文章
相簿

↗ 九 龍

皇家太平洋酒店 柏景餐廳 自助晚餐 熱葷篇

不眠王子 於 2011年04月07日發表   人氣:505


      

       皇 家 太 平 洋 酒 店 柏 景 餐 廳 自 助 晚 餐 的 熱 葷 區 相 當 有 睇 頭 ,精 彩 到 差 啲 想 出 王 子 印 章 ,今 個 月 主 題 係「黑 鑽‧盛 饌」黑 松 露 菌 自 助 晚 餐 ,多 款 菜 式 以 至 點 心 都 加 入 矜 貴 的 黑 松 露。王 子 平 日 食 buffet 對 熱 葷 都 係 點 到 即 止 ,但 今 次 真 係 食 得 超 痛 快 ,因 為 唔 少 菜 式 的 水 準 非 常 高。

      自 助 晚 餐 平 日 每 位 $368 ,食 評 網 上 有 75 折 coupon 下 載 ,加 咗 一 後 計 落 都 係 $313 位 ,加 上 頭 盤 及 熱 葷 的 款 式 極 之 豐 富 ,又 可 以 食 足 3 粒 鐘 有 多 ,包 你 話 抵 食。所 以 近 排 有 唔 少 朋 友 問 我 點 解 無 再 介 紹 食 開 嗰 間 酒 店 的 buffet ,因 為 呢 度 價 錢 仲 平 ,兼 且 可 以 享 受 到 更 多 美 食 嘛!

      

       熱 葷 section 張 枱 長 到 影 唔 晒 ,張 相 左 邊 之 後 仲 有 另 一 part ,除 咗 十 幾 款 熱 葷 ,仲 有 點 心 區 、粉 麵 區 及 湯 水 區。

       

       黑 松 露 焗 大 蝦 係 自 助 餐 的 見 面 禮 ,每 位 送 一 大 隻。 

      

       大 蝦 採 用 相 當 大 隻 的 虎 蝦 ,加 咗 芝 士 及 黑 松 露 開 邊 焗 ,單 係 imagine 吓 都 feel 到 有 幾 香 ,蝦 肉 彈 牙 又 juicy!

      

       即 炒 意 大 利 飯 有 三 色 椒 、什 菌 、洋 蔥 、雞 肉 等 多 種 配 料 ,睇 住 廚 所 即 叫 即 炒 ,香 氣 撲 鼻 引 死 人 ,連 從 來 喺 buffet 唔 食 飯 嘅 我 都 掃 清 一 大 碟。

      

       就 咁 睇 相 中 廚 師 即 炒 意 大 利 飯 當 然 唔 夠 傳 神 啦 . . .

      

     影 video 期 間 , 有 男 生 問 廚 師 大 大 個 黃 色 係 乜 東 東 ,我 至 諗 起 有 好 多 人 必 未 必 見 過 重 20 公 斤 的 原 個 Parmesan 芝 士 ,就 算 外 邊 食 意 大 利 飯 ,都 好 少 會 用 原 個 Parmesan 芝 士 咁 落 本 架! 

       

       意 大 利 飯 炒 好 後 ,倒 入 原 個 Parmesan 芝 士 內 撈 勻 ,飯 粒 的 熱 力 令 芝 士 溶 解 ,令 粒 粒 飯 都 充 滿 芝 士 香。 

      

       意 大 利 飯 充 滿 芝 士 香 ,飯 粒 煙 煙 韌 韌 好 咬 口 ,超 正! 

      

       鵝 肝 黑 菌 茸 蒸 蛋 白 我 行 出 去 長 枱 3 次 至 影 到 咁 完 整 的 相 ,可 想 而 知 幾 受 歡 迎 啦!

      

       蒸 蛋 白 、勁 香 滑 ,加 咗 鵝 肝 更 貴 格。

      黑 菌 茸 、撒 其 中 ,食 到 王 子 毛 翼 鬆。

      

       黑 松 露 燴 海 鮮 長 通 粉 香 噴 噴 ,長 通 粉 入 口 爽 滑。

      

       黑 菌 水 蟹 粥 有 咁 多 黑 松 露 喺 面 ,唔 香 才 怪!

      

       水 蟹 粥 都 算 幾 綿 ,入 口 仲 有 濃 濃 的 鮮 甜 蟹 肉 味 ,向 粥 底 一 舀 ,原 來 用 咗 好 多 隻 蟹 落 鍋 煲。

      

       燒 鴨 胸 配 黑 菌 燒 汁 望 落 燒 鴨 胸 肉 嫩 帶 粉 紅 ,但 見 到 咁 大 面 積 的 肥 膏 ,我 即 時 急 停 ,掟 彎 走 人。

      

       香 煎 龍 脷 魚 配 黑 菌 醬 魚 肉 結 實 ,送 意 大 利 飯 一 流。

      

       黑 松 露 醬 烤 牛 仔 骨 係 好 食 ,之 但 係 現 場 有 鐵 板 燒 牛 仔 骨 ,咁 . . . 梗 係 揀 後 者 啦!

      

       焗 黑 松 露 栗 子 雞 卷 麻 麻 哋!好 雞 . . . 難 求!

      

       黑 菌 炒 飯 只 係 炒 飯 加 啲 黑 松 露 ,老 實 講 有 啲 無 鬼 謂

       

       蒜 香 黑 松 露 醬 炒 薯 仔 好 熱 、好 香 、好 綿 、好 味。

      

       魚 、蝦 、羊 架 、雞 軟 骨 及 牛 仔 骨 ,鐵 板 燒 前 大 合 照。

      

       鐵 板 燒 後 一 影 完 相 唔 夠 半 分 鐘 ,幾 乎 無 咗 9 成。

       

       牛 仔 骨 肉 色 鮮 嫩 兼 有 唔 少 油 花 ,企 定 定 等 煎 起 即 食

      

       鐵 板 燒 大 蝦 是 我 的 我 的 寶 貝 親 愛 . . .  

      

       隻 蝦 雖 然 頭 大 ,蝦 肉 只 佔 全 身 三 份 一 ,但 肉 質 彈 牙。 

      

       烤 薯 仔 、烤 三 色 椒 、烤 蕃 茄 樣 樣 都 烤 得 夠 惹 味。

      

       燒 西 冷 一 係 唔 食 ,一 食 就 會 食 中 間 部 份 ,習 慣 咗!

      

       唔 好 問 我 原 因 啦!自 己 估 吓!

       

       煙 火 腿 好 後 期 之 出 ,無 試 到 ,No comment。

      

       清 蒸 比 目 魚 相 信 係 限 定 品 ,出 咗 幾 次 就 會 轉 其 他 魚 ,所 以 絕 對 不 能 錯 過 ,因 為 魚 肉 真 係 滑 到 不 得 了。

      

       蒜 子 蜜 汁 炒 肉 排 因 為 超 愛 食 軟 骨 ,所 以 食 咗 兩 件。

      

       咖 喱 羊 係 好 食 ,之 但 係 現 場 有 鐵 板 燒 羊 架 ,咁 . . . 梗 係 揀 後 者 啦!

      

       火 龍 果 燴 羊 肉 都 係 嗰 句 ,我 心 已 去 咗 鐵 板 燒 羊 架!

      

       時 蔬 炒 花 枝 . . . 兩 樣 我 都 唔 食 得 ,阿 彌 陀 佛!

       

       蝦 餃 真 心 講 ,近 幾 年 喺 自 助 餐 未 食 過 咁 高 質 素 的 蝦 餃 ,皮 唔 算 太 薄 ,但 都 算 滑 溜 ,餡 就 肯 定 靚 ,蝦 肉 係 全 隻 的 ,爽 口 彈 牙。

       

       黑 菌 燒 賣 睇 賣 相 唔 似 係 用 交 來 貨 (邊 有 咁 大 隻 蝦?)

       

       就 算 無 黑 松 露 ,其 實 燒 賣 已 經 好 好 食 ,豬 肉 鮮 味 嘛!

      

       蘋 果 燉 雞 湯 好 少 見 呢 個 燉 湯 組 合 ,王 妃 話 我 成 日 捱 夜 ,要 飲 多 啲 . . . 湯 清 甜 、心 更 甜 ,最 後 飲 咗 兩 大 盅。

       

       五 香 牛 肚 一 時 口 痕 ,都 食 咗 一 小 碗 ,都 幾 爽 口 喎!

       

       粉 麵 檔 都 有 唔 少 海 鮮 配 料 ,唔 加 粉 麵 就 咁 食 都 唔 錯

      

       電 話 : 2738 2322             供 應 時 間 : 6:30p.m - 10p.m

      平 均 消 費 : $368 / 位 ( 星 期 一 至 四 )

                          $398 / 位 ( 星 期 五、六、日 及 公 眾 假 期 )   

      溫 馨 提 示 : 食 評 網 站 有 75 折 coupon

      地 址 : 尖 沙 咀 中 港 城 皇 家 太 平 洋 酒 店 1 樓

      

 


上一篇: 皇家太平洋酒店 柏景餐廳 自助晚餐 頭盤篇

下一篇: 皇家太平洋酒店 柏景餐廳 自助晚餐 甜品篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,956,284
所有文章: 2,060
本日訪客人數: 2,222
累計訪客人數: 9,781,565