文章
相簿

→ 九 龍 區

Bistro 1979 唯港薈 Hotel Icon 五星級經濟午餐

不眠王子 於 2011年04月12日發表   人氣:2746


      

       Hotel Icon 唯 港 薈 酒 店 由 香 港 理 工 大 學 營 運 ,係 理 大 酒 店 及 旅 遊 業 管 理 學 院 最 新 的 實 習 場 地 及 上 課 地 點。呢 間 五 星 級 酒 店 仲 未 正 式 開 幕 ,華 懋 廣 場 對 面 的 酒 店 正 門 仍 係 沙 塵 滾 滾。不 過 酒 店 另 一 邊 對 住 紅 磡 隧 道 口 的 培 訓 餐 廳 已 開 始 試 業 ,位 於 地 庫 的 Bistro 1979 係 其 中 之 一。

      餐 廳 21 號 至 正 式 營 業 ,王 子 又 點 識 嚟?因 為 好 友 Meling 係 理 大 校 友 嘛!係 佢 帶 王 子 嚟 試 吓 食 lunch ,我 哋 係 真 金 白 銀 去 幫 襯 架!

       

       一 出  ,仲 以 為 去 錯 地 方 ,咁 多 locker 嘅?更 衣 室?

      話 明 係 管 理 學 院 ,有 堆 locker 係  . . . 係 好 合 理 嘅!

      

       推 開 餐 廳 正 門 ,仲 要 經 過 一 條 長 廊 ,感 覺 好 grand。

      

       呢 度 至 係 餐 廳 正 門?門 後 有 兩 位 靚 女 侍 應 準 備 迎 賓。  

      

       餐 廳 地 方 唔 算 細 ,但 只 容 納 約 60 人 ,唔 會 有 侷 促 感。

       

       餐 廳 右 邊 有 一 排 窗 ,有 乜 嘢 睇 呢?

       

       當 然 係 睇 到 一 班 同 學 喺 巨 型 廚 房 內 實 習 啦!

       

       餐 廳 另 一 方 仲 有 一 間 空 間 感 十 足 的 VIP 房。 

      

       房 內 可 供 14 人 作 聚 餐 之 用 ,好 啱 我 玩 快 閃 飯 局 喎!

      

       水 吧 望 落 亦 似 模 似 樣 ,格 局 係 咪 好 似 高 級 餐 廳 呢? 

                     

       由 於 餐 廳 係 酒 店 實 習 場 地 ,所 以 晚 市 經 常 會 有 啲 特 別 活 動 或 主 題 ,好 似 噚 晚 的 主 題 係 "70 年 代" ,全 場 服 飾 最 貼 合 主 題 的 食 客 仲 有 獎 品 添!  

      想 知 餐 廳 有 乜 特 別 活 動 同 menu 詳 情 ,Click 吓 條 link 

      http://hotelschool.shtm.polyu.edu.hk/eng/school/training.html

      全 女 班 侍 應 生 相 當 有 禮 貌 ,唔 少 仲 青 春 可 人 添!

      

       午 餐 menu 可 以 散 點 ,又 可 以 叫 餐 ,款 式 貴 精 不 貴 多 ,但 價 錢 真 係 平 到 令 人 難 以 置 信 ,仲 會 經 常 轉 吓 款 添!

      沙 律 $14、餐 湯 $10、甜 品 $18、主 菜 都 只 係 $42 . . . 仲 要 免 收 加 一 ,莫 講 話 酒 店 ,去 一 般 西 餐 廳 都 食 唔 到 呢 個 價。

      

       套 餐 更 平 ,主 菜 跟 沙 律 或 餐 湯 只 係 $50 ,跟 甜 品 $55 ,跟 晒 兩 樣 嘢 兼 包 埋 餐 茶 都 只 係 $65 ,抵 到 無 朋 友。

      餐 廳 唔 收 加 一 ,但 要 象 徵 式 俾 5 蚊 會 員 費 ,濕 碎 啦!

                    

        Pina Colada ($20) 係 是 日 Promote 價 特 飲 ,另 點 的 ,抵!

                    

       Coastal Sunrise ($15) 更 抵 飲 ,味 道 亦 調 校 得 唔 錯!

      

       餐 包 暖 烘 烘 ,夠 鬆 軟 ,對 餐 廳 自 然 多 咗 份 信 心。

      

       田 園 沙 律 伴 巴 馬 火 腿 單 睇 賣 相 ,能 夠 想 像 散 點 只 係 14 蚊 嗎?即 使 跟 餐 ,亦 絕 不 馬 虎 ,各 種 配 料 都 相 當 新 鮮。

      

       蕃 茄 湯 係 自 家 製 的 ,味 道 鮮 濃 ,湯 面 放 上 少 少 蒜 香 麵 包 粒 ,香 脆 好 咬 口。

       

       海 鮮 闊 麵 係 Meling 所 點 ,一 上 到 枱 ,已 知 物 超 所 值 ,去 一 般 西 餐 廳 食 咁 上 下 賣 相 的 海 鮮 闊 麵 ,$70-$90 走 唔 甩 吧?如 果 計 埋 酒 店 元 素 ,肯 定 要 $130 以 上。

      

       海 鮮 主 要 有 青 口 、鱈 魚 及 大 蝦 ,每 款 都 係 雙 雙 對 對。

      

       大 蝦 肉 鮮 勁 彈 牙 ,仲 好 juicy 添!青 口 亦 夠 肥 美。

      

       鱈 魚 肉 質 超 滑 溜 ,似 係 用 新 鮮 貨 ,烹 調 水 準 亦 夠 高。

      

       烤 羊 腿 肉 厚 切 3 大 件 ,肉 味 濃 又 軟 腍 ,食 完 超 滿 足。

      

       意 式 奶 凍 好 滑 溜 ,就 咁 食 又 得 ,蘸 香 甜 莓 汁 食 亦 得。

      

       純 朱 古 力 蛋 糕 外 觀 上 如 果 無 咗 兩 條 朱 古 力 醬 圍 邊 ,感 覺 會 更 好 ( 純 個 人 觀 點 )。

      

       純 朱 古 力 蛋 糕 麵 粉 無 添 加 ,質 感 鬆 軟 朱 味 濃 ,好 食!

       

       餐 茶 點 咗 熱 咖 啡 ,以 酒 店 餐 廳 標 準 尚 未 合 格。

      不 過 餐 飯 平 到 咁 ,Service 又 咁 好 ,值 得 俾 高 分 嘉 許。

       

       電 話 : 3400 2300                  平 均 消 費 : $55 - $204 / 位

      地 址 : 尖 沙 嘴 科 學 館 道 17 號 Hotel Icon 地 庫 B219 室

                 一 按 地 址 直 達 Google 地 圖

      

 


上一篇: Teddy’s Cafe 隱世 撐枱腳 談心地

下一篇: 皇家太平洋酒店 柏景餐廳 自助晚餐 頭盤篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,077,640
所有文章: 2,060
本日訪客人數: 496
累計訪客人數: 9,893,672