文章
相簿

→ 九 龍 區

九龍維景酒店 唐宮 維景金裝豪華宴

不眠王子 於 2011年06月07日發表   人氣:833


      

       王 子 3 個 月 前 到 過 九 龍 維 景 酒 店 食 完 Buffet 出 埋 Blog ,上 個 星 期 收 到 酒 店 邀 請 ,到 佢 哋 嘅 中 菜 廳 唐 宮 試 菜 ,而 且 酒 店 仲 豪 氣 咁 送 咗 半 圍 剛 推 出 嘅 維 景 金 裝 豪 華 宴 俾 王 子 (一 圍 價 值 萬 四 蚊 架!)。

     首 先 要 萬 二 分 感 謝 九 龍 維 景 酒 店 嘅 熱 情 招 待 ,亦 感 激 幾 位 酒 店 大 員 全 程 3 個 多 小 時 嘅 悉 心 照 顧 及 講 解 每 一 道 菜 ,而 幾 位 侍 應 招 呼 亦 相 當 殷 勤 ,感 覺 如 上 賓 一 樣。

      

       因 為 維 景 金 裝 豪 華 宴 每 日 只 係 限 量 供 應 一 席 ,所 以 酒 店 會 特 別 為 客 人 安 排 到 唐 宮 嘅 獨 立 VIP 房 享 受 盛 宴。雖 然 話 就 話 限 量 供 應 一 席 ,但 VIP 房 大 到 開 多 席 亦 唔 係 問 題。如 果 屋 企 家 庭 成 員 夠 多 ,父 親 節 不 妨 考 慮 喺 度 擺 番 圍 同 老 爸 慶 祝 喎!

      豪 華 宴 每 席 $12880 / 12 位 用 ,加 一 後 每 位 圍 到 要 $1200 ,但 觀 乎 11 道 菜 式 中 有 唔 少 矜 貴 食 材 ,而 且 真 材 實 料 兼 加 插 特 別 環 節 ,計 落 其 實 係 物 有 所 值。

      

       是 夜 王 子 邀 請 5 位 好 友 結 伴 出 席 ,包 括 Meling 、愛 麗 絲 、點 點 、伍 慧 珊 及 閃 閃 ,美 女 如 雲 到 就 連 酒 店 餐 飲 部 嘅 鄧 經 理 都 忍 唔 住 對 負 責 聯 絡 嘅 Wallace 兄 笑 住 話 :「你 今 晚 最 開 心 啦!一 次 過 攞 到 咁 多 靚 女 嘅 contact!」

      

       剛 才 所 講 嘅 特 別 環 節 就 係 酒 店 敬 送 長 達 1 小 時 嘅 席 前 雞 尾 酒 ,枱 上 嘅 各 種 名 酒 及 餐 酒 都 可 以 任 飲 . . . 各 位 酒 友 見 到 嗎?茅 台 、XO 、紅 洒 、五 粮 液 、古 越 龍 都 有 得 供 應 呀!而 席 間 嘅 啤 酒 、汽 水 及 橙 汁 亦 係 無 限 量 供 應 ,咁 計 落 其 實 係 咪 物 有 所 值 呢?

      

       酒 店 自 家 品 牌 嘅 紅 、白 酒 平 日 每 杯 要 $45 架!不 過 我 是 日 試 菜 要 keep 住 個 味 覺 ,所 以 全 晚 都 係 飲 蒸 餾 水 ,係 到 最 後 上 甜 品 時 至 飲 杯 fruit punch 咋!

      

       侍 應 招 呼 殷 勤 之 餘 仲 相 當 細 心 ,為 各 人 送 上 小 絨 套 作 保 護 靚 靚 電 話 之 用。 

      

       價 值 過 萬 元 嘅 金 裝 豪 華 宴 ,枱 上 擺 設 當 然 亦 精 緻。 

                   

       維 景 金 裝 豪 華 宴 嘅 餐 單 過 咗 膠 後 捲 成 筒 狀 ,套 上 蠟 燭 杯 ,燭 光 映 照 住 每 道 菜 式 ,小 小 設 計 ,充 滿 心 思。

      

       唯 一 要 挑 剔 嘅 ,叫 得 金 裝 豪 華 宴 ,餐 具 亦 應 稍 作 配 合 ,尤 其 是 筷 子 ,真 係 普 通 咗 少 少 . . . 囉!

      

       金 豬 鵝 肝 三 重 奏 唔 好 睇 佢 細 細 件 ,食 完 你 就 知。

      

       乳 豬 中 間 夾 多 件 厚 切 鵝 肝 三 文 治 ,肥 死 人 啦!三 文 治 其 實 係 蝴 蝶 夾 ,應 該 可 以 吸 走 少 少 油 膩 感 吧?

      

       乳 豬 皮 烤 得 都 算 香 口 鬆 脆 ,而 且 廚 師 幫 佢 做 咗 抽 脂。鵝 肝 係 用 新 鮮 貨 打 成 ,而 最 底 嘅 係 乳 豬 嘅 肥 肉 ,成 件 放 入 口 ,地 下 肉 味 濃 ,1 樓 好 軟 熟 ,2 樓 鮮 味 足 ,頂 樓 脆 卜 卜。難 得 食 落 又 唔 多 覺 油 膩 喎!

      

       螺 片 鮮 露 筍 帶 子 呢 盆 係 俾 大 家 影 相 嘅!

      

       全 晚 比 較 失 色 嘅 係 呢 度 菜 ,最 正 嘅 竟 然 係 小 雀 巢。

      

       仲 有 一 驚 喜 位 係 海 鮮 醬 混 入 朱 古 力 漿 ,提 味 一 流。

      

       明 珠 海 鮮 大 蝦 皇 係 全 晚 我 最 like 嘅 菜 式 之 一。

      

       大 蝦 皇 用 大 大 隻 嘅 虎 蝦 玩 一 蝦 兩 味 ,蝦 身 用 嚟 炸 蝦 球 ,蝦 頭 就 以 茄 蓉 去 燴 ,兩 味 都 咁 精 彩 絕 倫。

       

       蝦 球 唔 似 得 出 面 啲 食 肆 咁 滿 口 蝦 膠 ,而 係 用 海 鮮 慕 絲 包 住 蝦 肉 嚟 炸 ,蝦 肉 嘅 鮮 味 同 肉 汁 就 唔 會 咁 易 流 失,一 咬 落 去 ,鮮 味 、爽 彈 又 juicy!

      

       蝦 頭 用 茄 蓉 去 燴 ,有 啲 似 意 式 煮 法 ,蝦 頭 內 有 勁 多 香 濃 蝦 膏 ,等 我 大 啖 啜 落 去 先。

                    

       唔 係 PS ,只 係 一 時 手 痕 試 吓 用 DC 內 嘅 其 他 mode。

       

       龍 蝦 海 皇 濃 湯 魚 翅 ( 每 位 足 二 兩) 本 身 於 餐 單 之 內 ,但 我 同 部 份 好 友 已 戒 食 魚 翅 ,於 是 事 前 要 求 酒 店 改 以 另 一 同 級 嘅 燕 窩 羹 作 取 代 ,大 家 訂 枱 時 一 樣 可 以 好 似 我 咁 事 先 講 明 架!呢 碗 翅 係 俾 我 哋 影 相 及 食 翅 嘅 朋 友 試 味。

      

       根 據 朋 友 報 告 ,龍 蝦 海 皇 濃 湯 魚 翅 係 用 西 式 龍 蝦 濃 湯 做 湯 膽 ,加 咗 少 少 忌 廉 ,而 魚 翅 一 束 束,唔 會 散 收 收 ,味 道 很 濃 郁 云 云。

      

       海 皇 竹 笙 燕 窩 就 係 用 作 取 代 魚 翅 ,食 得 出 燕 窩 份 量 相 當 多 ,老 友 話 起 碼 有 2 両 ,而 湯 底 亦 清 甜 滋 潤 夠 火 候。

       

       原 隻 南 非 鮑 魚 伴 花 膠 選 用 兩 吋 左 右 嘅 南 非 鮑 魚 ,成 本 比 一 般 酒 樓 用 嘅 麥 西 哥 鮑 貴 成 倍 架!

      

       南 非 鮑 肉 質 鬆 化 易 入 口 ,入 味 之 餘 仲 一 啲 都 唔 韌。花 膠 亦 好 爽 滑 ,膠 質 相 當 豐 富。

       

       金 箔 黑 松 露 菌 石 斑 卷 用 東 星 斑 嘅 魚 肉 將 紅 蘿 蔔 及 西 芹 捲 成 肉 卷 後 ,再 加 一 大 片 黑 松 露 菌 而 成 ,賣 相 相 當 精 緻 ,散 發 出 點 點 和 風。

      

       石 斑 卷 加 咗 咁 大 片 黑 松 露 菌 後 再 放 上 金 箔 ,配 襯 出 高 貴 嘅 色 調 ,再 加 上 師 傅 嘅 細 膩 刀 功 ,令 藝 術 氣 息 更 濃。

      

       東 星 斑 肉 質 鮮 嫩 滑 溜 到 不 得 了 ,配 合 埋 紅 蘿 蔔 、西 芹 及 黑 松 露 菌 整 件 放 入 口 ,味 道 清 新 中 充 滿 貴 氣。

      

       御 前 香 茗 茶 皇 雞 唔 好 以 為 好 似 啲 酒 樓 咁 求 求 其 其 出 吓 炸 子 雞 就 算 ,話 明 香 茗 茶 皇 雞 ,隻 雞 喺 炸 之 前 先 用 普 洱 茶 葉 燻 過。呢 道 原 來 係 維 景 酒 店 22 年 前 嘅 原 創 菜 式 ,之 後 俾 多 間 酒 店 及 食 肆 抄 襲 ,今 次 無 意 中 俾 我 哋 食 到 元 祖 茶 皇 雞 ,梗 係 有 所 期 待 啦!

      

       香 茗 茶 皇 雞 色 澤 均 勻 ,就 咁 睇 真 係 好 似 炸 子 雞。

      

       雞 皮 走 肥 ,薄 如 片 皮 雞 ,今 次 唔 食 皮 . . . 就 笨 呀!

      

       正 常 係 呢 個 look 位 上 ,酒 店 方 便 大 家 影 相 先 成 隻 上。

      

       茶 皇 雞 炸 過 肉 質 當 然 無 咁 滑 ,但 肉 嫩 結 實 ,雞 皮 香 口 微 脆 ,入 口 有 濃 濃 嘅 茶 香 ,唔 錯。

      

       伴 碟 嘅 小 盆 景 其 實 係 新 鮮 嘅 蕃 茄 配 上 芒 果 花 花 ,唔 好 唔 食 ,浪 費 咗 廚 師 嘅 一 番 心 機 呀! 

      

       黃 耳 百 合 青 菜 苗 聽 Meling 講 黃 耳 有 美 顏 功 效 ,我 只 係 知 黃 耳 好 有 益 ,食 落 好 爽 滑。而 出 乎 大 家 意 料 嘅 係 以 為 扇 子 只 作 裝 飾 之 用 ,原 來 係 炸 麵 配 以 蟹 黃 點 綴 ,香 脆 好 味 到 我 同 Meling 第 一 時 間 食 晒 ,呢 啲 咪 叫 心 思 囉!

       

       一 般 宴 席 去 到 尾 聲 ,99% 都 係 毫 無 新 意 咁 出 炒 飯 呀 、伊 麵 呀 之 類 飽 肚 之 物。但 唐 宮 突 破 悶 爆 局 面 ,出 點 心!

      

       鮮 蝦 金 魚 餃 非 常 大 隻 ,魚 身 脹 卜 卜 ,魚 尾 靚 到 極 ,精 緻 之 餘 仲 好 好 食 ,蝦 肉 鮮 味 彈 牙 ,爽 呀!

      

       燕 窩 燉 雙 皮 奶 上 到 枱 時 嘩 聲 此 起 彼 落 . . . 因 為 . . .

      1. 星 星 碗 相 當 巨 型 ,睇 支 匙 羹 都 估 到 個 碗 有 幾 大。

      2. 燕 窩 份 量 勁 多 ,我 估 二 両 都 有。

      3. 牛 奶 之 中 加 咗 椰 奶 及 鮮 忌 廉 ,令 雙 皮 奶 滑 滑 呀 嘟 嘟 ,似 豬 膏 咁 滑 ,牛 油 蛋 達 都 無 咁 滑 . . . .

      忍 唔 住 問 譚 經 理 其 他 人 幫 襯 時 係 咪 都 會 有 咁 大 碗 架?佢 笑 笑 口 話 肯 定 會 一 樣 ,放 心 啦!

      

       藍 啤 梨 木 瓜 船 絕 不 馬 虎 ,冰 鎮 各 種 水 果 都 相 當 新 鮮 ,當 中 以 木 瓜 最 香 甜 ,大 家 飽 到 極 都 照 樣 食 到 乾 乾 淨 淨。

           

      講 開 水 果 ,唐 宮 今 個 月 攪 咗 個 夏 日 水 凝 果 香 美 食 推 廣 ,所 有 菜 式 都 以 水 果 入 饌 ,唔 少 菜 式 更 係 大 膽 創 新 ,別 開 生 面 到 包 你 聽 都 未 聽 過 ,好 似 冬 陰 香 芒 蝦 球 、水 晶 鵝 肝 凍 伴 君 度 雪 梨 丸 子 、酥 炸 香 蕉 挪 威 三 文 魚 卷 、葡 汁 龍 眼 焗 銀 鱈 魚 、酥 皮 焗 南 瓜 燕 窩 露 . . . 係 咪 好 有 衝 動 想 去 試 呢? 

      

       電 話 : 2760 3628 / 2197 3519         供 應 時 間 : 6p.m - 11p.m

      消 費 : $12,880 / 席【供 12 位 享 用】

      溫 馨 提 示 : 提 早 兩 天 前 訂 枱 ,每 天 限 量 供 應 一 席



      地 址 : 九 龍 旺 角 窩 打 老 道 75 號 九 龍 維 景 酒 店 2 樓

                 一 按 地 址 直 達 Google 地 圖

      

 


上一篇: 東來居火鍋料理 一夜瘋狂

下一篇: 關島 自遊之旅 Day 2 夜遊 超市


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,401,517
所有文章: 2,060
本日訪客人數: 1,405
累計訪客人數: 10,177,304