文章
相簿

→ 灣 仔

東來居火鍋料理 一夜瘋狂

不眠王子 於 2011年06月09日發表   人氣:1323


      

       新 浪 微 博 前 晚 邀 約 王 子 及 一 班 老 友 食 晚 飯 ,大 家 都 想 打 邊 爐 ,於 是 揀 咗 東 來 居 火 鍋 料 理 開 餐 ,是 夜 9 個 女 仔 1 夜 鬼 ,口 福 加 艷 福 不 淺 ,仲 巧 遇 少 年 食 神 (佢 係 此 店 老 闆 之 一),佢 跟 大 家 打 個 招 呼 之 餘 ,更 私 人 醒 咗 幾 款 人 氣 小 食 兼 送 咗 大 大 份 甜 品 拼 盤 俾 大 家 ,所 以 喺 度 鳴 謝 微 博 嘅 大 員 S 小 姐 及 B 小 姐 做 東 之 餘 ,亦 要 向 林 先 生 講 聲 多 謝。

      

       東 來 居 雖 然 係 火 鍋 店 ,但 地 方 比 想 像 中 細 ,全 店 有 80 個 座 位 ,但 近 乎 一 半 間 咗 俾 VIP 房 ,舒 適 度 相 當 高。店 子 雖 小 ,但 人 手 相 當 充 足 ,侍 應 加 經 理 都 有 唔 少 人 ,所 以 招 呼 夠 晒 慇 勤 ,不 時 會 主 動 埋 嚟 幫 手 撇 走 火 鍋 湯 上 嘅 油 脂 ,而 兩 位 經 理 仲 幾 nice 幾 好 傾 添!

      而 消 費 亦 無 想 像 中 咁 貴 ,我 哋 10 個 人 呢 晚 食 到 咁 瘋 狂 ,埋 單 每 人 圍 到 $300 左 右。以 一 間 位 處 酒 店 ,得 獎 無 數 兼 有 唔 少 明 星 幫 襯 嘅 火 鍋 店 嚟 講 ,價 錢 都 算 幾 經 濟。

      

       蜜 餞 雞 翼 ($48) 隻 隻 肥 嘟 嘟 、體 形 飽 滿 、色 澤 均 勻 ,賣 相 已 經 夠 吸 引 ,食 落 肉 質 滑 滑 哋 ,味 道 甜 甜 哋 ,好 味!

       

       椒 鹽 多 春 白 飯 魚 ($88) 王 子 推 介 必 試 小 食 ,白 飯 魚 大 條 又 肥 美 ,香 口 又 惹 味 ,入 口 真 係 feel 到 勁 多 春 呀!

      

       脆 皮 牛 腩 ($48) 係 少 年 食 神 推 介 之 物 ,牛 腩 外 微 脆 、內 鬆 化 ,唔 蘸 附 上 嘅 醬 汁 已 經 好 夠 味。

      

       醬 芥 每 位 收 $22 亦 合 理 到 極 ,因 為 醬 料 當 中 有 唔 少 都 係 用 靚 貨 ,自 助 醬 料 14 款 包 括 芝 麻 醬 、麻 油 、XO 醬 、乾 薑 酥 、乾 蔥 酥 、蒜 酥 、辣 椒 子 、七 味 粉 、香 蔥、魚 露 、意 大 利 黑 醋 等 任 你 落。

      

       店 內 嘅 火 鍋 湯 底 多 達 20 款 ,好 多 都 好 有 特 色 ,同 微 博 S 小 姐 商 量 一 輪 後 ,首 先 揀 咗 花 雕 醉 雞 鍋 ($98)。

      

       花 雕 醉 雞 係 另 上 ,等 你 睇 吓 店 方 有 幾 真 材 實 料 ,呢 個 價 錢 去 其 他 火 鍋 店 未 必 有 隻 咁 靚 嘅 雞 加 咁 靚 嘅 料 俾 你。最 重 要 係 店 員 加 湯 時 ,會 因 應 你 點 咗 邊 款 湯 底 而 加 番 嗰 款 湯 以 保 持 原 汁 原 味 ,比 市 面 大 部 份 火 鍋 店 求 其 加 啲 所 謂 嘅 清 雞 湯 ,東 來 居 絕 對 值 得 一 讚。

       

       另 一 款 湯 底 揀 咗 呢 度 最 出 名 嘅 羅 宋 牛 膝 鍋 ($68) ,你 睇 煲 配 料 多 到 . . . 牛 膝 仲 多 到 我 哋 食 極 都 有 ,Happy!

      

       羅 宋 牛 膝 湯 滾 熱 辣、香 噴 噴 ,忍 唔 住 先 飲 一 碗 熱 身。

      

       午 餐 肉 ($58) 係 店 中 名 物 ,由 浙 江 直 送 ,特 色 係 加 咗 金 華 火 腿 喺 裡 面 ,放 落 邊 個 湯 底 淥 一 陣 都 好 食 到 顛 呀!

      

       三 秒 腐 皮 ($32) 個 名 嘅 由 來 跟 歌 手 王 苑 之 有 關 ,想 知 請 自 己 google 一 吓 ,腐 皮 捲 成 大 大 條 蛋 卷 狀 ,滾 幾 秒 就 食 得 ,外 微 脆 、內 煙 韌 ,都 幾 爽 口。

      

       鮮 露 筍 ($58) 用 冰 鎮 住 ,以 寒 氣 keep 住 露 筍 嘅 新 鮮 度 ,醒 目!鮮 露 筍 味 道 爽 甜 ,不 妨 一 試。

      

       什 菌 (忘 記 價 錢) 一 藍 子 嘅 賣 相 靚 到 好 似 新 鮮 摘 落 嚟 咁 ,籃 內 有 齊 鮮 冬 菇 、鮮 白 菌 、金 菇 、草 菇 及 白 靈 菇 等。

      

       本 地 手 切 肥 牛 ($198) 係 用 牛 頸 脊 部 位 ,肥 瘦 適 中 ,雪 花 分 佈 亦 均 勻 ,連 賣 相 都 整 到 咁 靚 仔。

      

       肥 牛 超 鮮 嫩 又 juicy ,一 碟 10 個 人 分 點 夠 喉 ,未 食 第 2 塊 已 經 舉 再 落 order 啦!

      

       坑 腩 肥 牛 粒 ($178) 睇 見 咁 新 鮮 就 流 口 水 ,肥 牛 粒 用 坑 腩 位 ,煙 煙 韌 韌 有 咬 口 之 餘 肉 味 勁 濃 ,記 得 淥 耐 少 少。

      

       金 錢 牛 腱 ($118) 其 實 亦 好 鮮 味 ,但 手 切 肥 牛 太 強 ,呢 碟 變 咗 乏 人 問 津 ,由 我 包 底。

      

       鮮 墨 滑 ($78) 新 鮮 夠 彈 牙 ,跟 埋 專 屬 醬 汁 夠 晒 細 心。  

      

       鮮 蝦 滑 ($78) 鮮 味 到 極 ,又 係 爽 口 勁 彈 牙。

      

       店 經 理 親 自 幫 我 哋 將 蝦 滑 墨 滑 打 成 肉 丸 狀 ,Pro 呀!

      

       鮮 牛 丸 ($58) 新 鮮 肉 味 濃 ,無 需 蘸 乜 汁 物 汁 ,必 食!

      

       墨 魚 丸 ($78) 拼 咸 蛋 黃 只 係 加 多 $10 ,墨 魚 丸 勁 新 鮮。

       

       除 咗 咸 蛋 黃 ,所 有 丸 子 都 可 以 釀 芝 士 、鵝 肝 或 蟹 膏。

      

       鮮 蝦 丸 ($78) 釀 咗 芝 士 ,鮮 味 超 彈 牙 ,但 無 乜 芝 士 味。

       

       鮮 豬 肉 丸 ($58) 釀 咗 鵝 肝?又 係 唔 多 覺 ,但 豬 肉 丸 本 身 好 鮮 味 ,加 番 分! 

      

       魚 肚 ($28) 自 己 無 食 到 ,所 以 no comment。

      

       韮 菜 餃 ($60) 隻 隻 都 相 當 飽 滿 ,皮 滑 溜 、餡 料 靚 ,正!

      

       露 筍 帶 子 餃 ($80) 更 正 更 好 味 ,係 貴 但 足 料 製 作 嘛!

      

       凍 豆 腐 ($28) 口 感 跟 山 水 豆 腐 好 唔 同 ,熟 後 質 感 較 結 實 ,但 入 口 又 好 滑 溜 兼 好 索 湯 汁 ,正 呀!

      

       牙 擦 蝦 子 麵 ($88) 只 得 2 件 ,呢 度 已 經 係 兩 份 即 $176 ,少 年 食 神 嘅 自 家 製 瑤 柱 蝦 子 麵 過 去 有 唔 少 傳 媒 報 導 過 ,我 係 第 一 次 食 ,44 蚊 一 嚿 咁 貴 ,係 咪 真 係 咁 堅?

      

       蝦 子 麵 亦 係 由 經 理 幫 忙 去 淥 ,佢 熟 手 兼 掌 握 得 好 嘛! 

      

       蝦 子 麵 淥 熟 後 跟 蝦 子 、XO 醬 及 麻 油 撈 勻 就 食 得 ,味 道 係 唔 錯 ,麵 身 一 條 條 唔 會 結 成 一 塊 ,爽 彈 得 嚟 好 有 咬 口 ,但 我 同 Meling 都 有 同 感 ,無 傳 媒 形 容 得 咁 天 下 無 敵 囉!

      

       西 式 甜 品 拼 盤 係 店 方 所 送 ,幫 襯 滿 $400 會 送 生 果 盤 之 餘 ,仲 會 送 埋 西 式 甜 品 拼 盤 添!焦 糖 燉 蛋 散 賣 $28 架!味 道 OK 啦!但 Panna Cotta 及 Tiramisu 就 麻 麻 哋 ,美 式 芝 士 餅 反 而 仲 好 味 ,至 於 Brownie 我 就 無 食 到 ,No comment。

      但 考 慮 埋 係 送 嘅!我 覺 得 唔 應 該 挑 剔 嘅!

      

       心 太 軟 ($48) 可 以 喺 3 款 市 面 無 得 賣 嘅 阿 波 羅 雪 糕 中 任 選 一 款 作 配 搭 ,我 揀 咗 見 都 未 見 過 嘅 蕃 薯 味。

      

       心 太 軟 嘅 水 準 唔 算 太 高 ,但 肯 定 合 格 有 餘 ,睇 片 啦!

    

      心 太 軟 流 心 程 度 急 咗 啲!證 明 濃 稠 度 不 足 ,好 味 嘅!

       

       本 地 雪 糕 中 向 來 愛 食 阿 波 羅 (雀 巢?咪 玩 啦!) 蕃 薯 雪 糕 味 道 天 然 ,甜 度 適 中 ,可 惜 只 供 應 俾 酒 店 及 部 份 食 肆。

      

        阿 波 羅 雪 糕 除 咗 蕃 薯 味 ,仲 有 綠 茶 及 呍 喱 嗱 ,Highly recommend 前 者 ,綠 茶 味 勁 濃 ,無 哈 記 咁 creamy ,正 到 個 個 以 為 係 日 本 直 送 嘅 Meji 明 治 綠 茶 雪 糕。

      

       生 果 盤 係 店 方 所 送 ,幫 襯 滿 $300 就 有 得 送 ,睇 吓 幾 款 時 令 嘅 新 鮮 生 果 擺 得 幾 有 型!

       

       放 咗 呢 張 飯 局 影 嘅 相 上 微 博 ,竟 然 有 人 留 言 問 相 中 人 係 咪 舒 淇 . . .開 心 死 個 朋 友 仔。 

      

       電 話 : 2244 3355             平 均 消 費 : $250 - $350 / 位

      地 址 : 灣 仔 謝 斐 道 297-305 號 王 子 酒 店 1 樓

                     一 按 地 址 直 達 Google 地 圖

        

 


上一篇: 平井堅 apm 宣傳新碟 Japanese Singer

下一篇: 九龍維景酒店 唐宮 維景金裝豪華宴


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,502,156
所有文章: 2,060
本日訪客人數: 519
累計訪客人數: 10,261,970