文章
相簿

→ 大 坑

嘆燒 嘆住氣 食串燒 唉…

不眠王子 於 2010年11月18日發表   人氣:783


      

       如 果 ,我 將 嘆 燒 呢 篇 食 評 放 上 Openrice ,相 信 係 此 店 唯 一 一 個 喊 面 食 評。雖 然 小 店 格 局 走 中 高 檔 路 線 ,串 燒 款 式 亦 有 唔 少 貴 價 食 材 ,原 隻 海 膽 、鮑 魚 甚 至 大 閘 蟹 都 有 得 燒。但 串 燒 價 錢 偏 高 得 有 點 兒 過 份 ,同 樣 係 燒 白 鱔 ,川 燒 只 係 $24 串 ,仲 要 係 肉 嫩 多 汁。呢 度 卻 收 $34 串 兼 燒 到 過 晒 火 位。唔 好 唔 記 得 前 者 喺 尖 沙 咀 ,後 者 只 係 喺 大 坑 ,舖 租 會 有 一 段 距 離 ,有 乜 理 由 貴 人 哋 咁 多?

      Service 亦 認 真 麻 麻 ,呢 晚 跟 2 位 朋 友 嚟 食 ,人 少 食 串 燒 ,習 慣 分 開 幾 次 落 單 ,因 為 一 次 過 order ,串 燒 嚟 得 太 多 ,食 唔 切 放 涼 咗 就 會 唔 好 食。侍 應 明 顯 唔 太 接 受 呢 套 ,以 黑 面 相 迎 ,問 要 杯 水 都 辛 苦 過 人 ,我 哋 食 到 半 飽 ,就 決 定 埋 單 去 第 二 度 食 過 ,未 食 飽 都 已 經 要 五 百 幾 蚊 落 樓。 

      

       活 燒 白 海 龍 ($34) 即 係 燒 白 鱔 ,呢 碟 係 2 客 嘅 份 量 ,白 鱔 簡 單 以 海 鹽 燒 之 ,見 塊 皮 乾 硬 化 ,感 覺 唔 係 新 鮮 貨。

      

       咬 咗 一 啖 . . . 無 味 嘅?I mean 肉 無 魚 味 ,水 準 同 川 燒 差 好 遠 ,仲 要 貴 人 $10 串。

      

       燒 海 中 蝦 ($29) 呢 度 就 要 $87 ,上 到 枱 ,各 人 O 晒 嘴。

      

       O 嘴 係 因 海 中 蝦 size 比 想 像 中 細 ,去 街 市 買 咁 上 下 size 嘅 海 中 蝦 ,$87 有 20 隻 以 上 了。蝦 肉 得 個 熱 字 ,無 乜 味。 

       

       燒 鵝 肝 釀 雞 翼 ($68) 得 一 隻 ,以 為 咁 貴 一 定 係 用 靚 鵝 肝 ,於 是 點 咗 2 隻。賣 相 對 辦 ,雞 翼 亦 燒 得 靚 ,不 過 . . .

      

       鵝 肝 份 量 比 別 家 串 燒 店 少 ,亦 無 入 口 即 溶 嘅 感 覺。

      

       燒 芝 士 雞 翼 ($19) 比 鵝 肝 釀 雞 翼 平 3 倍 有 多 ,叫 咗 2 隻 ,食 完 嘅 感 覺 係 早 知 唔 食 鵝 肝 釀 雞 翼 啦 . . . 都 無 乜 分 別。

       

       燒 芝 士 雞 翼 $19 隻 都 算 貴 ,尤 其 是 芝 士 香 味 唔 夠 濃。

      

       燒 雞 軟 骨 ($14) 得 一 串 咋!呢 度 $28 啦!But 水 準 OK 嘅!

       

       燒 豬 腩 肉 ($19) 因 為 無 晒 信 心 ,所 以 只 係 叫 咗 一 串。食 到 好 濃 嘅 黑 椒 味 、孜 然 粉 味 . . . 係 食 唔 到 肉 味。

      

       燒 原 隻 茄 子 ($48) 貴 人 20% 兼 size 細 過 人 ,係 賣 相 唔 錯

      

       茄 子 燒 得 靚 ,味 帶 辛 辣 ,相 當 惹 味 ,係 略 嫌 燒 得 太 耐 ,茄 子 變 得 乾 身 ,肉 汁 幾 乎 完 全 流 失。

      

       燒 野 生 大 蘑 菇 ($38) 燒 到 過 晒 龍 ,乾 到 汁 都 無 滴。

      埋 單 五 百 幾 蚊 ,3 個 人 好 似 無 食 過 嘢 落 肚 咁 ,陰 公! 

      

       電 話 : 2578 2826          平 均 消 費 : $200 - $250 / 位

      地 址 : 大 坑 銅 鑼 灣 道 126 號 地 下

       

 


上一篇: 捌拾胡同風味烤串店 遠一遠都值得去

下一篇: 川燒 串燒味雖香 人情味更濃


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,502,081
所有文章: 2,060
本日訪客人數: 444
累計訪客人數: 10,261,895