文章
相簿

民 間 小 食

Citysuper 法國Fines de Claire生蠔 震撼優惠

不眠王子 於 2010年12月19日發表   人氣:2188


      

       今 年 聖 誕 收 到 特 別 多 聖 誕 禮 物 ,好 友 送 的 、公 關 公 司 送 的 ,未 到 正 日 ,已 經 堆 到 一 房 都 係。從 未 去 過 Citysuper 所 舉 辦 的 任 何 活 動 ,早 幾 日 卻 一  口 氣 收 到 佢 哋 3 份 聖 誕 禮 物 ,確 係 有 啲 受 寵 若 驚 ,先 多 謝 靚 女 公 關 咁 錫 王 子。

      講 明 先 ,雖 然 係 禮 物 ,但 我 都 會 如 實 報 告 ,唔 會 因 為 係 人 家 送 的 就 幫 人 賣 廣 告 ,胡 亂 讚 好。

      

       第 一 份 竟 然 係 生 蠔 一 箱 ,來 自 法 國 Marennes-Oléron 生 蠔 養 殖 場 的 Fines de Claire 紛 迪 加 蠔 ,好 豪 (蠔) 呀!

      呢 隻 靚 蠔 而 家 做 緊 聖 誕 節 優 惠 , 一 箱 24 隻 原 價 $456 (圍 到 $19/隻),Now 特 價 $295 一 箱 (唔 包 開 蠔),計 落 每 隻 蠔 只 係 $12 ,你 買 過 咁 平 的 Fines de Claire 新 鮮 生 蠔 未?

       

       呢 箱 Fines de Claire 係 3 號 蠔 ,Size 較 細 ,啱 晒!個 人 覺 得 生 蠔 唔 係 越 大 隻 等 於 越 好 食 ,最 緊 要 係 夠 新 鮮 ,呢 箱 蠔 由 法 國 入 箱 到 入 落 我 個 口 都 唔 夠 2 個 星 期 ,夠 新 鮮 啦! 

      

       話 就 話 一 箱 24 隻 ,但 我 呢 箱 數 極 都 係 有 28 隻 ,筍 呀!

      

       開 蠔 豈 能 無 蠔 刀?Citysuper 呢 隻 開 蠔 刀 賣 相 及 手 感 都 唔 錯 ,刀 柄 夠 肥 又 唔 跣 手,$56 一 把 咋!

      

       唔 識 開 蠔?箱 內 有 圖 文 並 茂 的 指 引 教 開 蠔 ,夠 貼 心。 

      

       即 開 生 蠔 一 打,睇 見 就 口 水 流 . . .

       

       生 蠔 都 算 幾 肥 美 ,而 且 一 望 就 知 鮮 嫩 到 不 得 了。

      

       食 Fines de Claire ,最 佳 的 時 份 係 11 月 翌 年 3 月。

      

       生 蠔 鮮 嫩 ,肉 質 爽 口 、滑 溜 ,海 水 味 濃 ,金 屬 味 比 較 輕 ,一 食 就 好 難 停 到 口 . . . 但 對 於 生 蠔 ,我 近 年 都 係 點 到 即 止 ,好 味 的 ,唔 需 要 一 下 子 "倒" 幾 十 隻 落 肚 的!

                       

                        食 法 國 靚 生 蠔 ,當 然 要 配 以 法 國 白 酒 相 伴 ,都 係 嗰 句 ,輕 輕 淺 嚐 ,點 到 即 止 ,Good 就 停 至 最 好 feel!

 


上一篇: 菓匠茶屋 節日限定 七彩小甜餅 vs 抹茶金磚蛋糕

下一篇: 麥當勞 日本店 聖誕限定 Food Strap 麥麥掛


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,704,242
所有文章: 2,060
本日訪客人數: 646
累計訪客人數: 9,560,467