文章
相簿

澳 門 飲 食

甘露咖啡室 見證 青洲唏噓

不眠王子 於 2010年12月28日發表   人氣:1429


      

       澳 門 80 年 代 ,賽 狗 盛 極 一 時 ,賽 狗 場 附 近 的 青 洲 大 馬 路 一 帶 有 唔 少 食 肆 ,但 賽 狗 風 氣 已 今 非 昔 比 ,昔 日 青 洲 具 名 氣 的 食 肆 近 年 相 繼 結 業 ,就 連 至 愛 的 青 洲 劉 記 ,今 日 再 去 ,同 一 地 點 已 成 爛 地 一 片 (據 聞 已 搬 走 咗) ,青 洲 . . . 仲 有 無 食 肆 值 得 為 佢 專 登 嚟 呢 區?

      我 個 答 案 : 少 到 近 乎 無 ,應 該 可 以 從 記 憶 中 刪 除! 

      

       甘 露 咖 啡 室 相 信 已 有 幾 十 年 歷 史 吧?唔 好 奇 怪 點 解 搜 尋 呢 間 餐 廳 時 ,全 世 界 都 寫 住 332 號 ,王 子 登 個 地 址 係 338 號 ,總 之 我 去 過 ,我 肯 定 無 寫 錯 就 是 了。

       

       咖 啡 室 格 局 及 色 調 都 跟 香 港 最 舊 式 的 冰 室 差 唔 多 ,所 以 我 用 相 機 內 的 其 他 mode 去 表 達 呢 份 懷 舊 情 懷。

      

       餐 牌 一 目 了 然 ,款 式 十 年 如 一 日 ,所 以 保 留 咗 唔 少 喺 市 面 已 絕 種 的 特 式 美 食 . . . . 

      

       豬 扒 豉 油 意 粉 ($22) 唔 係 平 日 食 開 的 焗 、燴 或 湯 的 整 法 ,而 係 炒。簡 單 講 即 係 鬼 佬 版 的 豉 油 王 炒 麵。

      王 子 話 豬 扒 係 澳 門 好 有 代 表 性 的 美 食 之 一 ,相 信 無 人 會 反 對 吧?去 澳 門 食 過 唔 少 豬 扒 ,無 論 橫 街 窄 巷 的 小 檔 或 五 星 酒 店 的 餐 廳 ,水 準 平 均 都 比 香 港 的 高。

      豬 扒 係 即 煎 的 ,唔 係 翻 叮 的 ,色 澤 均 勻 香 噴 噴 ,油 膩 感 唔 太 重 ,咬 落 相 當 鬆 化 ,醃 得 有 心 機 ,食 到 有 肉 味。 

       

       意 粉 夠 熱 夠 彈 牙 ,用 豉 油 去 炒 ,色 澤 均 勻 有 鑊 氣 ,比 香 港 街 上 食 到 的 一 般 豉 油 王 炒 麵 更 有 豉 油 香 ,惹 味 到 極。

      

       而 且 意 粉 食 落 唔 會 油 淰 淰 ,油 膩 感 都 幾 輕 ,抵 讚!

                     

       杏 仁 奶 露 ($7.5) 我 一 定 只 會 飲 熱 的 ,喺 香 港 飲 到 的 大 部 份 都 是 滾 水 即 沖 平 價 杏 仁 粉 的 感 覺 ,杏 味 過 輕 、奶 味 太 重 ,已 好 少 飲 了。甘 露 的 杏 仁 奶 露 未 入 口 已 feel 到 杏 香 ,亦 飲 得 出 杏 味 ,天 寒 地 凍 飲 完 全 身 暖 笠 笠 ,好 舒 服!

      

       電 話 : (853) 2831 0599         平 均 消 費 : $20 - $30 / 位

      地 址 : 澳 門 青 洲 大 馬 路 338 號 地 下

       

 


上一篇: 青洲灶記咖啡 不是我杯茶

下一篇: 郭富城 反轉廣東道 Super Street Party


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,571,051
所有文章: 2,060
本日訪客人數: 315
累計訪客人數: 10,320,269