文章
相簿

→ 元 朗

韓之美食 抵食到極 韓式家庭小店

不眠王子 於 2011年04月21日發表   人氣:1366


      

       元 朗 有 韓 國 菜 食 . . . 唔 出 奇 ,但 有 家 庭 式 韓 菜 小 館 ,都 係 第 一 次 聽。韓 之 美 食 對 於 我 呢 個 九 龍 人 嚟 講 ,有 少 少 偏 僻 ,但 店 子 附 近 有 元 朗 廣 場 呢 個 地 標 ,都 唔 算 難 搵。

               

      套 餐 包 一 個 主 菜 + 一 碗 麵 豉 海 帶 湯 + 2 款 涼 拌 菜 + 白 飯 + 罐 裝 飲 品,全 部 夾 埋 都 只 係 $35 . . . 平 到 阿 媽 都 唔 認 得。

      呢 晚 一 行 8 人 ,點 咗 8 款 套 餐 ,除 咗 A、D ,8 款 掃 晒!

      

       涼 拌 菜 有 十 幾 款 俾 你 揀 ,大 部 份 都 係 自 家 醃 製 架!

      

       不 過 ,要 食 涼 拌 菜 ,都 要 守 店 內 嘅 規 矩 . . .

      

      

       圖 文 並 茂 講 到 明 ,唔 好 咁 貪 心 呀!

      

       8 款 套 餐 ,跟 16 款 涼 拌 菜 ,樣 樣 都 可 以 試 吓 ,爽 呀!

       

       韓 式 美 食 放 到 一 枱 . . . 應 該 係 兩 枱 都 係 ,流 口 水 呢?

      

       雞 蛋 卷 ($20) 係 另 點 嘅!有 蛋 香 但 味 道 偏 淡 ,麻 麻 哋! 

      

       炒 年 糕 ($38) 賣 相 似 豬 腸 粉 ,煙 煙 韌 韌 好 食 又 抵 食。

      

       人 參 雞 湯 ($120) 必 食!但 想 食 就 要 早 一 日 預 訂 啦!

      

       人 參 雞 湯 真 材 實 料 ,用 足 一 隻 雞 去 煲 ,而 且 講 明 味 精 無 添 加。雞 湯 清 甜 夠 火 候 ,雞 內 更 釀 滿 韓 國 米 ,口 感 軟 糯 中 帶 點 煙 靱 ,雞 肉 煲 到 軟 腍 又 嫩 滑 ,食 到 骨 都 想 吞 埋。

      

       麵 豉 海 帶 湯 只 有 微 量 麵 豉 ,海 帶 湯 清 清 哋 幾 好 飲。

       

       香 辣 豬 腸 爽 口 又 惹 味 ,少 少 辣 送 飯 一 流。

      

       香 辣 豬 手 只 得 3 嚿 ,但 為 食 鬼 有 8 隻 ,無 我 份。

      

       勁 辣 豬 頸 肉 醬 汁 無 得 彈 ,撈 少 少 已 經 可 送 半 碗 飯。

      

       香 辣 五 花 腩 半 肥 瘦 ,肉 質 夠 軟 腍。

      

       炆 牛 腩 只 得 5 嚿 ,為 食 鬼 有 8 隻 ,又 無 我 份。

       

       炸 醬 汁 雞 柳

      

       香 辣 雞 柳

       

       香 辣 雞 腎 其 實 又 係 正 在 個 惹 味 醬 汁。

      埋 單 每 人 夾 60 蚊 ,抵 到 乜 嘢 咁。

      

       電 話 : 9042 6269                   平 均 消 費 : $35 - $70 / 位

      地 址 : 元 朗 安 興 街 30-40 號 B 安 輝 樓 地 下 7 號 舖

                 一 按 地 址 直 達 Google 地 圖

      

 


上一篇: Trees Pizza 樹氏薄餅屋 - 已結業

下一篇: 蓬萊咖哩屋 王子推介 食評無人提的美食


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,215,321
所有文章: 2,060
本日訪客人數: 1,058
累計訪客人數: 10,005,105