文章
相簿

→ 銅 鑼 灣

竹壽司 米芝蓮 百年老店 姊妹店

不眠王子 於 2011年03月15日發表   人氣:749


      

       上 面 張 相 係 自 己 現 場 用 DC 影 ,唔 係 copy 雜 誌 架!記 得 幫 襯 呢 間 新 開 的 竹 壽 司 時 ,新 到 未 有 雜 誌 寫 ,食 評 網 都 未 有 人 講 ,為 乜 王 子 咁 大 膽 去 食?店 子 的 名 氣 囉!擁 有 120 年 歷 史 、位 於 日 本 東 京 的 米 芝 蓮 一 星 料 理 壽 司 幸 嚟 香 港 開 全 球 第 一 間 分 店 喎!已 經 夠 晒 吸 引 力 啦!

      

       竹 壽 司 位 於 銅 鑼 灣 一 座 新 食 廈 的 12 樓 ,一 出 電 梯 ,先 見 到 一 個 頗 雅 緻 的 小 露 台 ,唔 係 向 大 街 的 景 觀 算 唔 錯。

      

       先 穿 過 這 條 極 具 氣 勢 的 竹 林 走 廊 才 到 用 餐 區 ,竹 林 兩 旁 仲 放 咗 唔 少 貴 價 清 酒 襯 托 ,值 得 停 低 欣 賞 吓!

      

       壽 司 吧 只 有 十 多 個 位 ,想 坐 最 好 先 訂 位 預 留 吧!

      

       VIP 房 地 方 唔 細 ,仲 擁 有 專 屬 吧 枱 ,攪 飯 局 別 具 氣 派

      

       店 子 由 壽 司 幸 的 四 代 傳 人 杉 山 衛 監 督 ,由 食 材 到 煮 食 器 皿 都 一 絲 不 苟。蘆 葦 做 的 飯 煲 可 以 保 持 飯 溫。

      

       壽 司 店 的 格 局 比 較 新 派 ,似 乎 想 吸 引 年 輕 的 食 客 群 ,無 須 於 金 雕 玉 砌 的 環 境 下 開 餐 ,食 都 食 得 開 懷 啲!

      

       窗 口 位 景 觀 無 乜 特 別 ,午 飯 時 間 享 受 吓 陽 光 都 唔 錯

                    

       招 呼 客 人 的 礦 泉 水 用 高 級 的 VOSS ,當 然 要 俾 錢 啦!

       

       餐 枱 上 有 得 意 小 盆 栽 ,你 睇 吓 張 枱 面 積 唔 細 架!

      

       壽 司 店 走 高 級 路 線 ,但 個 人 覺 得 食 具 平 庸 咗 少 少。

      午 市 定 食 有 幾 種 選 擇 ,價 錢 由 兩 百 到 四 百 蚊 不 等。

      

       刺 身 定 食 ($220) 包 括 前 菜 、沙 律 、漬 物 、麵 豉 湯 、五 色 魚 生 、茶 碗 蒸 及 甜 品 ,兩 百 幾 蚊 豐 富 到 咁 都 算 抵 食 吧?

      

       漬 物 無 乜 特 別 ,純 係 酸 酸 哋 作 提 昇 食 慾 之 用。

      

       前 菜 採 用 時 令 食 材 ,所 以 經 常 唔 同 款 ,是 日 前 菜 由 左 口、油 甘 及 池 魚 3 款 白 身 魚 組 合 而 成 ,相 當 鮮 味。

      

       麵 豉 湯 超 級 足 料 ,用 咗 渡 蟹 腳 、白 身 魚 骨 、蝦 頭 、蜆 、冬 菇 、日 本 柚 子 及 3 款 麵 豉 熬 製 而 成 ,湯 頭 清 甜 潤 喉。

      

       麵 豉 湯 飲 到 底 仲 有 咁 多 滑 溜 小 菇 ,可 見 製 作 之 認 真

      

       茶 碗 蒸 熱 烘 烘 ,蛋 香 嫩 滑 有 蛋 味 ,蝦 肉 鮮 味 彈 牙。

      

       沙 律 陣 容 亦 豐 富 ,每 種 沙 律 菜 都 咁 fresh。

      

       刺 身 包 括 帶 子 、拖 羅 、左 口 、平 目 及 希 有 的 愛 女 魚。

      

       平 目 魚 刺 身 價 錢 唔 平 ,定 食 中 有 兩 件 都 算 富 貴 了。

      

       拖 羅 絕 對 係 入 口 即 溶 ,魚 鮮 味 相 當 濃。

       

       燒 劍 魚 腩 ($180) 係 散 點 的 ,嚟 到 至 feel 到 價 錢 有 幾 貴。

      

       劍 魚 腩 size 只 比 中 指 長 少 少 ,細 細 條 要 $180 ,超 貴!但 燒 得 極 有 水 準 ,魚 腩 肉 油 脂 豐 富、香 濃 惹 味,值 得 一 試。

      

       壽 司 定 食 ($320) 極 之 豐 富 及 採 用 咗 唔 少 貴 價 食 材 ,壽 司 依 照 江 戶 前 的 傳 統 手 法 握 成 ,手 勢 相 當 有 水 準。

      

       壽 司 組 合 中 包 括 矜 貴 的 北 海 道 馬 糞 海 膽 、野 生 吞 拿 魚 腩 、車 海 老 、燒 海 幔 、帆 立 貝 、油 甘 魚 、左 口 魚 等 ,再 加 埋 吞 拿 魚 卷 及 海 綿 蛋 ,食 完 唔 飽 至 奇。

       

       野 生 吞 拿 魚 腩 壽 司 鮮 味 到 極 ,入 口 即 溶。

      

      

       車 海 老 壽 司 蝦 肉 大 大 件 鮮 味 彈 牙。

      

       帆 立 貝 壽 司 爽 口 嫩 滑。

       

       燒 海 鰻 壽 司 汁 香 味 濃 ,平 時 散 點 要 $100 件 架!

      

       海 綿 蛋 香 口 綿 滑,甜 度 適 中。

      

       北 海 道 馬 糞 海 膽 軍 艦 入 口 甘 香 無 比。

      

       吞 拿 魚 卷 有 6 小 卷 ,紫 菜 勁 香 脆 ,魚 肉 份 量 不 少。

       

       紅 豆 綠 茶 雪 糕 係 最 後 那 道 甜 品 ,紅 豆 勁 大 粒 ,好 味

       呢 餐 埋 單 差 唔 多 $1000 ,但 物 有 所 值!

      

       電 話 : 2577 0611         平 均 消 費 : $300 - $400 / 位

      地 址 : 銅 鑼 灣 開 平 道 1 號 Cubus 12 樓

      

 


上一篇: 千両 中環店 細細間 容易食

下一篇: 牛角 尖沙咀店 絕讚 環境舒適服務佳


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,574,177
所有文章: 2,060
本日訪客人數: 1,445
累計訪客人數: 10,323,374