain 223 絕 對 稱 得 上 係 一 間 隱 世 到 乜 嘢 咁 嘅 高 級 餐 廳 ,有 幾 隱 世?位 處 觀 塘 最 篤 最 篤 嘅 工 業 區 邊 皮 位 ,宏 利 金 融 中 心 之 內 仲 要 係 搭 電 梯 上 3 樓。夜 晚 附 近 了 無 人 煙 ,過 條 大 街 至 係 麗 港 城 ,星 期 五 嘅 食 店 黃 金 日 入 到 去 餐 廳 ,竟 然 只 得 我 一 枱 客 . . . 咁 都 唔 叫 隱 世?

      雖 然 只 得 一 枱 客 ,但 服 務 依 然 達 到 酒 店 級 水 準 ,女 侍 應 靚 女 好 笑 容 ,男 侍 應 健 談 夠 細 心。原 來 呢 間 會 所 餐 廳 由 恒 基 兆 業 嘅 酒 店 發 展 部 管 理 ,唔 怪 得 咁 pro 啦!

      而 且 喺 度 隨 時 會 撞 到 唔 少 星 級 人 馬 ,好 似 Paco 、小 欣 姐 、JM 、Janice . . . 因 為 東 亞 娛 樂 就 喺 同 一 座 大 廈 內。

      

       餐 廳 大 門 口 放 滿 一 地 Magnum 波 爾 多 紅 酒 ,一 般 嘅 $300 就 有 交 易 ,價 錢 算 公 道 ,而 過 萬 蚊 支 嘅 Lafitte 亦 一 樣 有。

       

       話 明 會 所 餐 廳 ,所 以 晚 市 只 做 星 期 一 至 五 ,接 受 街 客 幫 襯 ,但 只 收 credit card 或 八 達 通 ,唔 收 cash ,要 留 意 啦! 

      

       星 期 五 晚 ,大 大 間 餐 廳 空 無 一 客 ,如 果 唔 係 會 所 餐 廳 ,恐 怕 . . . 如 果 同 女 朋 友 嚟 ,佢 實 以 為 你 咁 豪 玩 包 場 . . .

      呢 晚 跟 靚 女 老 友 Lisa 食 晚 飯 ,佢 都 俾 咁 嘅 環 境 嚇 親。  

      

       餐 廳 最 佳 位 置 ,當 然 係 望 到 維 港 景 嘅 落 地 大 玻 璃 窗 口 位 ,連 餐 椅 都 比 較 講 究 同 舒 適。呢 度 每 逢 放 煙 花 或 大 時 大 節 嘅 日 子 ,晚 市 會 轉 為 半 自 助 晚 餐 ,不 妨 打 電 話 問 價。

      

       細 心 啲 睇 ,每 張 餐 巾 都 接 得 咁 靚 ,仲 要 係 唔 同 花 款。 

      

       未 行 到 餐 廳 盡 頭 影 呢 張 相 ,你 話 間 餐 廳 幾 大 呢!忽 然 有 種 想 喺 度 攪 event 嘅 衝 動。點 解 每 個 位 都 有 個 鍍 銀 托 盤 嘅?侍 應 預 備 第 二 日 嘅 午 餐 時 段 嘛!

                    

       晚 餐 分 $198 及 $328 兩 種 ,前 者 可 以 喺 主 菜 中 3 選 1 ,後 者 則 只 有 澳 洲 和 牛 西 冷 配 珍 寶 大 蝦。晚 餐 包 餐 酒 或 橙 汁 、餐 包 、沙 律 、餐 湯 、主 菜 、甜 品 及 餐 飲 ,呢 個 價 錢 可 以 豐 富 到 咁 ,喺 尖 沙 咀 分 分 鐘 要 俾 double! 

      拍 拖 嚟 咁 浪 漫 嘅 環 境 下 食 飯 ,點 2 份 $198 嘅 晚 餐 ,連 加 一 都 唔 駛 $500 ,筍 到 咁 去 邊 度 搵?呢 餐 梗 係 出 印 章 啦!

      

       餐 包 上 到 枱 仲 係 熱 烘 烘 ,個 人 認 為 越 深 色‧越 好 食。

      

       燭 光 下 熱 包 包 伴 以 靚 牛 油 、黑 醋 汁 或 橄 欖 油 ,美 妙! 

       

       凱 撒 沙 律 份 量 其 實 唔 少 ,只 係 隻 碟 大 ,菜 亦 幾 新 鮮。 

      

       晚 餐 包 一 杯 welcome drink ,可 以 揀 餐 酒 或 橙 汁。餐 酒 係 用 Chateau Pascaud 2005 波 爾 多 紅 酒 ,絕 少 餐 廳 會 用 到 呢 個 級 數 嘅 紅 酒 嚟 做 welcome drink 咁 富 貴 吧?散 點 都 要 $58 杯 架!你 食 個 $198 嘅 set 都 照 跟 一 杯 ,匪 夷 所 思 吧?

      05 年 嘅 Chateau Pascuad 果 味 香 濃 易 入 口 ,加 埋 身 邊 有 咁 靚 嘅 夜 景 、咁 靚 女 嘅 朋 友 相 伴 ,真 係 飲 少 少 已 經 夠 醉 人。而 橙 汁 聽 得 出 係 即 點 即 鮮 榨 嘅!

      

       意 式 洋 蔥 湯 唔 只 足 料 ,直 情 落 重 料 去 熬 ,火 候 十 足 ,洋 蔥 大 梳 大 梳 煲 到 軟 腍 ,飲 完 全 身 暖 笠 笠。

      

       澳 洲 和 牛 西 冷 配 珍 寶 大 蝦 ($328 set) 你 可 能 會 話 :「呢 個 價 錢 ,出 面 都 食 到 啦!」Maybe 啦!但 西 冷 會 用 澳 洲 和 牛?大 蝦 有 幾 珍 寶 先?就 算 跟 足 用 澳 洲 和 牛 西 冷 配 珍 寶 大 蝦 ,我 肯 定 無 得 跟 餐 酒 、沙 律 同 甜 品 囉!

      如 果 有 ,唔 該 話 我 知! 

      

       珍 寶 大 蝦 睇 相 都 知 燒 得 有 幾 靚 ,開 邊 後 嘅 size 有 手 掌 咁 大 ,肉 厚 、鮮 味 、彈 牙 ,連 蝦 頭 都 有 唔 少 膏 ,好 味! 

      

       薯 角、三 色 椒、青 瓜 片 等 一 樣 燒 到 香 噴 噴 ,唔 好 唔 食

      

       澳 洲 和 牛 西 冷 落 單 前 侍 應 會 先 問 你 要 幾 成 熟 ,放 心!而 廚 師 亦 做 到 自 己 嘅 要 求 ,和 牛 西 冷 肉 質 鬆 化 無 韌 度 ,肉 嫩 多 汁 ,最 難 得 係 有 肉 味 ,正 到 連 芥 辣 都 唔 駛 蘸。

      

       燒 法 國 春 雞 配 百 里 香 汁 ($198 set) 半 隻 春 雞 拆 得 靚 ,小 小 驚 喜 係 連 雞 皮 都 燒 得 香 脆 ,雞 肉 卻 仍 非 常 嫩 滑 ,尤 其 是 脾 位 嘅 肉 ,滑 到 不 得 了 呀!

      

       沙 律 菜 亦 唔 會 求 其 玩 單 色 就 算 ,仲 好 fresh 添!

      

       白 朱 古 力 慕 絲 蛋 糕 係 呢 晚 嘅 daily dessert ,入 口 軟 綿 綿 ,甜 度 剛 剛 好 唔 會 over sweet ,估 唔 到 跟 餐 都 咁 有 水 準。  

                  

       餐 飲 我 揀 咗 ice coffee ,落 糖 前 先 呷 一 啖。咦?Good 喎!唔 係 啲 味 淡 即 沖 貨 色 ,一 飲 就 知 係 滴 漏 咖 啡。

      

       Lisa 揀 咗 earl grey tea ,我 仲 笑 佢 話 多 數 啲 西 餐 廳 都 只 係 跟 奶 茶 、檸 茶 或 咖 啡 ,妳 點 伯 爵 茶 侍 應 都 肯 照 落 單 ,好 nice 囉!點 知 嚟 到 唔 只 係 一 杯 上 ,直 情 跟 多 半 壺 俾 你 ,雖 然 只 係 用 茶 包 ,但 餐 茶 都 咁 講 究 好 少 有 囉!

      

       上 完 餐 茶 ,侍 應 最 後 送 上 牛 油 及 朱 古 力 曲 奇 ,我 哋 當 堂 呆 咗 互 望 一 吓 ,價 錢 咁 抵 但 由 頭 到 尾 都 正 到 令 人 感 動。兩 隻 味 之 中 以 朱 古 力 曲 奇 最 鬆 脆 好 食。 

      埋 單 $600 有 找 ,又 飽 又 滿 足 ,開 心 到 餐 廳 關 門 至 走。

      

       電 話 : 3925 7088                 平 均 消 費 : $220 - $360 / 位 

      地 址 : 觀 塘 偉 業 街 223 號 宏 利 金 融 中 心 A 座 3 樓

                       

 


上一篇: Palco Ristorante 意式味道 多謝Paco

下一篇: Harvey Nichols 4th Floor Restaurant 不是我杯茶


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,130,813
所有文章: 2,060
本日訪客人數: 1,359
累計訪客人數: 9,938,787