文章
相簿

主 題 樂 園

不眠王宮 呈獻 迪士尼星級 Fans Party

不眠王子 於 2011年04月18日發表   人氣:870


      

       為 慶 祝 不 眠 王 子 個 Blog 及 香 港 迪 士 尼 樂 園 今 年 同 樣 踏 入 5 周 年 ,王 子 獲 得 迪 士 尼 嘅 星 級 禮 遇 ,帶 領 10 名 星 級 Fans 同 遊 樂 園 ,率 先 體 驗 迪 士 尼 星 級 款 待 嘅 奇 妙 時 刻!

      而 王 子 亦 獻 出 寶 貴 嘅 第 一 次 俾 迪 士 尼 ,首 度 全 面 咁 以 樣 衰 到 爆 嘅 真 面 目 示 人。無 所 謂 啦!大 家 玩 得 咁 開 心。

       不 眠 王 宮 呈 獻 : 迪 士 尼 星 級 Fans Party 於 4 月 10 號 好 順 利 咁 喺 超 high 爆 嘅 心 情 下 完 滿 結 東 ,10 個 得 獎 朋 友 仔 亦 都 全 部 如 期 於 Blog 或 Facebook 中 寫 了 感 受 ,實 在 係 太 ~ 感 ~ 動 ~ 啦!一 路 睇 每 個 朋 友 仔 嘅 旅 程 感 受 ,一 路 有 種 "飛 躍 奇 妙" 嘅 感 覺 . . . 寫 Blog 寫 到 有 今 時 今 日 咁 嘅 成 績 ,一 次 又 一 次 得 到 咁 多 難 以 置 信 嘅 精 彩 禮 遇 ,仲 可 以 同 朋 友 仔 一 齊 分 享,你 話 唔 係 奇 妙 到 爆 咩?So Amazing!

      首 先 ,王 子 要 多 謝 代 表 迪 士 尼 嘅 公 關 公 司 ,送 咗 呢 套 比 星 級 更 星 級 嘅 非 一 般 迪 士 尼 星 級 款 待 俾 王 子。

       迪 士 尼 樂 園 門 票 - 每 位 $350 ,11 人 總 值 $3850。

     【升級!】「星 級 之 旅」- 由 專 人 為 大 家 度 身 設 計 最 合 心 意 嘅 行 程 ,尊 享 多 項 星 級 體 驗 ,並 且 與 迪 士 尼 朋 友 單 獨 相 聚 ,而 我 哋 一 行 11 人 享 受 到 每 團 最 多 6 人 ,價 值 港 幣 $3088 嘅 金 色 之 旅 禮 遇 ,即 係 總 值 $6016。金 色 之 旅 包 啲 乜?

      專 享 與 迪 士 尼 朋 友 相 聚 及 拍 照

      毋 須 等 候 ,直 接 入 場 欣 賞 表 演 及 暢 玩 遊 樂 設 施

      優 先 預 留 劇 院 表 演 的 指 定 座 位

      專 區 觀 賞「迪 士 尼 飛 天 巡 遊」

      獨 家 五 周 年 紀 念 徽 章

      不 過 我 哋 呢 團 就 特 別 啲!無 迪 士 尼 專 人 作 導 賞 ,但 全 程 就 有 兩 位 公 關 E 小 姐 陪 伴 ,行 程 至 咁 順 利 咋!

      星 級 通 行 證 - 每 位 $80 ,11 人總 值 $880。

      持 有 星 級 通 行 證 ,可 以 一 次 過 取 得 以 下 6 項 最 受 歡 迎 嘅 精 彩 表 演 與 遊 樂 設 施 嘅 通 行 證 ,優 先 入 場 欣 賞 及 暢 玩 ,並 自 選 喜 愛 的 座 位 ,享 受 更 有 彈 性 嘅 遊 園 體 驗。

      獅 子 王 慶 典‧米 奇 幻 想 曲‧米 奇 金 獎 音 樂 劇

      小 熊 維 尼 歷 險 之 旅‧巴 斯 光 年 星 際 歷 險‧飛 越 太 空 山

      閃 亮 城 堡 煙 花 晚 餐 - 每 位 $300 ,11 人 總 值 $3300。

      我 哋 可 先 於 廣 場 飯 店 內 一 邊 享 受 特 色 飲 品 ,一 邊 與 迪 士 尼 朋 友 合 照。跟 住 到 餐 廳 外 嘅 VIP 專 區 ,欣 賞 奇 妙 仙 子 城 堡 亮 燈 儀 式 及 星 夢 奇 緣 煙 花 匯 演 ,最 後 返 餐 廳 品 嚐 豐 富 嘅 中 式 晚 餐。

                    

       跟 住 要 多 謝 公 關 公 司 嘅 T 先 生 及 兩 位 E 小 姐 ,後 者 更 陪 王 子 一 團 朋 友 玩 足 9 個 小 時。全 程 照 顧 周 到 ,仲 要 充 當 攝 影 師 ,幫 大 家 影 低 奇 妙 時 刻!有 圖 為 證 ,辛 苦 晒!

      

       各 人 入 場 前 先 接 過 包 含 星 級 徽 章 、星 級 演 藝 人 員 表 揚  卡 及 星 級 Hi-5 手 冊  嘅 星 級 禮 遇 套 裝。當 扣 上 星 級 徽 章,即 成 為 樂 園 嘅 星 級 貴 賓 ,體 驗 難 忘 的 星 級 款 待。

                     

       星 級 禮 遇 徽 章 每 日 喺 開 園 後 於 廣 場 飯 店 旁 限 量 派 發 ,派 完 即 止。

      

       星 級 演 藝 人 員 表 揚 卡 詳 情 見 圖。

      

       星 級 貴 賓 更 可 跟 據 Hi-5 手 冊 內 嘅 提 示 到 達 5 個 指 定 地 點 ,參 與 Hi-5 奇 妙 時 刻 特 別 活 動。

      10 位 朋 友 仔 都 實 至 名 歸 係 王 子 個 Blog 嘅 星 級 Fans

      Joyz 、Fion 、Phoebe 及 晶 晶 豬 睇 咗 王 子 個 Blog 3 年 以 上

      嘉 嘉 、Bobo 喺 過 往 日 子 中 實 在 幫 過 王 子 唔 少 忙

      Winnie 係 喺 我 Blog 、Facebook 及 微 博 留 言 最 多 嘅 朋 友

      Pat 係 極 速 買 咗 王 子 之 前 部 CX3 嘅 朋 友

      Wing 係 之 前 M&M 遊 戲 嘅 得 獎 者

      Laurier 喺 多 次 blogger event 中 碰 過 面

      但 佢 哋 得 獎 嘅 原 因 ,係 每 位 嘅 意 見 都 寫 得 好 有 heart 

      

       演 藝 人 員 自 發 組 成 團 員 達 100 人 嘅 OHANA 驚 喜 小 組 ,於 園 內 唔 同 嘅 他 點 使 出 種 種 互 動 小 把 戲 ,令 每 位 賓 客 盡 情 融 入 樂 園 熱 鬧 的 歡 樂 氣 氛。睇 片 啦!

   

      垃 圾 桶 敲 擊 樂 個 名 係 我 改 嘅!其 實 我 唔 知 官 方 名 架!

      

       因 為 我 哋 扣 咗 星 級 徽 章,所 以 獲 邀 跟 鼓 手 一 齊 玩。

       

       因 為 我 哋 呢 團 係【升 級!】星 級 之 旅 ,所 以 喺 唔 駛 排 隊 、奉 旨 打 尖 嘅 情 況 下 專 享 與 迪 士 尼 朋 友 拍 照 留 定。

      

       令 王 子 最 嘆 為 觀 止 嘅 ,莫 過 於 睇 住 堆 女 仔 全 程 為 咗 迪 士 尼 閃 咭 、貼 紙 及 年 曆 咭 失 控 尖 叫 、狂 奔 、甚 至 搶 劫 迪 士 尼 員 工 . . . 令 奇 妙 體 驗 一 再 放 大 . . . 笑 到 我 淚 水 都 標 埋。

      

       迪 士 尼 閃 咭 一 套 9 款 ,今 日 18 號 開 始 又 轉 另 一 批 啦!

       

       我 哋 仲 有 份 參 與 5 周 年 嘅 迪 士 尼 飛 天 巡 遊 星 級 啟 航

      

       呢 位 迪 士 尼 嘅 工 作 人 員 喺 大 家 等 候 啟 航 期 間 ,表 演 林 峯 上 身 ,Chok 到 我 哋 笑 到 收 唔 到 聲 ,抵 讚!

      

       有 得 參 與 5 周 年 迪 士 尼 飛 天 巡 遊 星 級 啟 航 ,梗 係 要 影 低 呢 個 奇 妙 時 刻 啦!

      

       迪 士 尼 飛 天 巡 遊 星 級 啟 航 開 步 前 ,影 張 大 合 照 先。

      

       迪 士 尼 飛 天 巡 遊 星 級 啟 航 係 喺 飛 天 巡 遊 前 ,沿 住 巡 遊 路 線 接 受 途 人 揮 手 喝 采 . . . 感 覺 真 係 . . . 得 意 到 爆。

      

       因 為 我 哋 呢 團 係【升 級!】星 級 之 旅 ,所 以 獨 家 喺 VIP 專 區 觀 賞 迪 士 尼 飛 天 巡 遊。係 呀!專 區 得 我 哋 11 個 人 咋!

      

       VIP 專 區 有 幾 專?喺 正 中 間 對 住 大 街 囉!王 子 去 過 樂 園 咁 多 次 ,都 係 第 一 次 唔 駛 坐 兩 邊 咋!

      

       VIP 專 區 對 正 飛 天 巡 遊 隊 伍 ,感 覺 原 來 係 咁 正 架!

       

       睇 咗 咁 多 次 飛 天 巡 遊 ,而 家 至 知 小 飛 象 原 來 會 眨 眼

      

       WoooooW!喺 VIP 專 區 影 相 ,好 有 官 方 相 嘅 feel 呀!

      

      

       

       星 級 通 行 證 係 一 set 可 以 一 次 過 取 得 6 項 最 受 歡 迎 嘅 精 彩 表 演 與 遊 樂 設 施 嘅 通 行 證。

      

       有 通 行 證 可 以 優 先 入 場 ,仲 可 以 自 選 喜 愛 嘅 座 位 添!

       

       第 一 次 睇 獅 子 王 慶 典 可 以 坐 到 全 場 最 前 嘅 第 2 行 (第 一 行 係 預 留 俾 傷 殘 人 士 ,夠 貼 心)。

      

       

       排 隊 玩 森 林 河 流 之 旅 嘅 人 龍 長 到 顛,但 貴 為 不 眠 王 宮 迪 士 尼 星 級 Fans 團 ,我 哋 可 以 老 馮 打 尖 ,唔 駛 排 隊 ,直 接 上 船 . . . 仲 要 係 包 咗 成 隻 船 添!

      上 岸 後 ,見 到 迪 士 尼 為 我 哋 額 外 預 備 嘅 星 級 體 驗 ,唯 一 美 中 不 足 ,係 牌 上 無 我 個 名 . . . 你 哋 放 心 ,如 果 你 參 加 咗【升級!】「星 級 之 旅」,係 會 有 特 別 嘅 星 級 體 驗 架!

      可 能 王 子 個 名 Sleepless Prince 太 長 ,整 唔 切 呱!

       話 明【升 級!】星 級 之 旅 ,又 再 一 次 喺 唔 駛 排 隊 、奉 旨 打 尖 嘅 情 況 下 專 享 同 平 日 條 龍 排 到 嘔 電 嘅 米 奇 拍 照 留 定 ,多 謝 公 關 E 小 姐 嘅 細 心 安 排 呀!

       

       到 咗 晚 上 ,大 家 嚟 到 "扒 沙 煙" 餐 廳 ,享 受 閃 亮 城 堡 煙 花 晚 餐 ,為 奇 妙 旅 程 劃 上 完 美 嘅 句 號!

      

       玩 咗 成 日 咁 開 心 ,值 得 舉 杯 慶 祝 . . . 開 心 到 手 都 震 埋

      飲 咗 兩 啖 ,大 家 去 到 餐 廳 外 嘅 VIP 專 區 ,睇 奇 妙 仙 子 城 堡 亮 燈 儀 式 及 星 夢 奇 緣 煙 花 匯 演 ,然 後 再 返 餐 廳 食 過。

      呢 一 part 我 掛 住 微 博 ,大 家 可 以 喺 最 底 嘅 延 伸 閱 讀 click 去 睇 睇 其 他 團 友 嘅 報 導。

      

       中 式 晚 餐 內 容 如 下 ,唔 駛 每 樣 都 講 得 咁 details 啦!

      菠 蘿 提 香 梳 打

      狀 元 蝦 餃 皇  配 蒜 茸 蝦 長 春 卷

      鮮 蟹 肉 魚 肚 玉 米 羹

      五 彩 富 貴 花 姿 雞 球

      洋 蔥 圈 黑 醋 豬 柳

      鮮 什 菌 燴 雙 蔬

      五 福 海 皇 炒 飯  

      五 色 米 奇 鮮 果 配 凍 糕

      清 香 茗 茶

      

      

      

       

      

      

       米 奇 你 做 乜 流 咁 大 滴 汗 呀?係 咪 啲 嘢 食 . . . .

                      

       對 於 女 生 嚟 講 ,喺 迪 士 尼 精 品 店 不 停 咁 攞 住 唔 同 嘅 公 仔 影 呀 影 呀 . . . 絕 對 係【奇 妙 時 刻】。其 他 主 題 樂 園 邊 有 咁 人 山 人 海 嘅 場 面?

      

       我 哋 一 行 11 人 係 呢 晚 迪 士 尼 樂 園 最 後 一 批 離 開 嘅 遊 客 ,難 得 一 個 人 都 無 ,大 家 仲 唔 狂 影 番 夠 本 咩?

       

       再 次 多 謝 代 表 迪 士 尼 嘅 公 關 公 司 ,Fans Party 完 結 後 兩 日 ,收 到 速 遞 嘅 大 信 封 ,嘩 ~ 原 來 公 關 送 咗 4 套 迪 士 尼 門 票 、星 級 禮 遇 徽 章 及 星 級 通 行 證 俾 王 子。咁 啱 王 妃 有 屋 企 人 生 日 ,當 然 同 佢 屋 企 人 去 迪 士 尼 慶 祝 啦!

      

       好 多 朋 友 未 必 知 ,原 來 正 日 生 日 去 迪 士 尼 ,可 以 得 到 生 日 徽 章 架!而 且 仲 有 幾 款 迪 士 尼 卡 通 人 物 任 揀 添!壽 星 仔 女 記 得 一 入 樂 園 就 要 扣 住 佢 ,會 遇 到 唔 少 驚 喜 架!

      

       更 多 精 彩 內 容 ,請 睇 不 眠 王 宮 星 級 Fans 延 伸 閱 讀 -

      Kaka - http://hk.myblog.yahoo.com/shylee_hk

      Laurier - http://hk.myblog.yahoo.com/minitammy

      Fion - http://hk.myblog.yahoo.com/jw!sfJCoceUGRggvcUh5xHSVrvU

      Wing - http://hk.myblog.yahoo.com/winggotravel

      Joyz - http://blog.sina.com.cn/s/blog_6aeae88c0100q4mt.html

      Pat - http://hk.myblog.yahoo.com/patblog123 

      晶 晶 豬 - http://hk.myblog.yahoo.com/jw!r2MUv7ieGQNBRg8mhsfkMeV.DCk.YM34htqV0g--

 


上一篇: 甜心鮮果園 獨沽一味 炒冰only

下一篇: ~不眠皇宮呈獻迪士尼星級Fans Party~"夜"


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,704,175
所有文章: 2,060
本日訪客人數: 579
累計訪客人數: 9,560,400