文章
相簿

→ 九 龍

甜蜜蜜甜品專門店 客多了 水準跌了

不眠王子 於 2010年10月13日發表   人氣:615


      

       噚 日 講 海 鮮 站 飯 局 有 6 個 人 食 完 飯 仲 意 猶 未 盡 ,搭 的 士 去 咗 甜 蜜 蜜 甜 品 專 門 店!咁 今 日 當 然 順 便 講 埋 啦!雖 然 對 上 講 呢 度 已 經 係 兩 年 前 嘅 事 ,但 我 偶 然 都 有 去 食 吓 ,不 過 今 次 再 嚟 ,發 現 甜 品 嘅 水 準 跌 watt 都 跌 得 幾 明 顯 吓!

      係 客 多 到 keep 唔 住 舊 有 水 準 還 是 旺 到 唔 愁 無 客 呢?

      點 都 好 ,已 決 定 降 低 呢 間 甜 品 店 嘅 評 級。  

      

       6 個 人 ,每 人 叫 一 道 心 頭 好 ,再 同 大 家 share 一 齊 食。

      

       焗 朱 古 力 軟 心 布 甸 伴 雪 糕 ($42) 即 係 心 太 軟 ,賣 相 無 以 前 咁 靚 ,唔 信 可 以 睇 番 08 年 篇 Blog ,朱 古 力 蛋 糕 夠 鬆 軟 ,但 朱 古 力 味 唔 夠 濃。流 心 程 度 亦 一 般 ,仲 爆 邊 添! 

       

       焗 黑 白 朱 古 力 梳 乎 厘 ($40) 熱 朱 古 力 梳 乎 厘 配 凍 白 朱 古 力 榛 子 味 梳 乎 厘 ,前 者 剛 剛 出 爐 ,拱 到 鬼 咁 靚 ,一 影 完 相 ,6 支 匙 即 時 從 四 方 八 面 飛 插 埋 去 ,何 其 壯 觀!被 搶 掠 之 後 個 賣 相 令 嘉 嘉 扁 晒 咀 ,可 想 而 知 個 梳 乎 厘 有 幾 正 啦!

      後 者 雖 然 又 係 叫 梳 乎 厘 ,但 質 感 似 雪 糕 多 啲 囉!

      

       焗 香 橙 朱 古 力 軟 心 梳 乎  伴 青 檸 雪 葩 ($40) 值 得 試

      

       今 次 我 無 食 ,因 之 前 已 試 過。梳 乎 厘 嘅 橙 味 只 係 好 輕 ,但 反 而 更 突 出 裡 頭 暖 烘 烘 嘅 朱 古 力 味 ,一 邊 食 一 邊 用 青 檸 雪 葩 作 伴 ,係 一 個 絕 配 嘅 冰 火 組 合。

      

       茘 枝 玉 露 ($35) 係 我 每 次 嚟 都 必 食 嘅 甜 品 ,用 茘 枝 雪 糕 加 鮮 奶 打 成 沙 冰 底 ,再 用 茘 枝 及 蒟 蒻 圍 邊 ,最 後 加 堆 台 灣 爆 爆 珠 ,撈 埋 一 齊 放 入 口 ,清 清 甜 甜 冰 冰 凍 凍 口 感 一 流 ,正 到 不 得 了。但 . . . . 今 次 個 沙 冰 有 少 少 跌 watt!

      

       焗 冰 火 芝 士 木 糠 布 甸 ($38) 面 層 係 熱 烘 烘 嘅 焗 蛋 白 ,食 完 就 見 到 中 間 嘅 冰 凍 芝 士 及 底 層 餅 乾 碎 ,我 樣 樣 都 試 咗 啲!呢 個 水 準 依 然 keep 得 到。

      

       焗 酥 皮 栗 子 批 伴 雪 糕 ($40) 又 係 一 個 超 正 嘅 冰 火!

       

       酥 皮 外 層 焗 得 香 口 鬆 脆 ,栗 子 批 甜 度 適 中 ,唔 會 死 命 嘅 甜 ,夠 熱 嘅 栗 子 蓉 實 在 係 超 好 食。

       

       電 話 : 2311 6078     平 均 消 費 : $35 - $45 / 位

      地 址 : 尖 沙 咀 厚 福 街 5-6 號 地 下 2 號 舖

      

 


上一篇: 麗景酒店 Santa Lucia 龍蝦黑松露 四道菜晚餐

下一篇: 海鮮站 卷10 八金剛 大戰 水晶蟹


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,332,676
所有文章: 2,060
本日訪客人數: 2,126
累計訪客人數: 10,113,841