文章
相簿

新 界 飲 食

金沢日式料理屋 創意處處 港式日本茶餐廳

不眠王子 於 2011年06月21日發表   人氣:925


      

       望 住 堆 相 ,好 容 易 咁 諗 到 個 標 題。千 里 迢 迢 入 粉 嶺 郊 遊 ,一 心 發 挖 隱 世 美 食 ,絕 對 估 自 己 唔 到 第 一 站 竟 然 係 食 日 本 料 理 ,仲 要 係 港 式 那 一 種 ,值 得 嗎?但 當 我 望 望 門 口 那 一 大 塊 menu 牆 ;流 心 芒 果 布 丁?火 炙 朝 鮮 醬 蟹 棒 壽 司?靜 岡 魚 生 冷 麵?北 海 道 雪 糕 唐 揚?仲 有 一 大 堆 好 特 別 ,甚 至 未 聽 過 嘅 名 字 . . . 好 奇 心 嘅 引 力 瞬 間 吸 咗 我 入 去。  

     金 沢 日 式 料 理 屋 話 係 日 式 ,但 裝 修 同 格 局 卻 有 啲 港 式 茶 餐 廳 嘅 味 道。一 進 門 ,聽 到 侍 應 字「正」腔 圓 嘅 "易 啦 些 乜 些",究 竟 易 啦 些 嘅 係 乜 些 呢?我 又 無 問 呀!不 過 ,Service 係 OK 嘅!起 碼 全 部 都 係 人 類 ,無 機 械 人 存 在。

       

       無 論 店 門 口 嘅 佈 局 ,餐 具 嘅 擺 設 及 款 式 多 到 令 人 花 多 眼 亂 嘅 餐 牌 ,都 有 一 種 似 曾 相 識 嘅 感 覺 ,有 啲 似 旺 角 女 人 街 一 系 列 用 數 目 字 做 店 名 嘅 日 式 料 理 ,唔 通 . . .

      

       牡 丹 蝦 刺 身 ($28) 睇 蝦 頭 應 該 係 嚟 自 加 拿 大 ,Size 唔 太 大 隻 ,但 望 落 都 幾 新 鮮 ,咁 嘅 價 錢 有 兩 隻 ,算 抵 食。

      

       牡 丹 蝦 肉 質 彈 牙 又 鮮 甜 ,蝦 味 唔 算 濃 ,但 整 體 唔 錯。

      

       牡 丹 蝦 一 向 都 玩 兩 食 ,食 完 蝦 肉 ,要 求 侍 應 將 蝦 頭 攞 去 廚 房 炸 ,佢 一 臉 愕 然 ,原 來 我 係 店 子 第 一 個 客 要 求 咁 做 ,睇 佢 嘅 反 應 都 估 到 ,佢 行 開 無 幾 耐 就 返 嚟 話 蝦 頭 可 以 炸 ,但 要 收 $15 . . . 喺 香 港 食 過 無 數 大 大 小 小 、平 平 貴 貴 嘅 日 本 料 理 ,炸 蝦 頭 要 收 錢 都 係 第 一 次 遇 到 ,有 趣!

      唯 有 笑 笑 口 拒 絕 ,唔 係 吝 嗇 $15 ,只 係 認 為 唔 合 理。

       

       靜 岡 魚 生 冷 麵 拼 壽 司 定 食 ($46) 送 甜 品 兼 包 餐 飲 ,係 作 為 女 生 食 lunch 嘅 一 個 唔 錯 選 擇。魚 生 冷 麵 內 有 三 文 魚 、希 靈 魚 、蟹 柳 、蟹 籽 等 ,內 容 算 豐 富 ,味 道 亦 夠 fresh。

      

       壽 司 定 食 3 件 包 括 三 文 魚 、熟 蝦 及 蟹 棒 ,質 素 可 以。

                    

       天 婦 羅 蝦 手 卷 ($18) 蝦 身 偏 細 ,但 啱 啱 炸 起 熱 辣 辣 ,好 好 食 ,而 且 加 入 大 量 蟹 籽 增 加 口 感 ,18 蚊 係 物 有 所 值。 

      

       火 炙 胡 麻 三 文 魚 壽 司 ($14) 火 候 掌 握 得 好 ,三 文 魚 7 成 熟 ,魚 油 啱 啱 迫 出 嚟 ,香 噴 噴 入 口 ,肉 質 鬆 化 至 好 味。

      

       火 炙 朝 鮮 醬 蟹 棒 壽 司 ($16) 主 角 唔 係 蟹 棒 ,而 係 有 少 少 辛 辣 感 嘅 朝 鮮 醬 汁 ,自 己 明 明 食 緊 壽 司 ,但 感 覺 卻 似 食 泡 菜 ,新 鮮 感 攞 好 高 分 ,過 癮。 

      


       火 炙 咖 喱 鹽 左 口 魚 壽 司 ($20) 咖 喱 醬 汁 燒 過 後 格 外 香 濃 ,配 肉 味 偏 啖 嘅 左 口 魚 效 果 唔 錯 ,味 道 都 幾 夾。

      

       北 海 道 雪 糕 唐 揚 ($28) 即 係 炸 雪 糕 ,脆 粉 都 幾 薄 ,唔 會 食 到 成 口 粉 ,蘸 些 少 忌 廉 成 粒 放 入 口 ,刺 激 到 極。

      

       為 咗 影 相 至 用 刀 切 開 一 粒 俾 大 家 睇 ,雪 糕 溶 咗 所 以 狂 湧 而 出 ,如 果 一 上 枱 即 刻 食 ,雪 糕 會 無 咁 快 溶 嘅!

      

       流 心 芒 果 布 丁 ($14) 一 客 有 兩 件 ,跟 花 奶 一 小 瓶 ,其 中 一 件 布 丁 上 印 咗 隻 唔 知 魚 定 龍 嘅 不 知 名 生 物 ,賣 相 有 啲 似 小 學 雞 嘅 家 政 堂 作 品 ,另 外 一 件 嚟 嘅 時 候 已 經 爆 咗 流 緊 心,騎 呢 得 嚟 又 幾 攪 笑。

      

       得 番 一 件 芒 果 布 丁 俾 我 玩 流 心 ,流 出 嚟 嘅 芒 果 汁 都 有 唔 少 ,但 布 丁 質 素 麻 麻 哋 ,好 粉 、好 羅 拔 臣 ,但 唔 可 以 話 難 食 嘅!貪 得 意 一 試 無 妨。

                     

                      提 子 紅 茶 ($8) 有 咁 大 杯?因 為 剛 才 點 嘅 定 食 包 嘅 餐 飲 轉 特 飲 加 $5 就 OK!味 道 超 得 ,推 介!

                     

                      荔 枝 梳 打 ($15) 唔 係 求 其 得 杯 荔 枝 味 嘅 梳 打 ,真 係 放 咗 粒 荔 枝 肉 喺 裡 面 架!大 大 杯 透 心 涼 梗 係 抵 飲 啦!

      Lunch for 2 埋 單 兩 百 鬆 啲!食 日 本 嘢 嚟 講 算 經 濟。

       

       電 話 : 2676 3893                平 均 消 費 : $100 - $150 / 位

      地 址 : 粉 嶺 聯 和 墟 帝 庭 軒 商 場 地 下 2-3 號 舖

                      一 按 地 址 直 達 Google 地 圖

      

 


上一篇: 樂家蒸籠料理 唔怕生壞命 最怕...

下一篇: 峰壽司魚屋 勝在夠經濟


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,148,197
所有文章: 2,060
本日訪客人數: 1,819
累計訪客人數: 9,952,630