文章
相簿

→ 觀 塘

觀塘職業訓練中心 60蚊嘆 西班牙套餐

不眠王子 於 2011年03月31日發表   人氣:1067


      

       60 蚊 食 到 西 班 牙 菜?仲 要 係 成 個 套 餐?邊 度 咁 筍 呀?

      吓?觀 塘 職 業 訓 練 中 心?喺 課 室 內 食 西 班 牙 菜?

      

       香 港 基 督 教 服 務 處 觀 塘 職 業 訓 練 中 心 的 酒 店 服 務 系 ,每 年 3 至 6 月 都 會 推 出 國 際 美 食 節 ,係 酒 店 服 務 系 學 生 的 年 度 重 點 習 作 ,學 生 喺 導 師 指 導 下 ,提 供 具 主 題 國 家 特 色 的 午 餐 服 務 ,各 種 食 物 及 飲 品 都 係 由 學 生 烹 調 及 準 備 ,侍 應 服 務 亦 由 學 生 提 供 ,而 且 仲 對 外 開 放 添!

     「國 際 美 食 節 2011」分 別 以 西 班 牙 、德 國 、意 大 利 、法 國 及 葡 萄 牙 5 個 國 家 作 主 題 ,提 供 的 午 餐 ,屬 4 道 菜 的 套 餐 ,包 括 具 主 題 國 家 特 色 的 前 菜 、餐 湯 、主 菜 及 甜 品。當 然 有 跟 埋 咖 啡 或 茶 啦!四 道 菜 式 午 市 套 餐 每 位 只 係 收 60 蚊 咋!仲 不 設 加 一 服 務 費 添!

      詳 情 Click →  HERE 

      王 子 趁 佢 哋 月 中 舉 行 西 班 牙 美 食 節 ,跟 好 友 Meling 嚟 試 吓 一 班 未 來 餐 飲 界 前 綫 人 員 的 實 力。   

      

     「餐 廳」位 於 1 樓 ,格 局 簡 潔 舒 服 ,地 方 雖 然 寬 敞 ,但 枱 數 唔 多 ,只 可 容 納 少 於 30 位 食 客。如 果 你 想 嚟 食 lunch ,最 好 預 先 訂 位。雖 然 侍 應 生 人 多 勢 眾 ,但 部 份 招 呼 客 人 時 仍 然 有 少 少 騰 雞 ,但 大 致 上 亦 算 殷 勤 ,而 且 導 師 仲 會 即 場 喺 客 人 面 前 糾 正 學 員 的 錯 誤 ,所 以 整 體 上 我 係 滿 意 的。   

      

       四 道 菜 午 餐 只 係 60 蚊 ,包 括 前 菜 、餐 湯 (2 選 1)、主 菜 (2 選 1) 及 甜 品 (2 選 1)、咖 啡 或 茶。抵 食 得 嚟 質 素 仲 唔 錯 添! 

      

       唔 好 以 為 學 生 習 作 得 個 樣 ,餐 具 擺 放 得 井 井 有 條 架!

      

       餐 包 都 算 暖 烘 烘 ,不 過 一 攞 上 手 就 一 手 都 係 白 粉 . . .

      

       香 薯 伴 辣 肉 腸 沙 律 當 然 帶 有 西 班 牙 風 味 啦!沙 律 菜 的 款 式 比 想 像 中 豐 富 及 新 鮮 ,賣 相 亦 唔 錯。

      

       西 班 牙 凍 湯 帶 有 濃 濃 茄 香 ,味 道 調 得 幾 好 架!

      

       忌 廉 磨 菇 湯 香 滑 之 餘 又 有 咬 口 ,好 足 料 噃!

      

       香 草 芥 末 燒 春 雞 肉 質 唔 嚡 ,OK 嫩 滑 ,最 正 係 個 汁。

      

       伴 菜 亦 唔 少 ,但 兩 件 薯 餅 就 . . . 燶 咗 少 少 咁 啦!

      

       西 班 牙 海 鮮 飯 係 . . . 係 有 啲 啲 失 望 ,海 鮮 無 乜 問 題 ,但 個 飯 就 疑 似 未 熟 透 ,超 級 乾 硬 化。食 咗 兩 啖 ,最 後 都 係 選 擇 放 棄。向 一 位 制 服 較 高 級 的 靚 女 學 員 查 詢 ,我 哋 本 來 估 佢 會 按 一 般 程 序 入 廚 房 問 問 廚 師 ,點 知 佢 企 定 定 保 持 笑 容 咁 答 :「啲 飯 係 咁 架!」 

      如 果 我 係 阿 sir ,我 一 定 扣 佢 分 ,雖 然 佢 真 係 幾 靚 女。

                   

       Sangria ($12) 都 有 得 飲?12 蚊 咁 抵?當 日 仲 買 1 送 1 添?

      質 素 當 然 唔 可 以 跟 出 面 餐 廳 的 Sangria 比 ,但 味 道 都 唔 錯 架!最 重 要 係 平 到 喊 嘛!

      

       焗 蘋 果 蛋 糕 令 我 同 Meling 眼 前 一 亮 ,好 有 驚 喜 呀!

      

       蘋 果 蛋 糕 熱 烘 烘 ,焗 到 外 微 脆 、內 鬆 軟 香 甜 ,超 掂!

      

       檸 檬 芝 士 餅 伴 雜 莓 汁 賣 相 又 真 係 幾 麻 麻 的!

      

       芝 士 餅 質 感 一 般 ,餅 底 亦 有 少 少 鬆 散 ,但 味 道 OK 喎!檸 檬 味 輕 怡 ,蘸 咗 雜 莓 汁 後 拉 高 番 唔 少 分。 

      

       最 後 以 一 杯 熱 檸 檬 茶 作 終 結 ,60 蚊 . . . 物 超 所 值 啦!

      

       電 話 : 3184 3624               平 均 消 費 : $60 - $72 / 位

      地 址 : 觀 塘 翠 屏 道 5 號 1 樓  ( 港 鐵 觀 塘 站 D1 出 口 )

      

 


上一篇: 思念八年 情懷不變 哥哥 ... 張國榮

下一篇: 不眠王宮 迪士尼 星級 Fans Party


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,968,632
所有文章: 2,060
本日訪客人數: 1,282
累計訪客人數: 9,793,816