文章
相簿

→ 尖 沙 咀

廣東茶居 隱世名物 曝光

不眠王子 於 2011年06月15日發表   人氣:1156


      

       尖 沙 咀 海 港 城 經 常 會 去 ,咁 大 個 商 場 咁 多 食 肆 ,邊 間 幫 襯 得 最 多?我 可 以 話 你 知 係 廣 東 茶 居 ,一 直 唔 敢 寫 Blog 係 因 為 佢 平 日 已 經 好 爆 吓 ,我 怕 寫 完 之 後 . . . 

      咁 而 家 又 寫?因 為 呢 餐 由 海 港 城 請 客 ,再 無 唔 寫 嘅 理 由 ,而 且 當 晚「10 個 Blogger 9 個 女 ,萬 紅 叢 中 一 點 綠」,再 加 埋 海 港 城 幾 位 推 廣 部 靚 女 及 一 姐 ,咁 大 份 艷 遇 點 可 以 唔 寫 寫 佢?首 先 喺 度 梗 係 要 多 謝 海 港 城 請 客 啦!

      唔 少 人 都 知 廣 東 茶 居 跟 隔 鄰 嘅 尚 膳 潮 州 小 廚 源 自 同 一 老 闆 ,但 你 又 知 唔 知 無 論 身 處 邊 一 間 ,你 都 可 以 點 另 一 間 嘅 菜 式 呢?而 你 又 知 唔 知 廣 東 茶 居 嘅 名 物 係 乜?而 名 物 背 後 仲 有 鮮 為 人 知 嘅 隱 藏 版 你 又 有 無 聽 過 呢?

      等 王 子 一 口 氣 公 諸 於 世 吧!

      

       老 火 湯 ($40) 期 期 不 同 ,當 晚 飲 嘅 雞 腳 湯 固 然 火 候 十 足 ,但 最 有 印 象 都 係 圖 中 之 雞 腳 ,你 睇 吓 大 隻 到 . . .

      

       胡 椒 咸 菜 豬 肚 湯 ($42) 好 足 料 ,豬 肚 軟 腍 滑 溜 ,爽!

      

       鹵 水 鵝 肉 三 拼 盤 ($108) 包 括 好 鮮 嫩 但 肥 多 少 少 會 更 好 嘅 鵝 片 ,爽 滑 有 咬 口 嘅 墨 魚 片 及 滑 溜 又 入 味 嘅 豆 腐。

      

       鹵 水 三 拼 盤 ($108) 包 括 份 量 超 多 、皮 滑 骨 軟 嘅 鴨 舌 ,爽 滑 入 味 嘅 豬 手 及 豆 腐。

      

       沙 律 明 蝦 球 ($98) 係 我 近 幾 年 食 過 同 類 菜 式 中 最 正 嘅 ,蝦 球 勁 大 粒 又 彈 牙 ,沙 律 汁 唔 似 得 出 面 部 份 食 肆 咁 落 得 厚 厚 ,食 到 成 口 沙 律 醬 ,外 層 仲 放 滿 芝 麻 ,相 當 惹 味。 

      

      潮 式 蠔 仔 烙 ($68) 一 大 底 猶 如 潮 州 pizza ,煎 得 夠 香 口 ,蠔 仔 多 又 鮮 ,食 落 唔 油 膩 ,唔 錯! 

      

       油 泡 龍 躉 球 ($198) 魚 肉 非 常 嫩 滑 ,雖 然 話 油 泡 但 其 實 唔 太 油 膩 架!所 以 我 食 咗 唔 少。

      

       脆 皮 炸 子 鷄 ($160 / 半 隻) 睇 賣 相 已 經 收 晒 貨 ,色 澤 均 勻 ,雞 皮 已 飛 走 皮 下 脂 肪 ,入 口 微 脆 ,肉 就 唔 算 太 嫩 滑 ,但 都 幾 好 食。

      

       冰 梅 烤 小 骨 ($68) 酸 酸 甜 甜 啖 啖 肉 ,惹 味 好 送 飯。 

      

       方 魚 炒 芥 蘭 ($65) 無 乜 特 別 ,菜 夠 翠 綠 ,好 爽 口 咁 囉!

      

       糖 醋 伊 麵 ($72) 一 大 餅 唔 會 散 收 收 ,相 當 對 辦。

      

       伊 麵 炸 得 香 口 鬆 脆 ,食 落 又 唔 無 油 膩 感 ,Good 呀!

       

       豉 油 皇 炒 麵 ($62) 睇 吓 啲 麵 炒 到 一 條 條 層 次 分 明 就 證 明 廚 師 俾 足 心 機 無 偷 懶 ,味 道 亦 調 得 剛 剛 好 唔 會 太 鹹。

      

       爽 滑 腰 膶 粥 ($38) 無 食 到 ,No comment!

      

       馬 拉 糕 ($25) not bad ,但 同 大 榮 華 比 就 . . . Well!

       

       福 果 芋 泥 ($24) 係 我 指 定 要 點 嘅!芋 泥 熱 烘 烘 、香 綿 軟 滑 甜 蜜 蜜 ,唔 係 周 圍 輕 易 食 到 有 咁 高 嘅 水 準 ,趁 熱 啦!

      

       反 沙 芋 條 ($60) 又 係 必 點 嘅!熱 辣 辣 香 口 到 極 ,內 裡 又 軟 綿 綿 喎!好 食 到 呢 . . . 不 過 怕 肥 嘅 最 好 食 一 條 就 算 啦! 

      

       紫 羅 西 米 露 ($22) 煲 咗 幾 多 粒 鐘 呢?香 甜 唔 會 水 汪 汪。

       

       雪 糕 紅 豆 冰 ($38) 你 可 能 知 佢 係 廣 東 茶 居 嘅 名 物 ,但 原 因 唔 係 冰 室 紅 豆 冰 嘅 誘 人 賣 相 ,而 係 背 後 嘅 用 料。收 得 $38 又 點 會 俾 普 通 貨 色 你?雪 糕 係 用 Milk Top 北 海 道 牛 奶 雪 糕 ,平 日 一 球 Milk Top 雪 糕 幾 多 錢 你 無 理 由 唔 知。而 紅 豆 亦 係 用 北 海 道 十 勝 紅 豆。所 以 你 見 到 有 人 喺 度 食 雪 糕 紅 豆 冰 ,唔 好 覺 得 奇 怪 ,一 於 叫 埋 一 份 吧!

      

       雪 糕 紅 豆 ($38) 係 雪 糕 紅 豆 冰 嘅 隱 藏 版 ,連 menu 內 都 無 ,咁 點 叫 呀?有 朋 友 試 過 叫 雪 糕 紅 豆 冰 走 冰 ,但 未 必 次 次 成 功 ,因 為 侍 應 未 必 明 你 講 乜 ,但 經 理 就 一 定 知。但 如 果 叫 雪 糕 紅 豆 碗 上 ,成 功 率 會 大 好 多。 

                          

       雪 糕 紅 豆 跟 雪 糕 紅 豆 冰 當 然 口 感 不 同 啦!前 者 嘅 花 奶 係 另 上 ,食 完 一 啖 至 落 花 奶 再 食 ,感 覺 又 唔 同 ,過 癮! 

      

       圓 肉 桂 花 糕 ($22) 好 香 但 唔 會 過 甜 ,咬 落 有 啲 煙 韌。

      

       鮮 奶 椰 汁 糕 ($22) 甜 、香 、滑 ,正 常 水 準。

      

       蛋 黃 千 層 糕 ($22) 就 稍 嫌 偏 甜 咗 少 少。

      點 解 嚟 咁 密?因 為 水 準 咁 高 但 又 經 濟 嘅 同 類 菜 館 ,喺 尖 沙 咀 嚟 講 唔 係 太 多。

       

       電 話 : 2613 9889           平 均 消 費 : $100 - $150 / 位 

      地 址 : 尖 沙 咀 海 港 城 港 威 中 心 3 樓 3303 號 舖

                 一 按 地 址 直 達 Google 地 圖

      

 


上一篇: 鳳城酒家 太子店 十道招牌菜 十二萬分愛

下一篇: 可口可樂 x James Jarvis 購物袋 入手


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,698,371
所有文章: 2,060
本日訪客人數: 664
累計訪客人數: 9,554,648