文章
相簿

→ 銅 鑼 灣

峰壽司魚屋 勝在夠經濟

不眠王子 於 2011年06月20日發表   人氣:877


      

       峰 壽 司 旗 下 嘅 峰 壽 司 魚 屋 開 咗 都 有 年 半 有 多 ,位 處 銅 鑼 灣 最 繁 盛 地 帶 嘅 其 中 一 個 商 場 內 ,但 個 場 無 論 經 過 幾 多 次 豪 裝 ,始 終 都 唔 太 吸 引 人 流 ,個 人 感 覺 係 商 場 嘅 設 計 本 身 有 問 題 ,分 類 規 劃 亦 做 得 唔 好 ,如 果 魚 屋 開 落 幾 條 街 ,相 信 生 意 會 比 而 家 更 好。

      可 能 因 為 生 意 關 係 ,店 子 開 張 初 期 旗 本 以 吞 拿 魚 料 埋 為 主 打 ,但 如 今 打 開 餐 牌 ,吞 拿 魚 菜 式 唔 係 少 咗 ,而 係 其 他 嘢 多 咗 ,乜 都 有 嘅 情 況 下 變 咗 間 普 通 日 本 料 理。講 到 service 亦 無 乜 好 講 ,唔 係 無 禮 貌 ,只 係 一 班 set 咗 程 序 嘅 機 械 人 服 侍 你 ,幾 個 侍 應 一 個 樣。

       

       迷 你 吞 拿 魚 拉 麵 ($38) 係 店 中 招 牌 拉 麵 嘅 迷 你 版 ,原 大 版 要 $58 ,試 迷 你 版 可 以 點 多 啲 其 他 嘢 試 吓 ,Why not?

      

       用 吞 拿 魚 頭 及 鰹 魚 淆 成 嘅 湯 底 味 道 清 中 帶 微 甜 ,兩 片 厚 切 吞 拿 魚 生 係 最 後 至 放 上 去 ,上 到 枱 時 已 被 熱 湯 灼 至 半 熟 ,湯 面 佈 滿 魚 油 ,落 少 少 wasabi 會 更 好 食。

      

       拉 麵 彈 牙 到 唔 似 平 日 食 開 嘅 拉 麵 ,似 韓 國 農 心 麵。

      

       迷 你 蔥 粒 吞 拿 魚 腩 飯 ($38) 話 雖 迷 你 ,但 前 菜 、沙 律 、麵 豉 湯 一 樣 跟 到 足 ,迷 你 飯 嘅 份 量 對 女 仕 係 OK 足 夠。 

      

       吞 拿 魚 腩 蓉 味 道 都 幾 鮮 ,跟 飯 撈 勻 食 會 更 好 味。

      

       雜 錦 魚 生 飯 ($90) 睇 咁 靚 嘅 賣 相 會 覺 得 $90 係 抵 俾 嘅!

      

       魚 生 飯 包 括 三 文 魚 、吞 拿 魚 、三 文 魚 子 、甜 蝦 、帶 子 、玉 子 等 ,每 款 都 靚 到 反 晒 光 ,應 該 好 新 鮮 吧!

      

       挪 威 三 味 ($35) 個 名 好 唔 得 ,點 解 唔 叫 挪 威 三 點 盛 之 類 ,呢 個 item 擺 明 係 為 愛 食 三 文 魚 嘅 香 港 人 而 設。

      

       三 文 魚 刺 身 、三 文 魚 子 軍 艦 壽 司 加 三 文 魚 壽 司 ,圍 到 唔 駛 $6 件 ,抵 食 到 極!不 過 呢 碟 係 朋 友 仔 點 ,我 無 食 到。

      

       炸 蝦 ($25) 有 4 大 隻 大 件 夾 抵 食 ,炸 到 色 澤 均 勻 ,但 蝦 肉 就 唔 係 太 夠 鮮 ,肉 質 偏 腍 兼 無 乜 味。

       

       炸 墨 魚 軟 骨 ($25) 無 食 到 ,所 以 唔 俾 comment 啦!

                   

       炸 魚 餅 ($25) 唔 講 ,仲 以 為 自 己 食 緊 順 德 菜 . . . .         

      

       喺 日 本 食 過 幾 次 炸 魚 餅 ,唔 係 咁 嘅 樣 ,好 油 膩 嘅 呢!

      

       炸 牛 蒡 條 ($25) 脆 卜 卜 、好 香 口 ,但 牛 蒡 係 健 康 食 材 ,用 嚟 炸 好 似 有 點 兒 本 末 倒 置 咁 . . . . 囉!

      

       電 話 : 3583 3316                      平 均 消 費 : $70- $100 / 位

      地 址 : 銅 鑼 灣 告 士 打 道 311 號 皇 室 堡 4 樓 405 號 舖 

                 一 按 地 址 直 達 Google 地 圖

      

 


上一篇: 金沢日式料理屋 創意處處 港式日本茶餐廳

下一篇: 黃貫中 x Hard Rock Cafe 開幕派對


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,968,640
所有文章: 2,060
本日訪客人數: 1,290
累計訪客人數: 9,793,824