文章
相簿

→ 西 環

三星牛肉麵 台北正宗 宜蘭三星風味

不眠王子 於 2011年04月02日發表   人氣:1339


      

       又 到 王 子 周 末 推 介 啦!首 先 要 利 益 申 報 ,呢 篇 Blog 包 括 兩 次 光 顧 ,頭 一 次 係 店 方 邀 請 試 食 ,之 後 就 因 為 太 鍾 意 間 店 而 極 速 翻 兜。三 星 牛 肉 麵 絕 對 值 得 攞 王 子 印 章。

      店 名 叫 三 星 ,網 上 有 人 以 為 店 主 自 誇 牛 肉 麵 正 到 攞 三 粒 星 咁 串。其 實 老 闆 係 台 灣 人 ,家 鄉 喺 宜 蘭 縣 三 星 鄉 ,所 以 店 子 以 故 鄉 命 名 之 嘛!唔 知 唔 好 亂 話 人 囉!而 靚 靚 老 闆 娘 有 點 面 熟 ,經 朋 友 介 紹 後 才 發 覺 原 來 係 女 歌 手 傅 珮 嘉 ,佢 話 喺 微 博 關 注 咗 王 子 ,我 仲 儍 到 去 問 : 咦?妳 係 Maggie 博 珮 嘉?問 完 先 知 自 己 問 得 超 低 能。

      雖 然 網 上 食 評 唔 多 ,但 三 星 喺 微 博 卻 相 當 人 氣 ,經 常 有 唔 少 娛 樂 圈 猛 人 幫 襯 ,好 似 郭 天 王 、譚 校 長 、趙 學 而 等 都 試 過 喺 三 星 邊 食 邊 發 微 博 ,蔡 瀾 最 近 亦 寫 過 篇 食 評 大 讚。店 子 喺 西 環 仲 要 上 條 大 斜 路 咁 偏 僻 ,點 解 會 咁 人 氣?真 係 要 食 過 至 會 明 白 箇 中 原 因。 

      

       搵 食 唔 一 定 要 身 水 身 汗 行 條 大 斜 路 ,搭 車 於 石 塘 咀 街 市 落 車 ,搭 扶 手 電 梯 上 2 樓 熟 食 中 心 ,就 會 搵 到 出 口。

      

       熟 食 中 心 門 口 出 咗 直 上 一 條 街 後 轉 左 就 見 到 三 星 了

      

       三 星 店 面 積 比 較 細 ,座 位 少 於 20 ,爆 場 時 偶 有 人 手 不 足 的 情 況 ,最 好 耐 心 少 少 等 候 ,慢 工 出 細 貨 嘛!

      今 次 跟 Meling 、伍 慧 珊 及 新 相 識 的 Dorothy 齊 齊 試 食 ,先 試 小 食 睇 吓 味 道 夠 唔 夠 正 宗。

      

       滷 水 拼 盤 ($42) 由 滷 蛋 、滷 豬 頸 肉 、滷 豆 干 及 滷 雞 翼 四 款 小 食 組 合 而 成 ,睇 賣 相 都 知 製 作 有 多 認 真。

      

       滷 蛋 睇 蛋 白 的 色 水 就 知 滷 得 有 多 入 味 ,值 得 encore! 

      

       滷 豬 頸 肉 滲 出 滷 水 香 之 餘 肉 質 仲 幾 鬆 化 添!

      

       滷 雞 翼 其 實 唔 係 唔 好 食 ,但 當 你 食 過 三 星 的 鹽 酥 雞 翼 而 有 得 比 較 ,可 能 會 好 似 我 咁 . . . 返 唔 到 轉 頭。

      

       滷 豆 干 正 到 要 用 國 語 講 句 "零 舍 不 同",比 出 面 食 開 的 貨 色 爽 口 味 鮮 香。

      

       鹽 酥 雞 粒 ($25) 少 少 鹹 、多 酥 脆 ,試 一 粒 包 你 鍾 意 佢。

      

       炸 大 腸 ($28) 未 食 我 已 經 收 貨 ,如 果 你 喺 香 港 有 食 開 就 會 明 ,有 幾 多 間 台 式 小 店 的 炸 大 腸 咁 層 次 分 明?外 皮 炸 得 微 脆 ,食 落 爽 口 又 唔 靱 ,好 啱 鍾 意 隊 隊 啤 的 朋 友。

      

       炸 花 枝 丸 ($22) 即 叫 即 炸 熱 辣 辣 ,外 層 香 口 酥 脆 ,咬 落 結 實 彈 牙 ,正 過 出 面 嗰 啲 滿 口 粉 的 隔 夜 貨。原 來 店 子 係 用 台 灣 有 名 的 嘭 湖 花 枝 丸 ,唔 怪 得 與 眾 不 同 啦!

      

       海 鮮 白 醬 官 財 板 ($25) 係 王 子 的 必 食 推 介 ,我 喺 市 面 食 過 唔 少 同 類 出 品 ,麵 包 唔 係 烘 熱 就 係 翻 叮 ,入 口 無 晒 鬆 軟 度 似 件 隔 夜 麵 包 ,無 乜 幾 可 會 食 得 晒 整 份 官 財 板。

      但 呢 份 官 財 板 香 脆 唔 油 膩 ,官 財 蓋 脆 到 似 塊 蝦 片。 

       

       打 開 官 財 蓋 ,海 鮮 白 醬 熱 氣 騰 騰 超 juicy ,跟 外 香 脆 內 軟 熟 的 包 身 簡 直 係 夢 幻 組 合 ,25 蚊 實 在 平 得 有 啲 過 份。

      

       魯 肉 飯 ($26) 唔 似 出 面 食 開 的 碎 濕 濕 ,無 咬 口 又 無 肉 味。Maggie 話 市 面 食 到 碎 濕 濕 的 都 係 肉 燥 ,台 式 食 店 大 部 份 都 係 用 本 土 的 醬 油 將 肉 燥 煮 成 深 啡 色 ,其 實 只 能 稱 之 為 肉 燥 飯 而 唔 算 係 魯 肉 飯。而 正 宗 滷 肉 飯 係 將 豬 肉 是 切 成 小 片 ,每 片 都 耍 肥 瘦 適 中,再 用 台 灣 醬 油 去 烹 調。

      

       店 子 嫌 一 般 食 肆 所 用 的 泰 國 米 唔 夠 飽 滿 ,黏 性 亦 唔 夠 強 ,於 是 改 用 成 本 較 貴 的 珍 珠 米 ,難 怪 蔡 瀾 喺 專 欄 都 話 要 連 吃 三 大 碗 了。

                    

       魯 肉 就 係 用 呢 支 有「台 灣 人 幸 福 的 味 道」之 稱 的 丸 莊 純 黑 豆 醬 油 去 煮 ,香 港 唔 容 易 買 到 架!

      

       三 星 牛 肉 麵 ($45) 係 店 子 的 招 牌 麵 ,有 紅 燒 ,麻 辣 及 蕃 茄 3 種 湯 底 可 以 選 擇 ,每 款 湯 底 都 以 牛 筒 骨 及 多 種 配 料 熬 足 13 個 鐘 頭 而 成 ,主 配 料 有 牛 腩 、牛 肚 及 牛 筋 ,再 配 以 大 量 日 本 京 蔥。選 咗 紅 燒 湯 底 試 試 ,上 到 枱 時 ,我 跟 Meling 話 : 「好 似 宜 蘭 的 牛 肉 麵 喎!」

      當 日 的 我 其 實 唔 知 三 星 鄉 就 喺 宜 蘭 ,只 係 回 家 google 一 吓 才 估 到 店 名 的 由 來 ,但 我 記 得 宜 蘭 的 牛 肉 麵 其 中 一 個 特 色 ,係 放 上 大 量 大 蔥 喺 面 ,因 為 宜 蘭 的 三 星 蔥 非 常 出 名 ,好 賣 到 當 地 自 己 都 唔 夠 貨 ,所 以 唔 俾 出 口 ,唔 怪 得 老 闆 要 改 用 京 蔥 啦!

      先 飲 一 啖 湯 底 ,味 道 非 常 鮮 濃 ,飲 得 出 熬 咗 唔 少 時 間 ,唔 係 出 面 某 啲 以 台 灣 牛 肉 麵 自 居 的 味 精 水。我 飲 咗 唔 少 湯 後 ,都 無 渴 喉 的 感 覺 ,店 內 亦 寫 明 全 店 味 精 無 添 加 的。

      而 無 論 牛  或 牛 筋 ,都 炆 到 軟 腍 入 味 ,就 算 無 牙 三 姑 都 食 到。坦 白 講 ,大 婆 、班 長 . . . 水 準 都 俾 唔 上 三 星。

      

       麻 辣 牛 肉 麵 ($40) 點 咗 小 辣 ,一 樣 的 湯 底 ,加 進 花 椒 ,湯 底 透 出 微 微 的 香 辣 ,下 次 我 可 以 挑 戰 中 辣 了。

      

       牛  大 大 片 ,肥 瘦 度 適 中 ,入 口 軟 腍 無 渣 ,好 食。

       

       麵 條 粗 身 如 烏 冬 ,麵 粉 專 程 由 台 灣 訂 製 ,再 交 到 本 地 麵 廠 製 作 ,咬 落 煙 韌 彈 牙 ,可 以 用 al dente 嚟 形 容。 

      

       蛇 辣 係 三 星 的「秘 之 辣 醬」,係 老 闆 家 鄉 祖 傳 的 自 家 辣 醬 ,聽 講 郭 富 城 試 過 單 人 匹 馬 用 咗 半 枝 ,試 完 就 知 郭 天 王 點 解 跳 舞 咁 勁。蛇 辣 蘸 一 滴 都 足 夠 辣 到 跳 舞 ,王 子 懶 勁 咁 落 咗 幾 滴 ,結 果 雙 唇 辣 足 成 粒 鐘 有 多 ,飲 咗 2 大 杯 珍 珠 奶 茶 至 撲 熄 團 火。

                    

                    珍 珠 奶 茶 ($12) 係 值 得 單 為 佢 而 去 幫 襯

                    

                    珍 珠 奶 茶 係 用 台 灣 特 產 的 金 萱 茶 做 茶 膽 ,每 日 沖 泡 而 成。一 街 都 係 的 台 式 飲 品 店 唔 覺 有 邊 間 比 呢 度 的 珍 珠 奶 茶 更 具 茶 香。加 上 店 子 係 用 牛 奶 而 唔 係 奶 精 沖 茶 ,奶 滑 茶 香 俱 備 ,配 埋 煙 韌 有 咬 口 的 珍 珠 ,好 飲 到 我 頭 尾 飲 咗 3 大 杯。

                   

      百 香 果 綠 茶 ($12) 亦 係 用 金 萱 茶 去 泡 成 ,茶 味 更 甘 濃

      

       台 式 飲 品 店 必 備 的 飲 品 搖 勻 器 ,呢 度 當 然 唔 少 得。 

      

       台 灣 特 有 的 金 萱 茶 ,據 講 帶 有 淡 淡 花 香 及 牛 奶 香 味

      隔 咗 幾 日 ,對 三 星 念 念 不 忘 ,於 是 專 登 由 九 龍 東 老 遠 坐 車 去 中 環 ,Meet 咗 王 妃 後 再 坐 巴 士 到 石 塘 咀 ,今 次 ,係 真 金 白 銀 去 幫 襯 三 星。

      

       涼 伴 茄 子 ($15) 份 量 勁 多 ,入 口 軟 綿 綿 ,醬 汁 香 又 甜。  

      

       皮 蛋 豆 腐 ($25) 足 料 製 作 ,配 料 交 足 功 課 ,香 氣 撲 鼻。 

      

       

       鹽 酥 雞 翼 ($25) 又 係 必 食 推 介 ,一 試 即 上 癮。

      

       雞 翼 皮 香 口 酥 脆 ,惹 味 十 足 ,雞 肉 非 常 嫩 滑 ,夠 未?

      

       老 皮 嫩 肉 ($25) 即 係 炸 玉 子 豆 腐 ,一 定 要 趁 熱 食。老 皮 酥 香 ,嫩 肉 熱 烘 烘 ,滑 溜 到 不 得 了 ,好 味!

      

       蕃 茄 牛 肉 麵 ($40) 係 將 自 家 鮮 製 的 蕃 茄 蓉 加 進 牛 骨 湯 內 ,唔 係 用 罐 頭 貨 架!茄 味 鮮 濃 ,而 且 味 精 無 添 加 ,邊 食 邊 飲 清 個 湯 到 見 底 ,係 三 款 牛 肉 麵 之 中 的 王 子 至 愛。 

      

       芋 香 奶 茶 ($12) vs 珍 珠 奶 茶 ($12) 前 者 因 為 有 金 萱 茶 做 膽 ,唔 好 飲 至 奇 ,後 者 喺 上 面 講 咗 有 幾 正 ,唔 重 複 啦! 

      

       電 話 : 2866 6699         平 均 消 費 : $50 - $80 / 位

                            

                             延 伸 閱 讀 :

                       Meling - 蘋 果 的 化 妝 箱

 


上一篇: Jeremy Scott x Swatch 錶 ● 演藝術

下一篇: 思念八年 情懷不變 哥哥 ... 張國榮


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,502,158
所有文章: 2,060
本日訪客人數: 521
累計訪客人數: 10,261,972