文章
相簿

澳 門 飲 食

文員網球會利安餐廳 美饌 景靚 服務佳

不眠王子 於 2010年12月31日發表   人氣:1227


      

       又 到 王 子 周 末 推 介 啦!Boxing Day 跟 王 妃 到 咗 澳 門 ,晚 飯 揀 咗 文 員 網 球 會 利 安 餐 廳 慶 祝 聖 誕 節 ,點 解?

      因 為 餐 廳 一 帶 靜 靜 哋 好 舒 服 ,而 且 夜 景 仲 靚 到 . . .

      

       餐 廳 左 邊 遠 眺 新 葡 京 酒 店 的 幻 彩 燈 飾 ,跟 附 近 五 光 十 色 的 燈 光 倒 影 於 西 灣 湖 畔 ,一 動 一 靜 、相 映 成 趣。

      

       右 邊 望 到 旅 遊 塔 及 大 橋 ,食 完 飯 喺 度 散 步 無 得 彈。

      

       利 安 餐 廳 雖 然 位 於 文 員 網 球 會 內 ,但 其 實 對 外 開 放。

      

       上 到 1 樓 的 餐 廳 接 待 處 ,巨 型 聖 誕 水 晶 球 相 當 吸 引。

      

       餐 廳 地 方 相 當 寬 敞 ,環 境 雅 緻 ,落 地 玻 璃 窗 對 正 網 球 場 ,感 覺 唔 錯 ,但 談 情 的 最 佳 位 置 其 實 於 另 一 邊。

      

       餐 廳 另 一 邊 望 向 旅 遊 塔 的 枱 只 得 兩 張 ,訂 位 請 早。

                    

       礦 泉 水 ($22) 都 影?因 為 要 計 錢 嘛!咁 大 支 OK 啦!

      

       麵 包 嚟 到 仲 係 熱 烘 烘 的 ,豬 仔 包 及 提 子 包 都 咁 好 味。

      

       原 隻 蝦 多 士 ($45) 有 3 大 件 ,好 抵 食!炸 得 金 黃 香 脆 熱 辣 辣。餐 牌 上 有 兩 款 蝦 多 士 ,另 一 款 係 平 少 少 的 釀 蝦 膠 版 本 ,口 感 當 然 差 好 遠 啦!記 住 落 單 時 要 order 原 隻 呀!

       

       多 士 固 然 鬆 脆 ,原 隻 蝦 的 size 亦 比 想 像 中 大 隻 ,咬 落 香 口 鬆 化 ,啖 啖 蝦 肉 都 幾 彈 牙 ,仲 唔 太 油 膩 添!

      

       招 牌 蒜 辣 大 蝦 ($160) 一 客 有 2 隻 超 過 7 吋 長 的 新 鮮 對 蝦 ,寫 明 招 牌 菜 自 然 有 番 咁 上 下 水 準。餐 廳 仲 有 供 應 over $100 一 隻 的 超 大 對 蝦 及 無 印 到 價 錢 的 魔 鬼 之 巨 蝦 ,身 為 蝦 癡 ,忍 唔 住 問 問 侍 應 有 乜 分 別 ,原 來 係 size 唔 同 ,因 為 點 咗 其 他 份 量 唔 輕 的 葡 國 菜 式 ,所 以 唔 敢 問 魔 鬼 之 巨 蝦 的 價 錢 了 (怕 太 大 隻 蝦 個 胃 唔 夠 空 間 擺 放)。 

      

       蝦 肉 可 以 輕 易 咁 整 條 拉 出 來 用 刀 叉 去 享 受 ,味 道 係 想 當 然 的 鮮 味 彈 牙 ,香 濃 醬 汁 酸 甜 中 帶 微 辣 及 蒜 香 ,蘸 少 少 已 經 非 常 惹 味。

      

       咸 豬 手 ($90) 有 烚 及 燒 兩 種 整 法 ,我 揀 後 者 ,香 口 嘛!

       

       豬 手 比 想 像 中 細 隻 ,仲 好 ,肉 質 更 嫩 嘛!而 且 兩 個 人 去 share 已 綽 綽 有 餘 ,可 以 有 食 力 試 吓 其 他 菜 式。

       

       豬 手 皮 燒 得 極 香 脆 ,咸 咸 哋 好 惹 味 ,燒 到 咁 ,肉 質 當 然 談 不 上 嫩 滑 ,但 香 味 撲 鼻 到 好 似 食 緊 美 珍 香 的 豬 肉 乾 . . . 不 過 係 厚 身 版 ,佐 酒 一 流。 

       

       非 洲 辣 雞 ($110 / 半 隻) 但 size 都 幾 大 隻 ,醬 汁 香 濃 到 我 差 啲 想 叫 一 碗 白 飯 去 送 ,味 道 辣 辣 哋 有 椰 香 ,又 有 蒜 香 ,未 食 已 感 到 將 雞 肉 蘸 . . . 應 該 係 撈 落 醬 汁 度 有 幾 惹 味。 

       

       雞 肉 係 睇 得 到 的 滑 溜 ,食 落 亦 果 然 鮮 味 嫩 滑 ,超 正!

                     

       檸 什 ($28) 係 新 鮮 即 榨 的?因 所 坐 位 置 近 酒 吧 ,所 以 落 單 後 聽 到 榨 汁 機 即 時 起 動 ,跟 住 加 上 梳 打 水 即 成。怕 會 太 酸?糖 水 已 另 上 作 stand by ,但 我 無 落 ,夠 刺 激。

       

       火 焰 雪 山 ($45) 焗 到 大 大 個 ,賣 相 都 幾 靚 ,但 望 落 似 蛋 糕 多 啲!不 過 個 人 唔 推 薦 喺 度 食 呢 道 甜 品。

      

       火 焰 雪 山 其 中 一 個 主 要 賣 點 ,係 客 人 可 欣 賞 到 即 時 點 火 的 一 刻 ,但 餐 廳 燈 光 唔 夠 暗 ,大 家 睇 到 個 火 其 實 唔 細 ,但 真 係 感 覺 唔 到 火 焰 飛 揚 的 那 份 震 撼 力 ,無 奈!

       

       木 糠 布 甸 ($18) 以 中 高 級 餐 廳 嚟 講 算 抵 食 ,味 道 及 質 感 亦 相 當 對 辦 ,拍 得 住 澳 門 的 木 糠 布 甸 人 氣 店 ,值 得 一 試。

      埋 單 $600 有 找 ,真 係 超 抵 食。其 實 點 少 一 道 菜 都 仲 得 ,係 我 倆 衰 為 食 ,結 果 飽 到 決 定 散 步 到 新 葡 京 酒 店 (路 程 要 半 小 時 多 一 點),再 坐 免 費 專 巴 去 碼 頭 搭 船 歸 家。

      

       電 話 : (853) 2830 1189         平 均 消 費 : $200 - $250 / 位

      地 址 : 澳 門 西 灣 民 國 大 馬 路 14 號 1 樓

                            

 


上一篇: 馮記三盞燈豬腳姜 薑味欠奉 醋味過濃

下一篇: 發嫂養生磨房 即磨 快感


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,329,005
所有文章: 2,060
本日訪客人數: 1,366
累計訪客人數: 10,110,183