文章
相簿

→ 灣 仔 社 企 餐 廳

樂農 社企營運扶聽障 素食餐廳水準強

不眠王子 於 2010年10月28日發表   人氣:1483


      

       樂 農 係 全 港 第 一 間 社 會 企 業 非 牟 利 素 食 餐 廳 ,開 咗 唔 夠 一 個 月 ,地 點 唔 算 難 搵 ,就 喺 正 修 頓 球 場 對 面 (軒 尼 詩 道 方 向), 但 行 街 經 過 肯 定 唔 會 留 意 到。好 彩 老 闆 之 一 嘅 曾 志 偉 早 排 喺 飲 食 節 目 推 介 過 ,唔 愁 客 源 問 題。

      因 為 靚 女 老 友 Lisa.T 食 緊 中 藥 ,調 理 緊 身 體 ,同 佢 食 飯 自 然 要 花 少 少 腦 筋 配 合 一 吓。我 哋 一 邊 食 一 邊 不 斷 讚 嘆 每 道 菜 嘅 水 準。份 量 固 然 十 足 ,賣 相 亦 靚 ,味 道 更 係 值 得 俾 個 王 子 印 章 佢。跟 市 面 大 部 份 嘅 素 食 店 相 比 ,呢 一 間 嘅 製 作 水 準 相 當 超 班,招 呼 仲 無 得 頂 添。

      

       餐 廳 係 社 企 營 運 ,由 明 星 足 球 隊 慈 善 基 金 跟 龍 耳 社 合 作 ,所 以 唔 少 員 工 係 聽 障 人 仕 ,如 果 大 家 見 到 著 綠 色 制 服 嘅 聽 障 員 工 ,不 妨 喺 佢 哋 招 呼 你 嘅 時 候 向 佢 哋 豎 起 手 指 公 ,俾 啲 鼓 勵 佢 哋 啦! 而 店 內 亦 有 幾 位 著 紅 色 制 服 嘅 一 般 員 工 ,唔 駛 擔 心 點 菜 時 溝 通 會 有 困 難。

      

       餐 廳 環 境 光 猛 ,裝 修 簡 潔 ,連 柱 位 嘅 空 間 都 用 盡 ,但 無 乜 擠 迫 感 ,坐 得 都 幾 舒 服。晚 飯 時 段 都 幾 爆 場 架!上 面 張 相 係 佢 哋 臨 收 工 影 架!

      

       坐 靠 牆 梳 化 嘅 一 邊 ,跟 一 室 光 猛 嘅 感 覺 又 有 啲 唔 同

      

       估 唔 到 呢 度 會 有 VIP 房 ,可 容 納 8 -10 人 ,更 估 唔 到 佢 哋 有 得 供 應 私 房 菜 ,食 嘅 當 然 係 素 菜 啦!

      

       餐 廳 新 開 張 ,晚 市 有 9 折 優 惠 ,但 要 留 意 所 謂 9 折 ,其 實 係 張 單 免 收 加 一 ,埋 單 時 唔 駛 再 問 佢 哋 攞 discount 啦!

      

       餐 牌 薄 薄 ,款 式 唔 多 ,但 有 唔 少 頗 驚 喜 嘅 創 意 菜 式。 

      

       招 牌 流 沙 餃 ($38) 有 7 大 隻 湯 餃 ,味 道 係 10 個 讚 呀!

       

       流 沙 餃 皮 薄 餡 靚 又 飽 滿 ,內 有 薯 仔 及 番 茄 混 合 打 成 蓉 及 碎 粒 ,成 隻 放 入 口 ,綿 密 薯 蓉 充 滿 茄 香 ,Juicy 到 一 口 都 係 ,味 道 正 到 對 眼 即 時 碌 大 咗 三 份 一 . . .   

      

       每 隻 餃 都 充 滿 線 條 美 ,餃 子 專 門 店 都 未 必 有 咁 靚 仔。

      

       因 為 有 蕃 茄 ,皮 又 夠 薄 ,所 以 餃 子 白 裡 透 紅 靚 到 極!

      

       秋 葵 雙 耳 ($68) 名 字 簡 單 直 接 ,一 睇 就 知 係 健 康 菜 式 ,雙 耳 即 係 雪 耳 拼 雲 耳 ,而 秋 葵 既 可 以 幫 助 減 肥 ,亦 係 治 療 糖 尿 病 嘅 最 佳 食 材 之 一。

      上 到 枱 時 ,大 碟 到 嚇 咗 我 哋 一 跳 ,雪 耳 及 雲 耳 非 常 新 鮮 爽 滑 ,食 落 既 有 芝 麻 香 兼 帶 絲 絲 嘅 薑 汁 香 味。秋 葵 亦 好 新 鮮 、好 爽 脆 ,食 到 Lisa 猛 話 呢 碟 係 佢 全 晚 嘅 至 愛。

      

       招 牌 南 乳 齋 煲 ($58) 落 足 料 ,熱 氣 騰 騰 大 大 煲 ,抵 食 到 極!出 面 有 好 多 供 應 南 乳 齋 煲 嘅 食 店 ,都 係 預 先 整 定 一 大 盤 備 用 ,有 客 order 時 至 舀 落 個 熱 鍋 內 ,變 咗 面 頭 嗰 幾 啖 係 熱 ,越 食 就 越 涼 ,粉 絲 又 結 埋 一 嚿 . . .

      

       呢 度 嘅 南 乳 齋 煲 由 頭 熱 到 落 底 ,由 一 開 始 嘅 滾 熱 辣 到 隔 咗 成 個 鐘 食 都 一 樣 咁 熱 ,南 乳 味 唔 似 得 出 面 啲 食 店 咁 濃 ,咁 至 啱 晒 我 ,南 乳 味 太 濃 又 點 感 受 到 食 材 嘅 鮮 味 呢?煲 內 嘅 粉 絲 、腐 竹 、豆 卜 、雲 耳 、冬 菇 、銀 杏 、紅 蘿 蔔 及 黃 芽 白 等 都 新 鮮 到 好 似 當 日 喺 街 市 買 番 嚟 咁。 

      

       咕 嚕 竹 ($58) 唔 只 賣 相 跟 咕 嚕 肉 幾 可 亂 真 ,連 口 感 、味 道 都 似 得 好 緊 要 ,咕 嚕 "肉" 其 實 係 鮮 腐 竹 配 酸 甜 汁 ,再 打 隻 雞 蛋 落 去 令 腐 竹 外 表 更 有 肉 感 (唔 想 落 蛋 嘅 朋 友 可 以 落 單 時 要 求 走 蛋),最 後 伴 上 三 色 椒 就 大 功 告 成。

      出 面 食 同 類 素 菜 唔 係 一 口 粉 ,就 係 油 淰 淰。呢 度 就 好 食 得 多。放 嚿 入 口 ,質 感 煙 煙 韌 韌 有 咬 口 ,酸 甜 度 亦 調 校 到 剛 剛 好 ,真 係 好 似 食 緊 咕 嚕 肉 咁 ,更 難 得 係 唔 太 油 膩。

      

       亞 麻 籽 糙 米 飯 ($6) 嚟 到 時 熱 烘 烘 ,仲 少 有 咁 多 咗 份 軟 熟 感。靚 女 胃 口 不 大 ,只 食 半 碗 ,我 樂 於 接 收 埋 嗰 半 份。

                    

                     有 機 朱 古 力 ($22) 如 果 你 問 我 跟 普 通 朱 古 力 有 乜 分 別 ,我 會 答 朱 味 無 咁 濃 ,質 感 絲 滑 啲!信 不 信 由 你!

                    

       清 新 之 氣 ($25) 係 直 榨 鮮 果 汁 ,由 橙、薑 及 青 瓜 組 合 而 成 ,呢 個 果 汁 組 合 較 少 見 ,即 點。味 道 比 想 像 中 match ,薑 味 仲 幾 重 吓 ,但 又 帶 微 微 嘅 橙 香 ,飲 完 ,好 舒 服。 

      

       椰 汁 黑 糯 米 係 送 嘅!但 相 當 足 料 兼 煲 得 夠 晒 火 候 ,質 感 唔 稀 ,甜 度 比 較 輕 ,水 準 好 高。

      埋 單 $300 ,物 超 所 值 ,開 心 嚟 ,超 開 心 咁 走。

      

       電 話 : 2529 3338          平 均 消 費 : $100 - $150 / 位

      地 址 : 灣 仔 軒 尼 詩 道 99 號 彰 顯 大 廈 1 樓

                      

 


上一篇: 圓華薈廚 他與她的 約會勝地

下一篇: Savor Cake & Coffee 九龍城 稀有族類


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,498,895
所有文章: 2,060
本日訪客人數: 773
累計訪客人數: 10,258,713