文章
相簿

澳 門 飲 食

六記粥麵 唔值得入 米芝蓮

不眠王子 於 2011年01月10日發表   人氣:873


      

       最 新 一 期 的 米 芝 蓮 指 南 ,六 記 粥 麵 竟 然 新 上 榜 兼 得 到 Bib Gourmand ,Sorry!我 接 受 唔 到 囉!評 論 中 提 及「此 店 既 清 潔 又 受 歡 迎 . . .」清 潔?完 全 唔 同 意。至 於 受 歡 迎 . . . 喺 幾 受 香 港 食 客 歡 迎 ,但 我 覺 得 佢 比 幾 年 前 跌 咗 watt 好 多。

      

       無 咗 細 龜 頂 住 晒 , 附 近 又 無 乜 食 店 開 到 咁 夜 ,六 記 當 然 一 店 獨 大 ,但 如 果 你 一 向 食 開 ,你 應 該 feel 到 六 記 車 仔 餸 的 配 料 唔 少 都 縮 咗 水 (尤 其 是 魚 蛋) ,而 水 蟹 粥 的 水 準 亦 比 幾 年 前 差 咗 少 少。

      

       就 連 鎮 店 的 竹 昇 麵 ,麵 條 亦 欠 缺 了 昔 日 彈 牙 口 感。

      

       水 蟹 越 嚟 越 難 尋 ,水 蟹 粥 都 係 要 食 的。

       

       水 蟹 粥 ($120) 大 大 的 一 窩 ,夠 4 個 人 每 人 分 2 碗。粥 底 水 汪 汪、唔 夠 綿。但 啖 啖 散 發 出 鮮 甜 蟹 肉 味 ,搶 番 唔 少 分。

      

        米 通 鯪 魚 球 ($38) 一 碟 10 大 粒 ,外 脆 內 彈 牙 ,如 果 米 通 可 以 海 炸 燶 一 點 、香 口 一 點 ,相 信 會 更 好 食!

      

       沙 爹 車 仔 拼 盤 ($36) 最 令 我 失 望 ,魚 蛋 太 粉 唔 彈 牙 ,豬 皮 過 腍 唔 爽 口 ,$36 亦 偏 貴 ,下 次 都 係 只 叫 鳳 爪 算 了。

      

       蝦 籽 撈 麵 ($24) 無 錯 係 有 超 多 的 香 濃 蝦 籽 ,不 過 . . .

      

       麵 條 有 點 韌 ,即 使 有 蝦 籽 助 一 臂 之 力 亦 打 咗 個 7 折。

      

       上 年 食 過 兩 次 ,整 體 水 準 一 次 比 一 次 差 ,食 埋 今 次 已 肯 定 再 見 也 許 不 再 會 了。更 好 的 粥 麵 店 澳 門 仍 有 大 把。

      

       電 話 : (853) 2855 9627         平 均 消 費 : $60 - $90 / 位

      地 址 : 澳 門 沙 梨 頭 仁 慕 巷 1 號 D 地 舖

      

 


上一篇: 和幸吧 全港首家 日式燒肉 炭爐燒

下一篇: 鴻福海鮮四季火鍋 炭爐 打孖邊爐


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,328,987
所有文章: 2,060
本日訪客人數: 1,348
累計訪客人數: 10,110,165