文章
相簿

澳 門 酒 店 ● 食

新濠鋒酒店 Aurora Sunday Brunch 頭盤篇

不眠王子 於 2011年02月27日發表   人氣:1035


       喺 香 港 一 般 五 星 級 酒 店 食 個 Sunday Brunch 都 要 $500 以 上 ,仲 要 係 食 材 上 無 乜 賞 心 悅 目 可 言 ,咁 貴 純 係 以 生 蠔 任 食 、平 價 香 檳 任 飲 作 賣 點。部 份 酒 店 的 Sunday Brunch 更 去 到 $600 以 上 (未 計 加 一)  ,食 材 上 無 錯 係 挑 選 最 好 的 ,但 賣 相 呢?星 期 日 舒 舒 服 服 喺 酒 店 坐 4 個 鐘 ,如 果 甜 品 款 式 唔 夠 精 緻 ,其 他 菜 式 又 無 乜 特 色 ,我 為 乜 要 嚟?


       新 濠 峰 酒 店 擁 有 米 芝 蓮 星 星 的 Aurora 餐 廳 ,逢 星 期 日 都 有 供 應 Sunday Brunch ,香 港 的 食 評 網 站 幾 乎 無 人 提 過 ,唔 好 以 為 因 為 無 食 評 ,個 場 實 好 靜 ,事 實 啱 啱 相 反 ,情 人 節 前 一 日 去 試 過 ,可 以 容 納 超 過 200 人 的 餐 廳 絕 對 係 座 無 虛 席 ,而 且 食 客 中 以 香 港 、日 本 及 外 國 人 為 主 ,個 個 斯 斯 文 文 ,無 人 嘈 喧 巴 閉 、亦 無 人 打 尖 搶 位 攞 美 食。

    大 家 睇 完 熱 葷 及 甜 品 篇 ,或 會 難 以 相 信 咁 正 的 Sunday Brunch 都 只 係 澳 門 幣 388 蚊 吧?簽 card 聽 講 話 仲 jetso 少 少 (兌 換 差 價),而 且 級 數 夠 膽 講 拍 得 住 本 地 600 蚊 級 的 brunch 有 餘 ,專 程 搭 船 去 食 都 值 得。 


   餐 廳 內 仲 有 小 丑 及 魔 術 師 駐 場 ,令 每 枱 食 客 更 盡 興。而 頭 盤 、熱 葷 到 甜 品 ,唔 同 崗 位 都 有 多 位 廚 師 現 場 即 席 為 食 客 服 務 ,真 係 由 頭 到 尾 都 咁 精 彩。


       新 濠 鋒 酒 店 上 到 10 樓 ,先 經 過 氣 派 一 流 的 電 梯 大 堂 ,再 穿 過 長 廊 ,才 到 Aurora。


       餐 枱 面 積 都 算 幾 大 ,就 算 坐 2 人 枱 都 唔 會 有 擠 迫 感 ,最 正 係 可 以 食 足 4 個 鐘 嘛!上 面 張 相 係 for 8 人 的。

       向 落 地 玻 璃 窗 的 位 置 更 開 揚 ,可 以 坐 擁 無 敵 海 景。


       呢 日 落 大 雨 ,個 view 失 色 少 少 ,平 日 坐 露 台 好 正 架!


       Aurora 有 特 大 VIP 房 ,喺 過 千 支 各 地 紅 酒 包 圍 下 ,唔 知 道 食 brunch 時 會 唔 會 有 啲 醉 呢?


   Aurora 攞 得 米 芝 蓮 星 ,Service 當 然 一 流。  


    Sunday Brunch 每 位 送 Moet & Chandon 香 檳 一 杯 ,加 150 蚊 仲 可 以 任 飲 ,點 計 都 抵。


   波 士 頓 龍 蝦 無 限 供 應 ,而 且 比 本 地 酒 店 buffet 供 應 的 級 數 更 高 ,Size 更 大 隻。


   睇 睇 龍 蝦 肉 咁 豐 滿 ,都 知 隻 龍 蝦 大 過 手 掌 啦!      


       波 士 頓 龍 蝦 箝 肉 質 無 龍 蝦 身 咁 嫩 滑 ,但 勝 在 彈 牙。      


       波 士 頓 龍 蝦 箝 數 量 唔 多 ,所 以 食 到 中 途 至 有 供 應。


       魚 生 款 式 都 有 唔 少 ,而 且 有 師 傅 現 場 新 鮮 即 切。


       餐 廳 供 應 2 款 即 開 生 蠔 ,Size 相 當 大 隻 ,呢 日 有 蘇 格 蘭 生 蠔 及 法 國 西 北 部 的 Brittany 生 蠔 ,Brittany 未 聽 過?有 蠔 王 之 稱 的 Belon 生 蠔 就 係 嚟 自 Brittany 呢 個 地 區。2 位 廚 師 開 蠔 雖 然 相 當 熟 手 ,但 速 度 唔 夠 一 班 食 客 快。      


       望 吓 隻 叉 ,都 估 到 生 蠔 size 有 幾 大 隻 吧? 


       凍 海 蝦 亦 係 好 大 隻 ,而 且 肉 質 唔 會 雪 到 硬 晒 ,蝦 味 依 然 保 存 到 ,隻 隻 仲 有 唔 少 蝦 膏 添!


       翡 翠 螺 大 隻 鮮 味 又 夠 爽 口 ,所 以 俾 人 掃 到 . . . 咁 樣。


       Serrano 風 乾 火 腿 亦 有 廚 師 現 場 即 片 ,唔 似 得 本 地 酒 店 咁 一 早 放 定 大 堆 喺 度 咁 無 feel。     


       凍 肉 款 式 亦 有 唔 少。


       廚 師 製 作 的 沙 律 有 好 幾 款 ,鍾 意 自 己 DIY 亦 得。


       薄 和 牛 沙 律 牛 味 鮮 濃 ,入 口 即 溶 ,一 定 要 試。


    有 靚 芝 士 ,因 為 場 內 有 大 量 自 家 烘 焙 麵 包 供 應 嘛!


       


       超 巨 型 的 心 形 包 包 ,Size 有 你 相 頭 咁 大。


      


       DC 仔 都 影 到 咁 靚 ,呢 日 食 到 有 幾 開 心 可 想 而 知。


       菠 蘿 包 都 有?而 且 仲 上 鬆 脆 、下 鬆 軟 ,好 好 食 添!


       


                   


       食 到 最 後 ,點 一 杯 熱 烘 烘 的 cappuccino 作 終 結 ,質 數 唔 會 比 高 級 coffee shop 遜 色 ,連 餐 茶 都 咁 有 heart ,當 然 可 以 為 豐 富 的 一 餐 劃 上 完 美 的 句 號。     


  電 話 : (853) 8803 6622       供 應 時 間 : 星 期 日 11:30a.m - 3:30p.m
 平 均 消 費 : MOP 388 / 位 (加 $150 任 飲 Moet 香 檳)
 地 址 : 澳 門 氹 仔 廣 東 大 馬 路 新 濠 鋒 酒 店 10 樓
                             

 


上一篇: 快樂漁港酒家 無敵海景 海鮮餐

下一篇: 新濠鋒酒店 Aurora Sunday Brunch 熱葷篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,127,922
所有文章: 2,060
本日訪客人數: 125
累計訪客人數: 9,935,910