文章
相簿

自 助 餐 篇

天際萬豪酒店 Skycity Bistro 自助餐 頭盤篇

不眠王子 於 2011年02月23日發表   人氣:1213


      

       天 際 萬 豪 酒 店 位 於 赤 鱲 角 亞 洲 國 際 博 覽 館 附 近 ,地 點 都 幾 偏 僻 ,所 以 酒 店 喺 迪 士 尼 樂 園 、機 場 及 港 鐵 東 涌 站 都 有 安 排 免 費 穿 梭 巴 士 往 來 酒 店 ,班 次 都 幾 頻 密 ,無 早 前 講 嗰 間 南 灣 海 景 酒 店 幾 個 鐘 頭 至 有 一 班 車 咁 無 誠 意。所 以 周 末 同 王 妃 行 完 東 涌 outlet 後 去 酒 店 的 Skycity Bistro "嘆" 吓 自 助 晚 餐

      點 解 用 "嘆" 字 去 形 容?Buffet 時 段 長 達 4 個 半 小 時 ,慢 慢 食 吓 嘢 、談 談 情 ,舒 服 舒 服。但 要 記 住 一 分 錢 一 分 貨 ,自 助 晚 餐 平 日 每 位 只 係 收 $368 ,部 份 credit card 有 75 折 ,以 $300 左 右 的 buffet 嚟 講 ,食 材 款 式 唔 多 及 水 準 一 般 係 可 以 理 解 ,整 體 嚟 講 勉 強 可 以 收 貨 ,但 好 日 都 未 必 會 嚟!

       

       餐 廳 地 方 大 到 極 ,聽 講 可 以 容 納 幾 百 人 ,而 且 空 間 感 十 足 ,枱 與 枱 之 間 距 離 唔 會 令 食 客 感 到 有 擠 迫 的 感 覺。唔 少 枱 仲 係 向 海 添!勁 好 feel!一 班 朋 友 去 食 buffet 仲 可 以 book 咁 大 張 枱 坐 添!爽 呀!

      

       當 日 同 王 妃 坐 喺 呢 個 包 箱 ,私 隱 度 十 足 到 啜 咀 都 得。

      

       食 自 助 餐 可 以 grand 到 咁 ,算 少 見 吧?

      

       餐 廳 廚 房 採 用 開 放 式 設 計 ,可 以 睇 到 廚 師 團 隊 即 場 烹 調 各 種 菜 式 ,每 款 熱 葷 都 係 熱 辣 辣 上 枱 ,感 覺 相 當 唔 錯!

      

       生 蠔 得 一 款 ,兼 且 唔 係 即 開 生 蠔 ,試 過 都 新 鮮 味 的。

      

       阿 拉 斯 加 蟹 腳 的 質 數 比 上 星 期 講 的 LIS 餐 廳 好 啲!

       

       凍 蝦 唔 太 新 鮮 ,肉 質 唔 爽 唔 彈 牙。

      

       翡 翠 螺 都 幾 爽 口 ,無 LIS 餐 廳 buffet 的 翡 翠 螺 咁 韌。

      

       蜆 肉 亦 算 肥 美 ,而 且 唔 多 空 殼。

      

       青 口 質 數 就 中 規 中 矩 過 得 去 ,肉 質 都 算 幾 滑。 

      

       刺 身 陣 容 就 弱 咗 少 少 ,只 得 三 文 魚 、鯛 魚 同 墨 魚。

      

        三 文 魚 刺 身 屬 女 人 街 日 本 料 理 質 數 ,明 我 講 乜 嗎?

      

       三 文 魚 刺 身 麻 麻 哋!但 手 卷 就 捲 得 唔 錯。

      

       壽 司 或 卷 物 亦 寥 寥 可 數 ,一 眼 睇 晒!唔 食 無 損 失。

      

       冷 豆 腐 OK 滑 溜 ,亦 有 豆 香。

      

       頭 盤 區 款 式 有 唔 少 ,有 火 腿 、花 雕 醉 雞 翼 、煙 鴨 胸 、煙 三 文 魚 及 各 式 配 料。

      

       花 雕 醉 雞 翼 無 肉 味 ,亦 無 酒 香 . . . 即 係 完 全 無 味。

      

       煙 鴨 胸 質 感 似 豬 脷 ,咬 落 有 啲 韌。

       

       煙 三 文 魚 唔 敢 試 ,唔 明?你 睇 吓 張 相 . . .

      

       沙 律 DIY 區 非 常 豐 富 ,配 料 、醬 汁 都 有 唔 少 款。

       

       芝 士 有 Cream Cheese 、Brie 、Cheddar 、Camembert 及 Emmentaler 5 款 ,仲 有 詳 加 說 明 ,值 得 一 讚。 

      

       茶 啡 任 飲。

      

  電 話 : 3969 1888               供 應 時 間 : 6p.m - 10:30p.m

 地 址 : 赤 鱲 角 香 港 國 際 機 場 航 天 城 東 路 1 號

            香 港 天 際 萬 豪 酒 店 大 堂

 


上一篇: 新濠鋒酒店 Aurora Sunday Brunch 甜品篇

下一篇: 天際萬豪酒店 Skycity Bistro 自助餐 熱葷篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,068,633
所有文章: 2,060
本日訪客人數: 1,176
累計訪客人數: 9,884,886