文章
相簿

→ 銅 鑼 灣

連粵日粵饌居酒屋 平反有理 那怕得罪麻油蘇

不眠王子 於 2010年11月24日發表   人氣:3427


      

       幫 襯 連 粵 日 粵 饌 居 酒 屋 ,其 實 已 經 係 9 月 初 嘅 事 ,本 來 想 準 備 集 合 埋 其 他 居 酒 屋 ,作 為 某 個 星 期 嘅 其 中 一 篇 主 題 Blog。點 知 . . . .

                   

       睇 完 上 個 星 期 出 版 嘅 某 本 飲 食 雜 誌 ,真 係 忍 唔 住。直 覺 話 俾 我 知 ,店 主 無 擦 人 家 鞋 ,得 罪 咗 人 ,於 是 俾 人 利 用 雜 誌 去 作 一 堆 似 是 而 非 嘅 連 環 攻 擊。但 我 相 信 真 金 不 怕 洪 爐 火 ,上 食 評 網 就 知 此 店 龍 與 鳳。

      出 Blog 只 係 想 出 少 少 力 為 一 間 有 理 想 嘅 小 店 平 反。

      

       通 常 居 酒 屋 都 位 於 超 旺 地 點?唔 該 上 食 評 網 搜 尋 吓 ,有 幾 多 間 居 酒 屋 位 於 超 旺 地 點 呀?有 . . . 魚 一 丁 囉!

      時 代 廣 場 行 去 連 粵 日 頂 盡 5 分 鐘 ,我 覺 得 好 就 腳 喎!

       

       香 港 有 好 多 居 酒 屋 都 係 開 到 12、1 點 啦!有 幾 多 間 開 到 2、3 點 呀?妳 上 面 至 話 個 地 點 半 滴 旺 都 唔 覺 ,開 到 咁 夜 托 咩?有 日 本 人 開 嘅 居 酒 屋 收 11 點 添 呀!打 去 鬧 人 呀 笨!

      

       講 完 一 大 堆 似 是 而 非 、無 關 痛 癢 嘅 嘢 ,都 唔 知 跟「坐 得 絕 不 舒 服」有 乜 關 係 ,你 話 sofa 有 倒 刺 或 生 虱 就 通 囉!

      

       自 作 生 意 經 睇 得 出 阿 蘇 個 人 有 幾 超 級 刻 薄 ,仲 衰 過 張 廿 蚊 ,侍 應 人 工 只 得 $3000?仲 淒 涼 過 做 賓 賓 . . .

      

       不 如 顧 掂 自 己 檔 生 意 先 啦!日 日 都 只 係 得 幾 條 水 魚 幫 襯 ,幾 時 至 幫 到 你 賺 兩 億 呀?

      以 其 人 之 道 還 治 其 人 之 身 : 每 日 大 概 4 個 客 人 ,乘 $100 = $400 ,一 星 期 只 做 10 場 ,大 概 一 個 月 約 有 $16000 ,如 果 唔 係 有 燒 味 呀 、火 鍋 呀 啲 贊 助 商 頂 住 ,場 租 都 蝕 死 啦!

                   

                    巨 峰 乳 酸 梳 打 ($32) 送 熱 氣 嘢 唔 錯 架!

                    

       Asahi 啤 酒 ($20) 王 妃 話 入 鄉 隨 俗 ,有 居 酒 屋 feel 喎!

      

       話 梅 醉 涼 瓜 ($36) 其 實 比 較 啱 一 個 人 去 細 味 ,先 食 幾 條 苦 中 帶 澀 嘅 爽 口 涼 瓜 ,再 啜 一 小 啖 酸 話 梅 ,即 時 有 種 苦 盡 甘 來 嘅 感 覺。作 為 前 菜 ,確 實 唔 錯。

       醉 溏 芯 ($18) 蛋 白 滑 溜 、蛋 黃 夠 香 夠 溏 心 ,而 酒 香 較 輕 ,唔 會 破 壞 鴨 蛋 本 身 嘅 香 味 ,一 口 半 隻 滑 入 口 ,爽 呀!

      

       頭 抽 浸 鴨 舌 ($48) 用 頭 抽 只 係 綽 頭 ,查 實 無 乜 意 思。但 鴨 舌 浸 得 均 勻 兼 入 味 ,爽 口 彈 牙 先 至 無 得 頂!

       

       蝦 多 士 ($46) 炸 得 鬆 脆 、唔 太 油 膩 ,蝦 肉 彈 牙 就 OK!

      

       蝦 多 士 本 身 已 夠 晒 香 口 ,個 人 覺 得 唔 好 配 同 樣 味 濃 嘅 千 島 醬 ,改 用 薄 荷 醬 或 其 他 清 新 嘅 醬 汁 可 能 更 適 合。

      

       麻 香 田 雞 脾 ($56) 帶 有 點 點 創 意 嘅 菜 式 ,佐 酒 一 流。

      

       田 雞 脾 勁 大 隻 、啖 啖 肉 ,外 層 炸 得 鬆 脆 ,香 口 帶 點 辣 ,脾 肉 好 嫩 滑 (押 埋 韻 添!),頂 呱 呱!

      

       She know 九 制 陳 皮 好 多 味 精?You know ,麻 油 唔 係 味 精 咩?批 評 人 嘅 同 時 睇 吓 自 己 煮 嘢 狂 落 幾 多 味 精 先 啦!

      

       梅 子 脆 雞 翼 跟 九 制 陳 皮 香 酥 肉 一 樣 味 的 . . . 你 哋 終 於 知 道 點 解 佢 推 介 親 嘅 食 店 ,多 數 都 中 招 啦!味 覺 失 調 嘛!

       

       梅 子 脆 雞 翼 ($32) 相 對 麻 香 田 雞 脾 ,味 道 上 較 遜 色。

      

       雞 翼 無 錯 係 好 香 脆 ,但 跟 梅 子 有 種 骨 肉 分 離 嘅 感 覺 ,梅 味 只 在 雞 翼 外 盤 旋 . . . 如 果 跟 一 小 碟 梅 子 醬 汁 另 上 ,將 雞 翼 蘸 之 ,相 信 效 果 會 好 得 多。 

      

       清 湯 蘿 蔔 牛 腩 ($78) 已 成 為 店 中 有 口 皆 碑 嘅 招 牌 菜!

      

       清 湯 滾 熱 辣 、夠 清 甜 ,蘿 蔔 爽 甜 無 渣 ,牛 坑 腩 彈 牙 爽 口 肉 味 濃 兼 且 份 量 十 足 ,蘸 少 少 辣 椒 豉 油 ,食 得 更 過 癮!

      跟 阿 蘇 豎 晒 指 公 推 介 嘅 大 利 相 比 . . . 哼!無 得 比 呀!

      

       鵝 肝 蛋 珍 珠 飯 ($98) 係 連 粵 日 嘅 另 一 名 物 ,其 實 好 多 餐 廳 都 做 得 到 ,問 題 係 除 咗 食 材 夠 唔 夠 新 鮮 ,用 料 夠 唔 夠 上 乘 ,仲 有 . . .

      

       服 務 夠 唔 夠 貼 心 ,令 客 人 留 下 好 印 象 亦 相 當 重 要。

      呢 晚 鵝 肝 蛋 珍 珠 飯 上 到 枱 ,石 鍋 滾 熱 辣 ,老 闆 娘 一 直 企 喺 旁 邊 ,笑 笑 口 咁 等 我 快 閃 幾 張 相 ,便 將 鍋 內 嘅 兩 大 片 鵝 肝 及 半 熟 蛋 跟 珍 珠 飯 一 同 撈 勻 ,香 噴 噴 到 不 得 了。

      

       珍 珠 飯 軟 熱 ,帶 點 點 煙 韌 ,每 粒 飯 都 滲 出 濃 濃 嘅 鵝 肝 甘 香 及 蛋 汁 嘅 香 味 . . . Yummy Yummy!Kill My Body! 

                     

       可 樂 ($20) 食 到 飽 一 飽 後 ,搓 住 自 己 個 爽 腩 ,一 邊 望 住 街 景 、一 邊 啜 住 冰 凍 嘅 可 樂 ,人 生 一 大 享 受!

      

       那 天 我 2 個 人 未 叫 晒 全 個 menu ,都 五 百 多 元!我 亦 唔 飲 酒 ,一 樣 學 人 去 居 酒 屋 ,有 乜 問 題?多 X 餘!

      每 人 最 低 消 費 $180 ,其 實 有 何 難?

      

       Overall 佢 的 comment 係 小 朋 友 玩 煮 飯 仔 !但 煮 飯 仔 差 極 都 唔 會 點 樣 食 壞 人。反 而 煮 乜 都 狂 落 大 量 麻 油 嘅 妖 . . . 怪 就 真 係 教 壞 人 兼 食 壞 人 嘞!小 朋 友 千 祈 唔 好 學 呀!  

       

       電 話 : 2808 0309            平 均 消 費 : $180 - $250 / 位

      地 址 : 銅 鑼 灣 禮 頓 道 2A 號 2 樓

      

 


上一篇: 米芝蓮指南 x 不眠王子 Blog 有獎遊戲 提示7

下一篇: 時代廣場 x Michael Lau 瘋狂聖誕


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,574,253
所有文章: 2,060
本日訪客人數: 1,521
累計訪客人數: 10,323,450