文章
相簿

節 祝 先 登

瀰月屋 不眠王子Blog 五週年 真Sweet 8 味宴

不眠王子 於 2011年01月25日發表   人氣:865


      

       上 星 期 六 ,平 日 5 點 開 門 的 瀰 月 屋 提 早 於 兩 點 半 做 生 意 ,因 為 不 眠 王 子 Blog 五 週 年 ,特 別 企 劃 第 一 彈 係 同 39 位 粉 絲 (我 都 都 幾 唔 知 醜 . . .) 到 呢 度 歎【真 Sweet 8 味 宴】。 

                          

       老 闆 為 咗 王 子 個 party ,是 日 竟 然 推 遲 到 6 點 至 正 式 開 門 做 街 客 生 意 ,更 專 程 為 王 子 設 計 咗 幾 款 店 內 沒 有 得 賣 的 特 別 限 定 和 菓 子 ,仲 攪 到 要 通 頂 至 做 起 . . . 感 激 之 餘 亦 過 10 萬 個 唔 好 意 思 ,所 以 party 末 段 強 行 拉 咗 老 闆 出 場 中 間 ,要 求 大 家 俾 啲 掌 聲 以 示 答 謝。佢 笑 笑 口 再 次 重 申 ,以 後 唔 會 再 攪 包 場。王 子 知 道 佢 應 承 咗 某 本 飲 食 雜 誌 下 個 月 包 場 做 相 機 宣 傳 ,即 係 我 哋 係 唯 一 一 班 街 外 客 包 到 場 咋!

     

      感 激 嘉 嘉 及 Kaka ,前 者 用 咗 好 多 晚 幫 我 同 老 闆 傾 細 節 、對 電 郵 、call 出 席 者。而 後 者 則 化 身 歡 樂 小 姐 ,幫 手 招 呼 朋 友 仔 入 場 、主 持 抽 獎 ,而 2 位 仲 幫 王 子 攞 住 4 大 袋 獎 品 ,由 屋 企 去 到 現 場 ,辛 苦 晒!

      

       泡 啤 啤 ($22) 先 上 場 ,等 大 家 可 以 啤 啤 佢。因 為 貨 源 短 缺 ,老 闆 為 咗 今 次 party 專 登 留 起 所 有 存 貨 ,攪 到 瀰 月 屋 有 成 個 星 期 無 泡 啤 啤 賣 ,真 係 唔 好 意 思 呀!

                 

      呢 支 扮 啤 酒 的 蘋 果 梳 打 ,多 泡 到 極 ,仲 好 好 玩 添 . . .

       

       See!個 個 當 晒 呢 支 係 啤 酒 ,仲 飲 到 high 晒 添!

       

       雲 米 花 ($20) 係 party 5 色 限 定 ,除 咗 原 味 ,老 闆 專 程 喺 日 本 order 咗 綠 茶 、海 苔 、咖 喱 及 黑 糖 4 隻 味 的 爆 谷 俾 我 哋 ,平 日 店 內 只 會 供 應 一 隻 味 道 咋!大 家 唔 高 興 就 奇 啦!

      

       草 莓 葛 軟 滋 ($38) 又 係 老 闆 專 登 為 咗 party 而 特 製 ,士 多 啤 梨 味 道 清 甜 自 然 ,個 人 覺 得 唔 蘸 抹 茶 粉 ,就 咁 食 仲 正 ,比 平 時 食 開 的 原 味 或 黑 糖 更 好 味 ,好 幸 福 啊!

      

       燒 丸 子 ($28) 微 微 焦 香 、入 口 煙 韌 ,仲 有 紅 豆 及 芝 麻 蓉 蘸 住 食 ,食 完 一 串 已 經 有 啲 飽 飽 哋!

       

       車 厘 子 爽 涼 菓 ($34) 係 因 為 大 福 缺 貨 而 臨 時 更 改 的 , 車 厘 子 味 亦 係 老 闆 專 登 為 咗 party 而 特 製 ,Menu 無 架!

                    

       老 闆 用 新 鮮 車 厘 子 汁 先 做 果 凍 杯 ,再 放 入 原 粒 車 厘 子 ,一 定 要 整 個 放 入 口 至 達 到 水 乳 交 融 的 效 果。

      

       蘋 果 批 ($38) 每 位 朋 友 有 半 個。可 能 人 太 多 ,外 皮 焗 得 無 上 次 咁 鬆 脆 ,但 味 道 依 然 相 當 唔 錯 的。

      

       瓊 脂 ($38) 配 上 抹 茶 及 柚 子 蜜 汁 任 蘸 ,係 全 店 最 好 玩 的 甜 點 ,每 人 都 可 以 一 展 身 手。原 來 除 咗 我 那 枱 ,亦 有 其 他 枱 的 朋 友 一 邊 推 瓊 脂 ,一 邊 當 係 玩 接 生 遊 戲 ,大 叫 出 嚟 啦 、出 嚟 啦!用 力 、用 力!恭 喜 呀!生 咗 啦 . . . 真 係 顛 晒!

      

       不 眠 月 兔 係 只 此 一 日 的 特 別 限 定 非 賣 品 ,老 闆 就 係 為 咗 呢 道 和 菓 子 ,花 咗 成 晚 通 宵 去 製 作 ,辛 苦 晒!

      

       賣 相 靚 到 個 個 都 唔 捨 得 得 食 ,左 影 右 影。佢 唔 係 羊 羹 ,入 口 質 感 更 滑 、更 軟 身 ,有 啲 似 台 灣 的 愛 玉 ,相 當 應 節 的 大 小 花 花 兔 兔 係 清 甜 的 士 多 啤 梨。

       

       多 謝 Grace 送 王 子 咁 正 的 旋 轉 木 馬 相 架 ,我 鍾 意!

      

       多 謝 Toby Bear 送 王 子 咁 正 的「掂」字 揮 春 ,我 鍾 意!

      

       多 得 朋 友 仔 Joyce 有 部 超 級 單 反 ,唔 係 真 係 影 唔 晒 咁 多 人。各 位 ,飲 杯!齊 齊 舉 樽 ,好 震 撼 嘅 畫 面 呀!

       

       多 謝 大 家 咁 捧 王 子 場 ,六 週 年 見!

      

       電 話 : 2806 3389                平 均 消 費 : $150 / 位

      地 址 : 天 后 清 風 街 15 號 地 下

                         

 


上一篇: 迪士尼樂園 飛躍奇妙5周年 耳目一新全體驗

下一篇: 麗景酒店 賀 不眠王子 Blog 五週年 全新遊戲


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,412,303
所有文章: 2,060
本日訪客人數: 579
累計訪客人數: 10,188,050