文章
相簿

→ 中 環

千両 中環店 細細間 容易食

不眠王子 於 2011年03月16日發表   人氣:813


      

       曾 經 有 一 段 時 期 ,迴 轉 壽 司 店 開 到 成 行 成 市 ,但 花 無 百 日 紅 ,於 汰 弱 留 強 之 下 ,唔 少 都 逃 不 出 結 業 收 場。依 然 keep 得 住 水 準 的 迴 轉 壽 司 店 越 嚟 越 少 ,我 已 經 絕 少 同 朋 友 去 食 迴 轉 壽 司 ,王 妃 偶 然 口 痕 ,我 哋 多 數 會 幫 襯 兩 間 店 ,一 間 係 峰 壽 司 ,另 一 間 就 係 千 両 了。

      千 両 有 6 間 分 店 ,師 傅 唔 同 水 準 當 然 有 少 許 差 別 ,王 子 全 部 幫 襯 過 ,較 推 介 銅 鑼 灣 恒 隆 店 及 尖 沙 咀 圓 方 店 ,而 尖 沙 咀 新 太 陽 廣 場 店 最 麻 麻!咁 呢 間 中 環 IFC 店 呢?

      整 體 水 準 係 6 間 之 中 的 坐 季 望 亞 ,只 係 店 子 面 積 較 細 ,座 位 唔 多 ,排 隊 時 間 都 幾 長 ,好 彩 唔 係 位 處 旺 區 ,平 日 唔 算 多 人 ,而 service 亦 相 當 唔 錯 ,侍 應 招 呼 勤 快。

      

       迴 轉 帶 上 的 壽 司 ,睇 得 出 店 方 一 向 強 調 的「新 鮮 度 監 察 系 統」做 得 非 常 好 ,連 個 膠 殼 都 乾 淨 過 人。

      

       沙 甸 魚 刺 身 ($110) 見 近 期 千 両 大 賣 廣 告 谷 到 盡 ,現 場 又 見 唔 少 人 order ,價 錢 亦 唔 貴 ,於 是 我 都 湊 吓 熱 鬧。

      

       上 到 枱 的 沙 甸 魚 刺 身 盡 見 師 傅 刀 功 ,魚 身 唔 算 細 條 ,雖 然 無 廣 告 講 到 有 約 一 尺 長 ,但 望 落 都 有 9 吋 ,師 傅 一 小 片 一 小 片 切 咗 數 十 片 ,每 片 的 厚 度 也 相 約 ,抵 讚!

      見 到 附 近 有 一 港 女 用 非 常 無 禮 貌 的 語 氣 向 侍 應 連 番 質 問 ,為 乜 碟 沙 甸 魚 刺 身 無 跟 醬 油 ,難 得 女 侍 應 仍 然 保 持 笑 容 解 釋 呢 款 刺 身 無 需 蘸 醬 油 ,但 如 果 真 係 要 ,可 以 幫 佢 去 攞 的 ,但 港 女 依 然 唔 滿 意 ,口 中 唸 唸 有 詞 . . .

      其 實 沙 甸 魚 本 身 已 有 足 夠 油 香 ,就 咁 食 已 相 當 鮮 味。而 店 方 隨 刺 身 亦 附 上 薑 蓉 、香 蔥 及 檸 檬 ,你 想 點 去 提 味 都 得 ,加 咗 醬 油 反 而 會 掩 蓋 魚 身 的 油 香。所 以 港 女 大 聲 攞 彩 時 ,附 近 唔 少 食 客 (包 括 我 同 王 妃) 都 忍 唔 住 偷 笑。而 我 即 時 將 自 己 把 聲 的 音 量 刻 意 扭 大 一 格 ,跟 王 妃 話 條 魚 就 咁 食 都 好 鮮 味 呀!因 為 那 女 的 男 友 正 正 坐 我 旁 邊。

       

       沙 甸 魚 油 香 豐 盈 ,肉 鮮 味 濃 ,質 感 嫩 滑 ,爽 呀! 

       

       香 草 海 鮮 刺 身 沙 律 ($68) 係 新 出 品 ,將 帶 子 、甜 蝦 及 三 文 魚 刺 身 配 以 香 草、蕃 茄、辣 椒 絲 及 沙 律 菜 ,味 道 清 怡。

      

       甜 蝦 白 裡 透 紅 ,肉 嫩 味 鮮 甜。

      

       帶 子 大 大 粒 相 當 新 鮮 ,入 口 滑 嘟 嘟!

      

       三 文 魚 最 正 係 沾 到 滴 在 沙 律 菜 上 的 橄 欖 油 ,更 好 味! 

                      

       牡 丹 蝦 刺 身 ($85) 用 高 杯 上 以 突 顯 尊 貴 ,一 杯 有 3 隻 牡 丹 蝦 ,頭 頭 尾 尾 都 咁 完 整 ,感 覺 相 當 新 鮮。

      

       牡 丹 蝦 頭 有 勁 多 膏 ,但 唔 好 掂 佢 ,之 後 有 用 架!

      

       牡 丹 蝦 肉 鮮 嫩 肥 美 ,味 道 very 鮮 甜。

      

       食 完 蝦 肉 ,記 得 叫 侍 應 幫 你 將 杯 蝦 頭 攞 去 炸 ,殼 內 蝦 膏 勁 惹 味 ,蝦 鬚 極 之 香 口 鬆 脆 ,正 到 想 叫 清 酒 來 送。

      

       日 本 帶 子 刺 身 ($35) 隻 隻 都 斤 両 十 足 超 肥 美 ,抵 食!

      

       日 本 帶 子 充 滿 光 澤 ,鮮 甜 到 不 得 了。

       

 

       筋 子 壽 司 ($35) 必 食!比 元 氣 的 筋 子 好 味 幾 倍。

      

       筋 子 粒 粒 又 大 又 晶 瑩 剔 透 ,醃 得 入 味 又 唔 會 散 收 收

      

       最 正 係 壽 司 飯 夠 煙 韌 ,筋 子 貼 到 實 一 實 ,口 感 一 流。

      

       北 海 道 海 膽 壽 司 ($48) 得 一 件 貴 嗎?但 份 量 唔 少 喎!

      

       話 晒 係 北 海 道 海 膽 嘛!一 般 料 理 供 應 的 國 產 貨 色 當 然 唔 可 以 相 提 並 論 ,無 論 色 澤 及 味 道 之 香 濃 ,北 海 道 海 膽 均 肯 定 更 勝 幾 籌。

      

       蛋 黃 蝦 壽 司 ($18) 以 為 有 乜 特 別 ,但 嚟 到 見 到 堆 蛋 碎 ,有 少 少 O 咀 . . . 不 過 隻 蝦 都 幾 大 隻 、幾 彈 牙 的。

      

       赤 海 蝦 壽 司 ($14) 得 1 件 ,呢 度 已 經 要 28 蚊,但 必 食!

      

       赤 海 蝦 玉 潔 冰 清 啖 啖 肉 ,質 感 無 牡 丹 蝦 咁 彈 牙 ,但 非 常 爽 口 兼 且 蝦 味 更 濃 ,正 到 次 次 都 要 encore 多 幾 件。

      

       松 葉 蟹 壽 司 ($35) 蟹 肉 乾 身 無 肉 汁 ,拆 肉 太 耐 所 致 吧

      

       炙 燒 三 文 魚 壽 司 ($18) 燒 得 細 緻 均 勻 ,王 妃 至 愛。

       

       劍 魚 腩 壽 司 ($25) 係 唯 一 取 自 迴 轉 帶 上 的 壽 司 ,望 落 相 當 肥 美 兼 充 滿 光 澤 ,食 落 亦 頗 鮮 味。 

       

       甜 蝦 蟹 膏 軍 艦 ($14) 味 道 超 讚!一 定 要 俾 個 like 佢。

      

       甜 蝦 大 隻 好 肉 ,入 口 爽 夾 彈 ,蟹 膏 甘 香 味 濃 ,絕 配!

       

       江 戶 前 甜 蛋 ($12) 賣 相 有 點 怪 ,味 道 亦 有 少 少 失 望。

      

       甜 蛋 得 個 甜 字 ,蛋 香 欠 奉 ,睇 個 名 仲 以 為 係 好 料 添!

       埋 單 五 百 幾 ,水 準 都 算 唔 錯 ,女 友 食 得 開 心 便 是 了。

      

       電 話 : 2295 4848               平 均 消 費 : $200 - $250 / 位

      地 址 : 中 環 國 際 金 融 中 心 商 場 2 期 3 樓 3099-3100 號 舖

      

 


上一篇: 道 午後の Omakase

下一篇: 竹壽司 米芝蓮 百年老店 姊妹店


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,401,564
所有文章: 2,060
本日訪客人數: 1,452
累計訪客人數: 10,177,351