文章
相簿

博 客 Event

Zippo 香港首登場 MPL 多用途點火器

不眠王子 於 2011年06月12日發表   人氣:1883


      

       上 面 呢 張 唔 係 官 方 相 ,亦 唔 係 用 單 反 機 影 ,更 加 無 用 PS 執 相 ,只 係 剛 才 喺 書 枱 上 面 影 咋!早 排 出 席 Zippo 嘅 Blogger Event ,寫 寫 吓 至 醒 起 唔 記 得 影 張 置 頂 用 嘅 靚 仔 相 ,咪 用 部 DC 仔 影 囉!呢 支 係 Zippo 今 個 月 終 於 喺 香 港 推 出 嘅 Mini MPL 多 用 途 點 火 器。

      點 解 講 終 於 呢?其 實 MPL 喺 外 國 已 推 出 咗 好 幾 年 ,但 香 港 就 第 一 次 引 入 ,王 子 但 凡 出 席 blogger event 必 定 喺 事 前 做 足 功 課 ,唔 會 照 搬 公 關 提 供 嘅 press release 落 Blog 咁 求 其 ,所 以 我 唔 會 話 呢 支 點 火 器 係 Zippo 全 新 推 出 嘅 產 品 囉!

      Anyway, 多 謝 Zippo 送 咗 支 咁 實 用 嘅 潮 物 俾 王 子。

      

       MPL 係 多 用 途 點 火 器 Multi Purpose Lighter 嘅 簡 寫 ,今 次 event 中 仲 有 Zippo 美 國 總 部 嘅 環 球 市 埸 推 廣 總 監 David Warfel 先 生 親 臨 現 場 ,講 吓 呢 個 接 近 有 80 年 歷 史 嘅 老 字 號 品 牌 ,並 介 紹 初 到 香 港 嘅 MPL 多 用 途 點 火 器 添!可 見 官 方 對 呢 件 產 品 有 多 重 視。

      

       好 多 人 以 為 Zippo 只 係 有 出 打 火 機 ,其 實 佢 哋 連 點 火 器 、手錶 、香 水 甚 至 男 士 配 飾 都 有 出 品 架!

      

       王 子 雖 然 唔 食 煙 ,但 我 都 珍 藏 咗 一 個 Zippo crossover 其 他 品 牌 所 推 出 嘅 限 量 打 火 機 ,當 然 唔 係 相 中 電 影【教 父】嘅 紀 念 打 火 機 啦!

                 

        Zippo 送 俾 我 嘅 呢 支 Mini MPL 點 火 器 非 常 實 用 ,我 第 一 時 間 諗 到 喺 屋 企 點 香 芬 蠟 燭 及 帶 去 效 外 BBQ 用 ,加 上 佢 細 細 支 又 防 風 ,就 算 去 露 營 都 方 便 到 極。

      

       更 重 要 嘅 係 ,一 般 打 火 機 朕 火 水 臭 味 勁 難 頂 ,打 火 時 亦 未 必 百 發 百 中。而 女 仔 用 入 gas 嘅 打 火 機 喺 打 火 時 經 常 會 整 痛 隻 手 指 甚 至 整 崩 手 指 甲 ,咁 輕 推 一 吓 按 掣 嘅 MPL 點 火 器 會 真 係 易 過 打 火 ,睇 段 片 就 明 有 幾 易 用。 

                              

       Mini MPL 除 咗 碳 黑 色 ,仲 有 珍 珠 白 、紅 色 及 粉 紅 色。

      

       Mini MPL 點 火 器 個 包 裝 咁 高 貴 ,用 嚟 做 父 親 節 禮 物 一 啲 都 唔 失 禮 ,而 且 零 售 價 只 係 $250 ,你 一 定 負 擔 得 起 啦!

      

       MPL 點 火 器 話 明 多 用 途 ,除 咗 防 風 ,仲 有 火 力 調 節 掣 ,想 大 火 細 火 都 可 以 隨 心 所 欲。 

      

       多 用 途 點 火 器 背 面 仲 設 有 一 個 保 險 掣 ,設 計 上 連 保 護 小 朋 友 安 全 亦 一 樣 顧 及 到 ,值 得 一 讚。

      

       曲 咀 點 火 器 Flex Neck MPL 比 Mini MPL 用 途 更 全 面 ,頂 部 多 咗 個 可 作 360 度 轉 向 嘅 噴 咀 ,方 便 用 家 燃 點 一 啲 難 於 觸 及 嘅 地 方 ,例 如 燒 烤 爐 內 炭 堆 中 嘅 炭 精 或 熄 咗 嘅 炭。

                    

       Flex Neck MPL 曲 咀 點 火 器 size 比 Mini MPL 點 火 器 大 少 少 ,而 售 價 亦 略 高 少 少 ,但 都 只 係 $290 咋!

      

       Zippo 為 Blogger Event 花 咗 唔 少 心 思 ,唔 會 硬 銷 產 品。例 如 喺 event 加 插 香 薰 蠟 燭 工 作 坊 環 節 ,由 幾 位 專 業 導 師 教 出 席 嘅 blogger 親 手 製 作 香 薰 蠟 燭 ,整 完 仲 可 以 帶 走 添!

      

       製 作 香 薰 蠟 燭 嘅 所 需 材 料 ,當 然 包 括 Zippo 點 火 器 啦

      

       香 薰 蠟 燭 完 成 之 後 ,就 可 以 移 開 穩 定 燭 心 嘅 筷 子。

       

       蠟 燭 揀 咗 橙 味 香 薰 油 ,有 幾 香 當 然 要 即 場 點 點 至 知。

                     

                      點 蠟 燭 梗 係 用 Zippo 嘅 多 用 途 點 火 器 啦!

                      

       影 完 張 靚 仔 相 ,即 刻 吹 熄 佢 ,用 嚟 送 俾 王 妃 嘛!

       

       Zippo Blogger Event 雖 然 請 咗 10 個 Blogger 左 右 ,但 品 牌 卻 好 豪 咁 叫 咗 酒 店 式 到 會 招 待 大 家 ,又 三 文 治 、又 cookies 、又 蛋 糕 . . . 水 準 仲 相 當 唔 錯 ,呢 度 影 咗 半 張 枱 咋!

       

 


上一篇: 大榮華圍村菜 灣仔店 樣樣都好啲

下一篇: 文鼎壹號 富豪新寵 形格寧波菜


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,393,533
所有文章: 2,060
本日訪客人數: 1,890
累計訪客人數: 10,169,400