文章
相簿

→ 太 子

鳳城酒家 太子店 十道招牌菜 十二萬分愛

不眠王子 於 2011年06月17日發表   人氣:1221


      

       又 到 王 子 周 末 推 介 啦!鳳 城 酒 家 有 好 多 間 ,但 除 咗 太 子 及 北 角 嘅 鳳 城 係 元 祖 店 ,其 餘 均 屬 新 光 酒 樓 集 團 旗 下 嘅 分 店 ,想 知 商 標 爭 奪 戰 嘅 背 後 故 事 ,可 以 上 網 自 己 search 吓。反 正 好 多 人 都 知 道 要 食 金 玉 其 外 嘅 就 去 邊 間 鳳 城 ,要 食 鳳 城 真 味 嘅 ,都 係 去 元 祖 店 最 對 辦 ,畫 公 仔 唔 需 要 畫 出 腸 啦!

      而 兩 間 鳳 城 酒 家 中 又 以 太 子 店 最 多 人 推 介 ,王 子 又 唔 係 三 文 魚 ,無 謂 逆 流 而 上 ,太 子 店 格 局 係 舊 啲 ,但 你 嚟 食 嘢 ,又 唔 係 睇 show ,坐 得 舒 服 就 OK 啦!至 於 網 上 食 評 有 少 部 份 人 講 呢 度 嘅 服 務 態 度 有 幾 唔 好 ,望 吓 呢 堆 相 都 無 張 嘅 新 戶 口 ,笑 吓 就 算 啦!王 子 同 幾 個 朋 友 仔 呢 晚 慢 食 幾 粒 鐘 ,部 長 或 侍 應 都 不 知 幾 好 招 呼 ,反 應 又 快。而 埋 單 時 發 生 一 段 小 插 曲 更 令 王 子 對 呢 度 嘅 service 俾 足 100 分。

      話 說 王 子 對 私 家 筷 跟 店 內 嘅 筷 子 差 唔 多 顏 色 ,埋 單 後 侍 應 正 常 咁 開 始 清 枱 ,我 掛 住 簽 咭 結 賬 ,唔 為 意 之 下 俾 佢 哋 執 走 埋 對 私 家 筷 ,仲 要 隔 咗 一 陣 至 發 現 問 題 ,於 是 問 女 部 長 (定 係 經 理) 可 唔 可 以 幫 我 入 廚 房 望 望 執 唔 執 得 番 ,佢 聽 完 我 嘅 描 述 就 第 一 時 間 急 步 入 廚 房 ,無 幾 耐 就 見 佢 笑 笑 口 咁 手 執 王 子 嘅 愛 筷 行 番 出 嚟 ,跟 住 同 我 講 不 如 順 便 攞 熱 水 洗 洗 佢 呀?到 我 手 嘅 一 對 筷 子 係 熱 嘅!仲 要 係 用 毛 巾 抹 過 滴 水 不 沾 嘅!今 時 今 日 咁 嘅 服 務 態 度 仲 唔 攞 滿 分?

      以 下 每 一 款 都 係 唔 駛 訂 、即 場 點 嘅 太 子 鳳 城 招 牌 菜 ,照 跟 無 妨 ,但 口 味 人 人 唔 同 ,自 己 揸 主 意 啦! 

      

       爽 脆 生 腸 ($128) 價 錢 好 貴?你 有 無 食 過 咁 粗 壯 、勁 鮮 滑 嘅 生 腸 先?據 講 豬 生 腸 係 用 巴 西 處 女 豬 子 宮 ,所 以 size 特 別 肥 大。如 果 真 係 嫌 貴 嘅 可 以 配 其 他 燒 味 叫 雙 拼 ,但 食 完 至 後 悔 就 自 己 攞 嚟 架 啦!

      

       食 生 腸 通 常 都 會 蘸 芥 醬 ,但 我 見 議 你 食 第 一 條 時 乜 都 唔 蘸 就 咁 放 入 口 ,感 受 吓 生 腸 有 幾 爽 脆 、鮮 味 、滑 溜。

      

       乳 豬 拼 叉 燒 ($138) 唔 係 因 為 唔 靚 ,所 以 叫 雙 拼 ,只 係 我 哋 得 6 個 人 ,食 唔 到 成 隻 乳 豬 嘛!你 睇 吓 雙 拼 嘅 份 量 絕 對 唔 細 碟 架! 

       

       乳 豬 皮 脆 肉 嫩 ,咬 落 去 "卜" 一 聲 ,唔 蘸 醬 都 咁 好 味。

       

       叉 燒 肥 瘦 適 中 ,肉 質 軟 腍 有 肉 味 ,厚 切 更 具 口 感。

      

       窩 貼 大 明 蝦 ($120) 係 鳳 城 必 點 之 物 ,我 一 個 人 可 以 掃 清 一 碟。原 蝦 開 邊 炸 、蝦 肉 超 彈 牙 、多 士 勁 香 脆 . . . 正 嘢 唔 駛 形 容 太 多 啦!

      

       脆 皮 炸 子 雞 ($220) 就 算 得 兩 個 人 嚟 都 好 ,一 定 要 order 全 隻 ,因 為 雞 係 即 點 即 新 鮮 生 炸。出 面?多 數 係 翻 炸。

                    

       脆 皮 炸 子 雞 滾 熱 辣 上 到 枱 後 ,滴 啲 檸 檬 汁 就 食 得。 

       

       脆 皮 雞 、皮 香 脆 ,唔 食 皮 不 如 唔 好 叫 啦!

      

       雞 肉 鮮 味 濃 ,而 且 肉 質 勁 嫩 滑 . . . 仲 要 係 滑 溜 得 好 緊 要 嗰 隻 ,滑 到 放 入 口 分 分 鐘 唔 覺 意 "sir" 咗 落 食 道 都 唔 奇。

      

       大 良 炒 炸 鮮 奶 ($84) 與 眾 不 同、配 料 特 多、熱 氣 騰 騰、奶 炒 得 滑、內 有 蟹 肉、增 加 口 感、八 十 四 蚊、無 收 貴 你。 

      

       鳳 城 炒 飯 ($65) 熱 氣 騰 騰 香 噴 噴 咁 上 枱 ,就 咁 望 埋 去 已 經 見 到 有 相 當 多 配 料 ,掂 呀!

      

       炒 飯 粒 粒 炒 得 夠 乾 身 ,色 澤 金 黃 但 唔 油 膩 ,食 得 出 有 蝦 肉 、叉 燒 、炒 蛋 、冬 菇 、蕃 茄 、香 蔥 . . . 多 到 數 唔 晒。 

      

       鳳 城 炸 粉 果 ($68) 炸 得 金 黃 豐 滿 勁 大 隻 ,至 於 浸 唔 浸 湯 食 就 自 己 決 定 啦!再 唔 係 食 完 一 半 再 浸 另 一 半 囉!

      

       炸 粉 果 內 有 蝦 、冬 菇 、豬 肉、馬 蹄 等 ,浸 唔 浸 湯 食 落 係 覺 得 油 膩 咗 啲,但 真 係 好 好 食 呀!

      

       大 良 牛 乳 白 粥 ($10) 加 咗 順 德 咸 牛 乳 嘅 白 粥 ,未 必 人 人 會 鍾 意 嗰 種 味 道 ,可 以 先 叫 一 碗 大 家 分 嚟 試 吓!

      

       白 粥 有 米 香 、粥 底 亦 夠 綿 ,加 咗 兩 片 咸 牛 乳 ,味 道 有 啲 似 食 加 咗 貴 價 芝 士 嘅 粥 ,幾 好 味 架!

      

       焗 蓮 蓉 西 米 布 甸 ($68 / 細) 雖 然 點 咗 一 客 細 ,但 都 相 當 大 窩 ,絕 對 夠 6 個 人 去 分。布 甸 熱 辣 辣 、軟 綿 綿 、甜 蜜 蜜 ,好 味!相 信 只 有 兩 種 人 會 覺 得 唔 好 食 ,1. 唔 食 甜 品 嘅 人。 2. 攤 凍 咗 好 耐 都 唔 食 嘅 人。

      呢 餐 埋 單 $1200 (茗 茶 每 位 $8 ,芥 醬 每 位 $6),除 開 每 人 都 係 $200 ,10 道 菜 喎!抵 過 又 好 食 過 幫 襯 酒 樓 食 啲 每 位 幾 百 蚊 嘅 乜 乜 物 物 綑 綁 式 套 餐 啦! 

      

       電 話 : 2381 5261              平 均 消 費 : $150 - $200 / 位

      地 址 : 太 子 彌 敦 道 749 號 歐 亞 銀 行 大 廈 1-2 樓

                 一 按 地 址 直 達 Google 地 圖

       

 


上一篇: 黃貫中 x Hard Rock Cafe 開幕派對

下一篇: 廣東茶居 隱世名物 曝光


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,698,368
所有文章: 2,060
本日訪客人數: 661
累計訪客人數: 9,554,645