文章
相簿

澳 門 甜 品

發嫂養生磨房 即磨 快感

不眠王子 於 2010年12月30日發表   人氣:1596


      

       澳 門 快 閃 12 小 時 其 中 一 個 驚 喜 ,係 發 掘 到 呢 間 新 開 無 耐 已 經 爆 場 到 不 得 了 的 發 嫂 養 生 磨 房。食 評 網 無 資 料 ,但 上 Google map 其 實 唔 難 搵 到 位 置 所 在 (三 盞 燈 附 近)。

       

       全 店 只 供 應 花 生 糊 、芝 麻 糊 、合 桃 糊 、杏 仁 糊 、腰 果 糊 等 10 款 、8 款 中 式 糖 水。門 口 所 擺 放 的 幾 枱 石 磨 機 唔 係 裝 飾 品 ,真 係 有 專 人 將 芝 麻 、合 桃 、杏 仁 、腰 果 等 各 種 配 料 分 別 放 入 石 磨 機 內 新 鮮 即 磨。

      店 內 外 各 只 得 3 張 櫈 仔 ,又 有 唔 少 街 坊 買 外 賣 ,所 以 排 隊 難 免 ,我 影 張 似 樣 少 少 的 門 口 相 都 等 咗 十 幾 分 鐘。

       

       見 到 一 盆 盆 新 鮮 配 料 ,我 唔 take action 就 奇 啦! 

       

       現 場 見 阿 姐 無 停 手 ,就 一 盆 盆 磨 好 的 糊 重 新 放 進 石 磨 機 再 磨 幾 轉 ,令 入 口 更 加 幼 滑。

      

       一 邊 食 住 芝 麻 糊 ,一 邊 睇 住 芝 麻 現 場 即 磨 ,一 邊 呼 吸 現 場 香 噴 噴 的 芝 麻 香 ,等 幾 耐 都 係 值 得 的。 

      

       合 桃?腰 果?定 係 花 生 呢?好 香 喎 . . . .

                    

       睇 住 佢 磨 成 糊 狀 的 過 程 ,真 係 食 都 食 得 興 奮 過 人。

      

       磨 完 當 然 仲 要 煲 熱 ,煲 好 至 賣 得 嘛!冷 熱 同 價 $9 碗。

      

       芝 麻 糊 ($9) 質 感 極 之 濃 稠 ,芝 麻 味 香 到 坐 我 隔 籬 位 、食 緊 杏 仁 糊 嗰 師 奶 都 望 住 我 . . . 碗 嘢 眼 甘 甘。而 且 甜 度 適 中 ,店 內 亦 寫 明 唔 夠 甜 可 以 自 己 加 糖 . . . 其 實 真 係 生 磨 的 又 何 需 加 太 多 糖 呢?至 於 味 道 比 我 食 開 的 北 角 王 記 或 香 港 五 星 級 酒 店 中 菜 廳 的 芝 麻 糊 更 香 更 幼 滑 . . . .

      講 到 好 似 有 啲 誇 張 咁?自 己 去 試 吓 堅 定 流 吧! 

       

       地 址 : 澳 門 義 字 街 41 號         平 均 消 費 : $9 / 位

      

 


上一篇: 文員網球會利安餐廳 美饌 景靚 服務佳

下一篇: 青洲灶記咖啡 不是我杯茶


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,328,959
所有文章: 2,060
本日訪客人數: 1,320
累計訪客人數: 10,110,137