文章
相簿

→ 旺 角

和味菜館 炭爐打邊爐 食到要走鬼

不眠王子 於 2011年01月06日發表   人氣:1691


      

       和 味 菜 館 雖 然 喺 旺 角 與 油 麻 地 之 間 ,但 位 置 都 有 少 少 偏 僻 ,而 店 內 只 放 到 幾 張 枱 ,點 打 炭 爐 邊 爐 呀?過 斜 對 面 條 後 巷 吧!

      

       炭 爐 打 邊 爐 於 後 巷 進 行 ,唔 玩 炭 爐?可 以 由 旁 邊 上 2 樓 食 小 菜。後 巷 環 境 唔 算 差 ,起 碼 無 污 水 惡 臭 味 ,地 下 亦 幾 乾 淨。幾 個 阿 叔 招 呼 算 唔 錯 ,OK 有 禮 貌 ,不 過 落 單 唔 好 太 遲 及 最 好 一 次 過 ,唔 好 要 阿 叔 走 幾 轉 ,明 我 意 思 吧?

      

       炭 爐 陣 隨 時 候 命 ,因 為 成 條 長 後 巷 越 夜 越 熱 鬧。

                  

       打 邊 爐 的 配 料 實 在 少 得 可 憐 ,大 路 的 豆 腐 、豆 卜 、芋 絲 、乜 菜 物 菜 都 無。而 大 部 份 配 料 的 價 錢 都 算 合 理。

      

       朋 友 問 gas 爐 或 電 爐 跟 炭 爐 打 邊 爐 有 乜 分 別 ,其 實 分 別 係 個 火 候 同 風 味 ,炭 爐 以 文 火 慢 慢 滾 ,湯 底 都 好 飲 啲!加 埋 炭 火 的 煙 燻 ,無 論 食 牛 肉 或 雲 吞 都 會 輕 易 食 得 出 跟 其 他 方 式 打 邊 爐 的 分 別。而 且 炭 爐 的 熱 力 令 四 周 都 暖 烘 烘 ,Gas 爐 或 電 爐 都 做 唔 到 如 此 效 果。 

       

       沙 爹 湯 底 ($45) 以 前 好 鍾 意 點 ,但 而 家 . . . 沙 爹 醬 溝 滾 水 再 加 雜 菜 ,既 無 花 生 香 ,椰 香 亦 欠 奉 ,唔 推 介。

       

       雲 吞水 餃 ($45) 稍 為 貴 咗 少 少 ,但 味 道 相 當 唔 錯。

       

       手 切 肥 牛 ($75) 望 落 質 素 一 般 ,但 食 落 又 幾 鮮 味 喎!

       

       手 切 肥 牛 round 2 靚 咁 多?入 口 梗 係 更 加 鮮 味 爽 滑 啦!

      

       墨 魚 丸牛 丸 ($40) 前 者 唔 夠 爽 口 ,後 者 就 . . . 咦?喂!明 明 夠 分 每 人 一 粒 ,我 嗰 粒 呢?邊 個 咁 衰 食 咗 呀?

      

       牛 丸 ($40) 一 碟 12 粒 ,OK 抵 食 啦!食 落 爽 口 彈 牙 有 肉 味 ,唔 怪 得 第 一 round 咁 快 掃 清 啦!

      

       鯇 魚 片 ($35) 份 量 十 足 ,抵 食!入 口 亦 相 當 鮮 味。

       

       鯇 骨 腩 ($35) 夠 新 鮮 ,但 只 得 幾 件 ,自 然 lady first 啦!

      

       魚 卜 ($40 ) 望 落 都 OK 新 鮮 ,因 為 含 有 豐 富 骨 膠 原 ,食 多 啲 可 以 慳 番 唔 駛 買 SKII . . . 見 全 枱 只 得 我 一 個 男 生 ,當 然 益 吓 班 女 仔 朋 友 啦!

       

       金 菇 菜 拼 黑 柏 葉 ($40) 前 者 無 試 ,後 者 超 爽 脆 ,正!

       

       本 來 點 咗 一 碟 蝦 丸 拼 吊 桶 仔 及 一 斤 重 的 鮮 墨 魚 刺 身 試 試 ,但 等 候 期 間 店 員 突 然 好 緊 張 咁 埋 嚟 ,話 出 面 嚟 咗 大 班 衛 生 署 的 人 ,所 有 已 落 單 的 項 目 都 唔 可 以 再 出 ,而 且 仲 有 可 能 要 搬 走 巷 內 所 有 枱 櫈 . . .

      吓?咁 即 係 走 鬼?見 幾 個 阿 叔 講 咗 好 多 次 對 唔 住 ,我 哋 又 點 會 怪 責 佢 哋 呢?好 彩 叫 做 差 唔 多 食 到 尾 聲 ,大 家 亦 接 近 9 成 飽。即 時 加 速 食 埋 餘 下 的 食 物 便 速 速 埋 單。出 到 街 口 ,見 到 有 十 幾 個 衛 生 署 人 員 ,仲 加 埋 警 察 及 便 衣 咁 誇?成 隊 人 企 晒 喺 店 外 咁 大 陣 仗 ,唔 怪 得 走 鬼 走 得 咁 急 啦!

      埋 單 五 百 幾 ,6 個 人 位 位 $90 ,未 玩 過 炭 爐 不 妨 一 試!   

      

       電 話 : 2388 4018         平 均 消 費 : $90 - $120 / 位

      地 址 : 旺 角 新 填 地 街 284 號 地 下

       

 


上一篇: 鴻福海鮮四季火鍋 炭爐 打孖邊爐

下一篇: 瀰月屋 本地第一回 和風菓子屋


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,325,945
所有文章: 2,060
本日訪客人數: 159
累計訪客人數: 10,107,130