文章
相簿

博 客 Event

Starbucks 40週年 Blogger Party

不眠王子 於 2011年03月21日發表   人氣:639


     

      王 子 絕 對 係 Starbucks 的 超 級 粉 絲 ,有 多 隻 隨 行 杯 的 粉 絲 都 未 算 超 級 ,我 自 己 的 Starbucks 珍 藏 中 ,有 頸 巾 、模 型 車 、Tote bag 等 以 至 Starbucks 出 的 CD 都 有 十 幾 隻 ,以 前 喺 blog 都 講 過 了。所 以 當 我 知 道 有 份 出 席 Starbucks 的 40 週 年 Blogger Party 時 梗 係 超 開 心 啦!多 謝 好 友 Meling 撥 咗 幾 個 名 額 俾 王 子 ,於 是 搵 埋 好 友 伍 慧 珊 ,及 靚 女 blogmate 閃 閃點 點 一 齊 出 席。

      是 晚 出 席 40 週 年 blogger event 的 朋 友 多 達 30 人 ,自 己 認 識 的 blogger 都 有 10 個 8 個 ,不 過 有 部 份 唔 似 係 Blogger 囉!靚 女 公 關 介 紹 新 產 品 時 依 然 大 聲 傾 計 ,嘈 喧 巴 閉 ,攪 到 我 同 幾 位 朋 友 仔 想 用 心 聽 吓 講 乜 都 聽 唔 到 . . . 唉!辛 苦 晒 啦 Starbucks 鍾 嘉 欣!

                     

        去 到 Starbucks 新 開 無 耐 的 銅 鑼 灣 道 國 泰 大 廈 分 店 ,就 見 到 個 有 人 咁 高 ,已 轉 咗 新 logo 的 Starbucks 杯 ,杯 上 亦 印 上 Starbucks 最 新 口 號 -【It's Bigger Than Coffee】

                     

       好 多 朋 友 都 走 埋 去 跟 巨 型 Starbucks 杯 影 相 ,個 個 都 係 水 平 線 咁 影 埋 去 . . .

                      

       想 隻 杯 望 落 大 隻 啲?我 會 選 擇 低 摷 ,係 咪 形 好 多 呢?

      

       星 巴 克 40 週 年 喎!當 然 有 一 系 列 的 新 品 推 出 市 面 啦!

      

       Blogger 年 代 ,相 機 先 決 ,成 班 好 似 食 環 處 化 驗 員 咁。 

      

       Starbucks 40 週 年 朱 古 力 蛋 糕 ($32) 賣 相 攞 滿 分 ,價 錢 平 過 老 佛 爺 的 同 類 出 品 ,但 就 甜 而 不 膩 ,好 食 得 多。製 作 有 酒 店 級 水 準 ,一 件 蛋 糕 可 以 食 出 多 重 層 次 感 ,毫 不 遜 色 於 Tony Wong 的 成 名 作。

      

       Cake Pop ($15) 唔 係 糯 米 糍 、唔 係 珍 寶 珠 ,而 係 包 咗 朱 古 力 的 牛 油 忌 廉 蛋 糕 ,軟 綿 綿 ,甜 度 適 中 ,好 好 味 呀!

      

       Coffee Cake Pop 咖 啡 味 係 青 蘋 果 綠 色 那 一 枝。

      Birthday Cake Pop 士 多 啤 梨 味 就 當 然 係 粉 紅 色 啦! 

      

       花 生 草 莓 果 醬 蛋 糕 ($28) 成 件 事 都 好 甜 ,唔 太 啱 我。 

      

       士 多 啤 梨 撻 ($28) 係 新 item 咩?好 似 出 過 喎!定 係 我 喺 buffet 食 過 呢?Anyway, 賣 相 真 係 好 吸 引 ,又 唔 貴。

      

       一 路 食 士 多 啤 梨 撻 一 路 試 飲 2 款 特 別 為 40 週 年 而 推 出 的 咖 啡 Cocoa Cappuccino 及 Tribute Blend Coffee。

      

       手 製 碎 朱 古 力 曲 奇 ($16) 有 香 濃 牛 油 味 ,質 感 鬆 軟。

      

       手 製 特 濃 朱 古 力 曲 奇 ($16) 朱 味 果 然 特 濃 ,食 半 件 已 經 有 飽 肚 的 感 覺。

      

       醬 燒 肉 丸 洋 蔥 卷 ($38) 有 啲 似 土 耳 其 烤 包 ,包 身 軟 熟 肉 丸 夠 惹 味。

      

       中 東 豆 蓉 素 菜 卷 ($38) 餡 料 勁 多 ,味 道 清 新 亦 飽 肚。

      

       每 位 出 席 朋 友 都 獲 贈 Create your own tumbler 隨 行 杯 、熱 咖 啡 杯 、貼 紙 及 贈 飲 券 ,當 然 全 部 都 換 上 新 logo 啦!

       

 


上一篇: 李錦記 Blogger 大激鬥 最後召集

下一篇: Life Inspired 頻道 米芝蓮 揭秘


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,956,203
所有文章: 2,060
本日訪客人數: 2,141
累計訪客人數: 9,781,484