文章
相簿

→ 深 水 埗 社 企 餐 廳

優閒堡 社企餐廳 - 已結業

不眠王子 於 2010年10月25日發表   人氣:679


      

       優 閒 堡 Serene Club 係 香 港 唐 氏 綜 合 症 協 會 附 屬 社 會 企 業 ,所 以 樓 面 嘅 部 份 侍 應 會 係 弱 智 人 仕 ,希 望 大 家 去 呢 度 食 飯 時 ,唔 好 帶 有 色 眼 鏡 及 俾 啲 鼓 勵 佢 哋 ,坦 白 講 ,佢 哋 嘅 服 務 態 度 比 市 面 好 多 健 全 嘅 侍 應 有 過 之 而 無 不 及 ,反 應 快 、夠 貼 心 ,唔 會 攞 少 少 嘢 都 黑 你 面。

      餐 廳 開 咗 2 年 ,喺 順 寧 道 街 市 斜 對 面 (近 明 愛 醫 院 那 邊),位 處 頗 偏 僻 ,我 都 係 有 日 去 街 市 食 豆 腐 花 經 過 至 發 現 到 ,見 網 上 無 乜 食 評 講 晚 市 ,「白 恤 衫 遮 得 住 心 口 的 S 印 ,卻 遮 不 了 熾 熱 的 S 心」,再 加 上 餐 廳 有 酒 店 大 廚 助 陣 ,於 是 相 約 老 友 Hoka 專 登 嚟 食 吓 dinner。

       

       餐 廳 面 積 相 當 大 ,裝 修 簡 潔 ,但 皮 餐 椅 相 當 sharp 醒 ,坐 落 亦 舒 服 到 不 得 了 ,平 日 同 friend 嚟 飲 杯 嘢 應 該 唔 錯。

      雖 然 位 置 偏 僻 ,但 晚 市 套 餐 嘅 價 錢 一 啲 都 唔 平 ,最 經 濟 嘅 都 要 $100 至 有 交 易 ,部 份 仲 去 到 接 近 $200 添!同 區 嚟 講 算 少 見 ,但 食 完 之 後 會 明 白 貴 . . . 係 因 為 真 材 實 料。

      

       忌 廉 湯 夠 熱 夠 杰 身 ,味 道 比 起 好 多 西 餐 廳 合 格 有 餘。

      

       蒜 蓉 包 就 遜 色 咗 啲!夠 脆 但 唔 夠 熱 ,亦 無 乜 牛 油 香。

      

       脆 烤 春 雞 伴 意 粉 ($98) 好 似 貴 咗 啲?No 啦!跟 餐 湯 又 包 飲 品 ,再 望 清 楚 份 量 ,出 面 同 一 菜 式 一 係 超 細 隻 、皮 包 骨 ,一 係 就 半 隻 上 兼 油 淰 淰 ,呢 碟 春 雞 大 隻 到 足 夠 2 個 人 去 share ,而 且 春 雞 烤 到 皮 脆 唔 油 膩 ,睇 見 就 流 口 水。

      

       意 粉 嘅 水 準 有 少 少 出 乎 我 意 料 咁 . . . 好!

      

       意 粉 食 得 出 煮 得 有 心 機 ,咬 落 可 以 用 al dente 去 形 容。

       

       雞 肉 稱 唔 上 嫩 滑 ,但 肉 質 絕 對 唔 嚡 ,幾 好 食 架!

      

       德 國 黑 椒 豬 手 ($78) 伴 薯 條 就 真 係 very good!

      

       薯 條 連 少 少 薯 皮 去 炸 ,熱 辣 辣 、夠 香 口 ,薯 味 亦 濃。

       

       豬 手 貼 心 咁 切 到 一 粒 粒 ,惹 味 到 極 ,肉 質 亦 夠 軟 腍。

      

       豬 手 皮 滑 唔 韌 身 ,皮 烤 得 微 脆 、好 咬 口!

      

      

       朱 古 力 心 太 軟 跟 餐 加 $15 就 食 到 ,唔 加 就 笨。

    

      心 太 軟 味 道 好 OK 架!係 雪 糕 就 一 般 咗 啲!

      

       焗 牛 油 麵 包 布 甸 又 係 跟 餐 加 $15 就 有 ,好 味 有 水 準。 

      

       呢 度 嘅 咖 啡 係 必 飲 嘅!聽 講 佢 哋 係 用 一 級 咖 啡 豆。

                      

                     凍 咖 啡 拖 肥 即 使 係 凍 嘅 都 有 濃 濃 咖 啡 香

                      

                      凍 莫 加 咖 啡 唔 係 我 點 ,所 以 no comment!

       

       電 話 : 3579 2292                   平 均 消 費 : $85 - $115 / 位

      地 址 : 深 水 埗 順 寧 道 513-521 號 怡 景 閣 地 下 A & B 舖

      

 


上一篇: Savor Cake & Coffee 九龍城 稀有族類

下一篇: 豚聚一刻 海洋公園 那天再豚聚?


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,697,574
所有文章: 2,060
本日訪客人數: 2,464
累計訪客人數: 9,553,857