文章
相簿

↗ 九 龍

九龍維景酒店 Palm Court 自助晚餐 熱葷篇

不眠王子 於 2011年03月24日發表   人氣:627


      

       九 龍 維 景 酒 店 Palm Court 自 助 晚 餐 的 熱 葷 比 甜 品 精 彩 得 多 了 ,以 300 蚊 樓 下 的 buffet 嚟 講 可 以 話 相 當 有 驚 喜。今 個 月 到 5 月 的 主 題 係【參 入 民 參 健 康 美 食 自 助 晚 餐】,當 中 不 少 菜 式 自 然 以 矜 貴 的 食 材 入 饌 了。

      點 解 用 一 窩 唔 知 乜 東 東 湯 的 相 片 置 頂?Hey!全 窩 都 係 海 參 嚟 架!興 奮 唔 興 奮 呀?

      

       花 旗 參 肚 絲 雞 燉 翅 要 小 心 啲 攞 ,每 盅 都 滾 熱 辣 架! 

      

       花 旗 參 肚 絲 雞 燉 翅 都 幾 真 材 實 料 ,而 且 唔 係 用 碎 濕 濕 的 散 翅 ,每 盅 都 會 舀 到 一 小 梳 ,算 交 足 功 課。雖 然 我 戒 了 食 翅 ,但 也 呷 了 大 啖 湯 頭 ,熱 辣 辣 滲 出 陣 陣 花 旗 參 的 甘 香 ,味 道 清 甜 滋 潤 ,飲 完 全 身 暖 笠 笠 ,舒 服! 

      

       鮑 汁 京 蔥 肚 絲 燴 海 參 非 捧 場 不 可 ,自 助 餐 少 見 嘛!

      

       咁 大 堆 海 參 用 鮑 汁 燴 到 軟 腍 入 味 ,唔 好 食 至 出 奇。

      

       現 場 有 廚 師 為 大 家 分 配 上 碟 ,唔 駛 擔 心 俾 人 掃 清。

      

       西 冷 喺 300 蚊 樓 下 的 自 助 餐 都 有 供 應 ,唔 多 見 吧?

      

       質 素 唔 算 高 ,但 肉 味 都 幾 濃 ,食 得 過。

      

       烤 豬 柳 比 較 少 人 "幫 襯" ,其 實 肉 嫩 鬆 化 ,幾 好 味 架!

      

       300 蚊 樓 下 的 buffet 竟 然 都 有 鐵 板 燒?點 到 你 唔 服?

      鐵 板 燒 牛 肋 骨 肉 嫩 多 汁 牛 味 濃 ,要 趁 佢 燒 起 即 食。

      

       鐵 板 燒 羊 架 望 落 相 當 鮮 嫩 ,睇 見 就 興 奮。

      

       燒 起 趁 熱 即 食 ,梗 係 正 過 一 般 buffet 整 定 再 座 熱 啦!

      

       羊 架 熱 氣 騰 騰 好 迷 人 ,咬 落 去 只 能 講 一 個 字 : Juicy!

      

       鐵 板 燒 大 蝦 係 我 同 王 妃 的 "飛 佛" ,香 噴 噴 ,引 死 人!

      

       大 蝦 燒 起 ,半 打 先 決 ,蝦 肉 夠 彈 牙 ,仲 好 多 蝦 膏 添!

                    

       有 佳 餚 希 能 無 美 酒?經 理 埋 身 推 銷 酒 店 自 家 品 牌 的 紅 、白 酒 ,每 杯 都 係 $45 . . . 又 好!見 食 得 咁 興 奮 即 管 試 試。

      

       維 景 酒 店 的 紅 酒 柔 順 易 入 口 ,果 香 味 較 重 ,啱 女 仔 飲 多 啲!我 自 己 就 比 較 鍾 意 他 們 的 白 酒 ,清 香 中 帶 少 少 柚 子 味 ,配 凍 蝦 、蟹 腳 一 流 呀!

      

       熱 葷 區 劃 分 成 14 格 ,有 飯 有 意 粉 ,有 生 炒 骨 、炒 時 疏 等 小 菜 之 餘 ,仲 有 唔 少 花 過 心 思 的 特 別 菜 式。 

      

       味 噌 鱈 魚 柳 我 超 愛 食 ,味 道 夠 特 別 得 嚟 魚 肉 更 嫩 滑 到 不 得 了。受 歡 迎 到 無 辦 法 影 到 張 完 整 一 盤 的 相。

      

       黑 椒 炒 蟹 雖 然 蟹 肉 唔 多,但 勝 在 夠 鑊 氣 、勁 惹 味。

      

       芝 士 焗 青 口 蠔 香 氣 撲 鼻 ,但 自 己 少 食 ,無 試 到。

       

       芝 士 白 汁 焗 扇 貝 香 噴 噴 ,賣 相 吸 引 ,肉 質 亦 肥 美。

      

       香 橙 燒 鴨 用 肥 美 鴨 肉 配 以 橙 肉 ,肉 嫩 帶 橙 香。

      

       香 蔥 燒 雞 相 對 以 上 菜 式 就 一 般 咗 啲!唔 食 無 損 失。 

      

       白 汁 芝 士 焗 薯 香 氣 攻 鼻 ,離 遠 都 索 到 芝 士 香 呀!

       

       磨 菇 蒸 豆 腐 睇 個 名 都 知 香 夾 滑 啦!

       

       熱 葷 係 咪 比 甜 品 吸 引 好 多 呢?頭 盤 一 樣 有 驚 喜 架!

       

       電 話 : 2760 3666               供 應 時 間 : 6:30p.m - 10p.m

      平 均 消 費 : $298 / 位 ( 星 期 一 至 四 )

                          $328 / 位 ( 星 期 五、六、日 及 公 眾 假 期 )   

      溫 馨 提 示 : 惠 顧 即 享 9 折 優 惠‧指 定 信 用 咭 85 折

                          提 早 2 天 網 上 訂 枱 額 外 有 5% 優 惠 

      

       

 


上一篇: 九龍維景酒店 Palm Court 自助晚餐 頭盤篇

下一篇: 九龍維景酒店 Palm Court 自助晚餐 甜品篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,393,582
所有文章: 2,060
本日訪客人數: 1,935
累計訪客人數: 10,169,445